Вкусен пинџур со шери домати

Токму овој период се приготвува зимницата, која ни е омилена за јадење. Сепак, доколку сакате да се одморите од големи количини, за почеток пригответе малку поразличен пинџур со шери домати, кој одлично ќе ви дојде со денешниот ручек.

• 2 домати
• 2 зелени пиперки
• главица лук
• ½ кромид
• шери домати
• 2 лажици маслиново масло
• сол и бибер
• 1 лажичка магдонос
• малку црвена пиперка

Начин на подготовка:

Измиените и неизлупени домати избодете ги со виљушка на неколку места. Ставете ги во тава заедно со главицата лук и зелените пиперки. Полијте ги со масло, завиткајте ги со фолија и печете на 180°С околу 45 минути. Ситно исечкајте ги магдоносот, црвената пиперка и кромидот. Кога ќе се изладат испечените домати, излупете ги. Измешајте ги сите состојки, додадете масло, сол и бибер, а потоа прелијте со исечканиот магдонос и кромидот. Ставете ги во фрижидер додека да ги послужите.

Сезоната за зимниците е на прагот и сите ние сакаме да си приготвиме вкусни јадења или додатоци кои ќе ни бидат од корист во студените зимски денови. Доматите можат да се искористат во повеќе рецепти за зимница, а овие рецепти се брзи и едноставни така што ќе имате повеќе време да посветите на останатите работи, како на пример ајварот.

Рецепт со печени домати и пиперки

Потребни состојки

-Домати – 2 кг
-Пиперки – 1 кг
-Магдонос – 1 грст
-Целер – лисја
-Сол

Исчистете ги пиперките од семето и рачките и исечете ги на парчиња. Доматите се чистат од зеленото околу рачката и исто се сечат на парчиња. Производите се мелат во мелница за месо, по можност во голема решетка. Додајте ситно сецкан магдонос и целер во мешавината. Додадете сол и промешајте. Добиената смеса се распределува по тегли кои се затвораат цврсто и се стерилизираат околу 25 – 30 минути.

Сос од домати брз рецепт

-Црвени домати, добро зрели
-Сол
Добро измиените домати се сечат на парчиња и се мелат во машина за мелење. Се солат по вкус. Се ставаат во шишиња или тегли се затвораат херметички и се стерилизираат 20-25 минути од завривањето на водата.

Кечап лесен рецепт

-10 кг домати
-1 кг кромид
-500 гр јаболка
-20 лажици Шеќер
-3 лажици Сол
-1 лажиче. Бибер
-1 лажиче. Ким
-1 лажиче. Цимет
-1 лажиче. морско оревче
-1 чаша Оцет

НАЧИН НА ПОДГОТОВКА

Доматите се мелат. Кромидот и јаболката се варат во доматен сос и се пасираат додека не станат кашести. Сето ова се вари на тивок оган додека не стане густо како нектар. Се додаваат сите зачини и така се вари уште 10-15 минути. Потоа се става во шишиња и се стерилизира 5-7 минути.

Состојки
За три тегли од 700-800 мл
според потребата за да се наполнат теглите зрна од бело грозје
по ваша оцека зелени шери доматчиња
според вкус лути пиперчиња
Пресол
200 мл. алкохолен оцет
600 мл. вода
1 лажица сол
2 лажици шеќер
според вкус бибер во зрно, ловоров лист
по еден прстофат винобран и конзерванс

- Во сад ставете водата во која ќе ги додадете сите состојки освен винобранот и конзервансот. Откако ќе проврие тргнете настрана да се олади. Потоа додадете по еден прстофат од винобранот и конзервансот и измешајте.
- Одбраните зрна горзје кои се добро измиени и исцедени од водата во која се миеја. Пиперчињата исто така измијте и внимателно исечете ги рачките. Пожелно да имате мали пипечиња, но не пречи да ставите какви што имате дома.
- Наполнете ги теглите со зрната од грозјето, додадете пиперчињата, зелените доматчиња, залијте ги со пресолот, затворете теглите и нека стојат кај останатата зимница. 
По 30 дена пробајте, можеби веќе е стасано за служење.

Состојки
За доматите
1,5 кг ситни домати
сол по потреба
5-6 чешниња лук
малку маслиново масло
и уште...
200 - 250 гр сирење
по потреба маслиново масло
по желба оригано, босилек, рузмарин, лук...

За сушење најдобро е да одберете мали плодови од домати. Можеби чери доматчиња. Моите беа пелати, пресечени на половина. Ако користите големи домати исечете ги на парчиња со дебелина од 1 см.
Доматите се редат на голема тава обложена со хартија за печење. Секое парче се посолува и се попрскува со малку маслиново масло. Лукчето се сечка на тенки ливчиња и се става врз доматите. Вака спремените домати се ставаат во рерна на 100 степени со вентилатор и се сушат 6-7 часа. Времето на сушење зависи од големината на доматите. Готови се кога целите ќе се смежуркаат и ќе станат како плочки. Јас повремено ја зголемував температурата на 130 степени, па мислам дека затоа ми потемнеа...
Кога се готови доматите исклучете ја рерната и оставете ги внатре да се оладат.
Сирењето исечете го на коцки од околу 1-1,5 см. Јас користев козјо сирење. Ако ставате други зачини или лукче измеѓу доматите и сирењето во теглата, сега е време да ги спремите.
Во стерилна тегла наредете 1/3 од доматите. Врз нив ставете половина од сирењето и наросете со зачините одозгора. Тука ставете ги и лукчињата ако ги користите. Јас не ставив бидејќи веќе ставив лук врз доматите. Потоа пак 1/3 од доматите, па повторете ја постапката со сирењето и најгоре остатокот од домати. Кога ќе редите, благо притискајте ги со вилушка сите намирници.
На крај се залијте со маслиново масло да го прекрие последниот ред домати. Теглата чувајте ја во фрижидер. Мислам дека е најдобро да отстои барем една недела пред конзумирање за да се спојат сите вкусови.

Пријатен апетит!

Теглата што ја гледате на сликата е од околу 600 мл. Се наполни целосно.

Состојки
3кг жолти гамби или краставички
2кг карфиол
1кг морков
1китка магдонос
10 листови ловор
400гр шеќер
100гр сол
500мл алкохолен оцет
1 винобран
1 конзерванс
10зрна црн бибер
2л вода

За оваа салата во оригиналниот рецепт стои дека се прави со гамби, но краставичките кај нас повеќе се бараат и така рецептот може да се прилагоди по вкус на домашните. Може и да се комбинира половина гамби половина краставички.
Зеленчукот се мие и се цеди. Краставичките се лупат и се сечат на тркалца малку подебели. Карфиолот се покиснува во вода и да одстои еден час, а потоа внимателно се двои на парчиња и се мие темелно. Морковот се чисти и се сече на потенки тркалца. Целиот зеленчук се става во подлабок лонец.
Солилото да зоврие и се попарува салатата. Од како ќе подолади се додава сецканиот магдонос, ловор и бибер и конзервансот и винобранот. Да одстои 24 часа и се собира во чисти и суви тегли.
Употребата на конзерванс и винобран и мене ми смета, ама не сум пробала да ја направам салатата без нив, а солилото е баш по наш вкус и не можеме без оваа салата.

Состојки
1 кгр. благ меснат пипер
1 + 1/2 кгр. феферонки или везен пипер
3 кгр. домати
200 гр. шекер
400 мл. масло
200 мл. вински или јаболков оцет 5%
на вкус сол, магданос

Велам мрзлива затоа што е погоден рецепт за кого не е потребно печење пипер и домат, во поголемо тенџере на шпорет одлично се спрема. Погоден рецепт поготово за оние кои немаат можности во двор да спремаат барем нешто што го нарекуваме зимница.
 
- Измијте и исецкајте го од семе исчистен пиперот на поголеми парчиња, на феферонките тргнете им ги рачките (ако ставате везен пипер тогаш можете да го насечете на неколку поголеми парчиња)
- Доматите излупете ги, исечете ги и нив на поголеми парчиња.
- На тивок оган ставете тенџерето во кое најпрвин ставете го ше'ерот и кога ке почне да се карамелизира ставете солта, маслото и оцетот. Веднаш додадете ги феферонките и другиот пипер (меснат и благ). Зголемете ја температурата, нека се крчкаат во саламурата околу 15-20 мин.
- Додадете ги доматите и се заедно нека се вари уште 30 мин., на самиот крај додадете го магдоносот.
- Врела лутеницата соберете во тегли, затворете и натаму постапката си ја знаете, свртете ги во некоја кутија наопачки, покријте нека се оладат. Ставете ја во редот кај останатата зимница.
НАПОМЕНА
- Оваа лутеница се спрема и за пократко време доколку се вклучи ринглата на повисока температура. По правило и според рецептот лутеницата е малку поретка, но бидејки јас ја сакам погуста, ја варам повеќе време за 10 мин. Впрочем, сами ќе оценете.
- Не ги сечам феферноките заради семето.
- Пиперот може да биде и само црвен и мешан. Јас секогаш настојувам да најдам Сомборка пиперка - но кога нема каков ќе најдам таков користам. Секако е вкусна.
- За љубителите на лукот - слободно нека додадат лук, а може да се додава и одпосле кога ќе се послужи.
- Да напомена и друго.Некој можеби би сакал најпрвин да ги испржи пиперките - не е пречка, но тогаш во саламурата ќе го ставите прво доматот нека вари до згуснување, се додаваат тогаш испржените пиперки, но за сметка на тоа - намалете го маслото. Јас по овој рецепт кога ја спремам - постапувам онака како што напишав - по рецептот - оти нели мрзелива е.
- Ја варев во експресниот лонец Делимано од 6 л. и тоа половина од состојките.