Само со триумф над полскиот Лех, избраниците на Џиџи Дел Нели, ќе останат во игра за едно од двете места кои водат во следната рунда

Денеска ќе се одиграат 12 натпревари од 5. коло во првите шест групи од најмасовното клупско натпреварување, УЕФА Евро лига. Дуелот во Познан може да се покаже како пресуден за најтрофејниот клуб на Апенините, Јувентус. Само со триумф над полскиот шампион Лех, избраниците на Џиџи Дел Нели, ќе останат во игра за едно од двете места кои водат во следната елиминациска фаза. Дополнителен проблем за "црно-белите" ќе биде ниската температура, зашто се предвидува таа да падне на -23 Целзиусови.
- Играта која ја прикажуваме во националниот шампионат ми дава за право да очекувам победа и нови бодови на нашето конто. Само една опција е во игра, а тоа е триумф. Очекувам полн стадион и голема поддршка. Мора да бидеме убоити, мора да ги искористиме сите шанси, изјави Дел Нери.

Право на кикс нема и вториот претставник на Италија, Сампдорија која му е домаќин на холандскиот гигант ПСВ.
- Мислам дека противникот ќе игра на бод. Ќе играат затворено, и ќе се обидат да не изненадат со некоја контра. Никој веќе не се замара со Касано, продолжуваме со нашиот живот и со борбата да забележиме што е можно подобар резултат, изјави тренерот на Сампдорија, Доменико Ди Карло.

ГРУПА А: Лех - Јувентус, Манчестер С. - Салцбург. Табела: Лех 7, Манчестер С. 7, Јувентус 4, Салцбург 2 бода.
група б: атлетико (м) - арис, розенборг - баер (л). табела: баер (л) 8, атлетико м. 7, арис 4, розенборг 3 бода.
група ц: спортинг - лил, гент - левски. табела: спортинг 9, лил 5, левски 4, гент 4 бода.
ГРУПА Г: Зенит - Андерлехт, Хајдук - АЕК. Табела: Зенит 12, Андерлехт 4, АЕК 4, Хајдук 3 бода.
ГРУПА Х: Јанг Бојс - Штутгарт, ОБ - Гетафе. Табела: Штутгарт 12, Јанг Бојс 6, Гетафе 3, Об 3 бода.
ГРУПА И: Металист - Дебрецен, Сампдорија - ПСВ. Табела: ПСВ 10, Металист 7, Сампдорија 5, Дебрецин 0 бодови.

ЛЕ 1/16 финале: Наполи-Виљареал, Севиља-Порто, Спарта Прага-Ливерпул...

Познати осминафиналните двојки во фудбалската Лига на Европа

Со одигрувањето на 14-те реванш натпревари синоќа беше комплетирана првата нок-аут фаза од Лигата на Европа на УЕФА.

Без поголеми изненадувања минаа дуелите, а возбудливо и драматично беше во Лисабон каде Глазгов Ренџерс со голот во судиското надополнување успеа да изедначи против Спортинг и да избори пласман во осминафиналето.

Најубедливата победа ја постигна Динамо Киев кој со 4:0 го совлада Бешикташ. Во редовите на победничката екипа целиот натпревар го одигра македонскиот репрезентативец Горан Попов.

Преглед на резултатите од 1/16 финалето: Зенит Јанг Бојс 3:1 (1:2 прв натпревар), Баер Леверкузен Металист 2:0 (4:0), Ливерпул Спарта Прага 1:0 (0:0), ПСВ Лил 3:1 (2:2), Спартак Москва Базел 1:1 (3:2), Спортинг Глазгов Ренџерс 2:2 (1:1), Ајакс Андерлехт 2:0 (3:0), Брага Лех 2:0 (0:1), Динамо Киев Бешикташ 4:0 (4:1), Твенте Рубин 2:2 (2:0), Манчестер Сити Арис 3:0 (0:0), ПСЖ БАТЕ Борисов 0:0 (2:2), Штутгарт Бенфика 0:2 (1:2), Виљареал Наполи 2:1 (0:0).

Во вторникот играа ЦСКА Москва ПАОК 1:1 (1:0) и во средата Порто Севиља 0:1 (2:1).

Според однапред одредената ждрепка во осминафиналето двојките се: Бенфика ПСЖ, Динамо Киев Манчестер Сити, Твенте Зенит, ЦСКА Москва Порто, ПСВ Глазгов Ренџерс, Баер Леверкузен Виљареал, Ајакс Спартак Москва и Ливерпул Брага

Вечерва се играат реваншите од осминафиналето во Лига Европа во кои некои од фаворитите можат да се простат со ова натпреварување доколку не остварат победи.

Исто како и пред две недели, четири средби од Лига Европа се закажани за во 19.00 часот, а четири за два часа подоцна.

Од квартетот средби кои се играат први најмногу внимание привлекува тој во Манчестер каде Сити ќе се обиде да го надокнади минусот од првата средба во дуелот со Динамо Киев. Украинскиот претставник во првиот дуел одигран во студени временски услови, славеше со 2:0 и сега на составот на Роберто Манчини е да постигне три погодока доколку сака да оди понатаму.

Во другите три средби од 19.00 часот Спартак во Москва ќе ја чува предноста од гостувањето во Амстердам од 1:0, Бенфика патува за Париз со 2:1 од првата средба, додека Зенит на свој терен ќе има тешка задача по поразот од 0:3 во првата средба со Твенте.

Од 21.05 часот во Ливерпул домаќините се соочуваат со императивот победа по поразот во Брага од 1:0. Составот на Кени Далглиш во овој дуел влегува полн со оптимизам, посебно по првата средба во која веројатно беа подобар противник, но загубија со гол примен од пенал.

Порто и Виљареал славеа во првите средби во гости и се фаворити за пласман меѓу последните осум, додека во Глазгов, Ренџерс и ПСВ почнуваат од нула.

Лига Европа - осминафинале:

(19.00 часот)
Пари Сен Жермен – Бенфика (1:2)
Манчестер Сити – Динамо Киев (0:2)
Зенит – Твенте (0:3)
Спартак Москва – Ајакс (1:0)

(21.05 часот)
Порто – ЦСКА Москва (1:0)
Ренџерс – ПСВ (0:0)
Виљареал – Баер (3:2)
Ливерпул – Брага (0:1)

Двата англиски претставника во Лига Европа не ја оправдаа улогата на фаворити и од натпреварувањето се простија на домашен терен.

Првите дуели од двобоите на Манчестер Сити со Динамо Киев и на Ливерпул со Брага се покажаа како решавачки за тоа кој ќе се пласира во четвртфиналето во Лига Европа.

По оние 2:0 за Динамо во Киев, играчите на Манчестер Сити знаеја дека мораат да дадат се од себе за да го надминат тој дефицит. По првото полувреме тие имаа 1:0 благодарение на погодокот на Александар Коларов во 39. минута, но тој погодок на левиот бек се покажа како единствен до крајот на средбата.

Големи проблеми на тренерот Роберто Манчини и на своите соиграчи им направи Марио Балотели, кој со еден непромислен старт над нашиот Горан Попов уште во првото полувреме ги остави со играч помалку. И без него Сити напаѓаше, но никако не успеа да го скрши отпорот на Украинците.

Со помал минус по првата средба се соочи Ливерпул пред дуелот со Брага на “Енфилд“, но на крјот се покажа дека и оние 1:0 од првата средба се доволни за пласман во следната рунда за Португалците.

Домаќините на овој дуел не покажаа дека се способни да го разбијат бункерот на гостите, кои сосема заслужено обезбедија место во чеѕтвртфиналето.

Порто - Брага 1:0 (1:0)
Фалкао 44'

Фудбалерите на Порто се овогодинешните шампиони во Лигата на Европа, откако во финалето одиграно во Даблин ја своладаа Брага со 1:0.

Единствениот погодок на мечот го постигна Радамел Фалкао и тоа на самиот истек од првото полувреме. Гуарин испрати фантастичен центаршут, а осамениот Фалкао со глава прецизно ја смести топката во мрежа. Виситина, Колумбиецот се наоѓаше на самата линија од офсајд, можеби дури беше и во недозволена позиција, но голот на крајот секако беше признат.

Брага во второто полувреме веднаш дојде до можност кога Мосоро имаше сто отстона шанса, откако сам истрча пред голот на Елтон но не успеа да го совлада. Порто сепак успеа да ги издржи сите напади на Брага и така да дојде до вториот трофеј во ова натпреварување.