Во овој хороскоп детално ви објаснуваме кои мажи треба да ги избегнувате, а со кои е пожелно да влезете во врска.

Овен

Вие и љубовта: За вас љубовта е страст и возбудување. Сакате да флертувате и речиси секогаш успевате да го освоите она момче што ќе го посакате затоа што не е возможно тој да одолее на вашиот шарм и духовитост. Тој во целост е маѓепсан од вашата желба да го имате и од сето она што сте посготвени да го направите за да му ја докажете вашата љубов.

Проблем за романса: Премногу се потпирате на инстинктите и се обидувате со глава да туркате ѕид, наместо да направите мала пауза и да размислите за се’. Обично зажалувате поради вашата импулсивност, но не паѓате во депресија ако нештата не одат онака како што сте си замислиле.

Вашата сродна душа: Момчињата ловци како што се стрелецот и лавот се најобар плен.

Не се за вас: Сентименталниот рак ги разгорува вашите емоции, но не е за вас.

Бик

Вие и љубовта: Моќниот бик е еден од најромантичните знаци во Зодијакот. Вие сонувате за совршен принц којшто ќе ве држи за рака и постојано ќе ви дава мали подароци. За возврат ќе ви биде задоволство да го разгалите. Вие не играте игри во љубовта, ниту ги сакате оние што играат. Трпението и одлучноста ви допуштаат да го чекате совршеното момче пред да трошите време на некоја безнадежна врска.

Проблем за романса: Понекогаш сте премногу внимателни кога треба да го подарите вашето срце. Мора да се ослободите од вашите стравови и да и’ дадете шанса на љубовта за нешто да започнете.

Вашата сродна душа: Момчињата во знакот риби се привлечни за вашата емотивна страна, но силните скорпии прават срцето да ви чука забрзано.

Не е за вас: Од брборењето нема никакво фајде, а тоа е она што близнаците може да ви го понудат кога станува збор за љубовта.

Близнаци

Вие и љубовта: Вие сте мајстор за флерт и каде и да се појавите зад вас оставате еден куп скршени машки срца. Вие не сакате да повредите никого, но момчињата едноставно се вљубуваат во начинот на кој што се смеете или на кој си играте со косата. Вие уживате да ги играте овие игри се додека не најдете некого покрај кого ќе сакате да се смирите.

Проблем за романса: Потребен ви е простор – и оние што се лепат за вас како пијавици немаат шанси. Не сакате ниту љубоморни мажи, ниту пак мажи што сакаат да ве смират.

Вашата сродна душа: Вас ве привлекува самостојната водолија, но за вас идеален е стрелецот затоа што ќе го сака вашиот авантуристички дух и затоа што е вистински мајстор за флерт, исто како вас!

Не е за вас: Во целост ве привлекува изгледот на јарците, но тие незнаат како да се изборат со вашата независност.

Рак

Вие и љубовта: Иако вашиот знак има клешти, вие во суштина сте доста емотивни. Вам ви е потребен некој што ќе сака да се гали исто како и вас, но во исто време и да ги почитува вашите старомодни стандарди. Важно ви е тој да им се допаѓа на вашите родители, затоа што сепак, за вас е најважно семејството. Вашиот идеален состанок со некое момче е кога ќе останете дома и ќе уживате во некој филм.

Проблем за романса: Емоциите за вас се се’ на светот, и ниту едно момче несмее да го занемари фактот дека вас е мошне лесно да ве повредат. Кога тоа ќе се случи, вие се повлекувате во вашиот оклоп и страдате во тишина, со големо количество чоколада.

Вашата сродна душа: Нежната страна на девицата ќе излезе на површина во ваше присуство.

Не е за вас: Момчето во знакот водолија ќе знае да ви погледне во душата, но нема да биде нежен колку што ви е потребно.

Лав

Вие и љубовта: Кралската лавица сака да биде главна во љубовта. Момчињата помалку се плашат од вашата самоувереност и независност додека да ве запознаат. Вистина е дека моќната кралица на дивината може да стане преплашено маче кога некој ќе и’ го скрши срцето. Длабоко во душата, вие сте маченце што сака само едно момче што ќе биде нејзино. Длабоко сте предадени и тоа го барате и од вашето момче.

Проблем за романса: Понекогаш вашата величествена гордост може да се испречи пред вистинската љубов затоа што ви е тешко да признаете дека сте згрешиле.

Вашата сродна душа: Близнаците и стрелецот нудат возбудување, но покрај еден рак ќе се чувствувате сигурно и сакано.

Не е за вас: Бегајте од критички настроените девици, кои што се плашат од вашата отворена самодоверба.

Девица

Вие и љубовта: Срамежливата девица не од оние што прво љубат а потоа говорат за тоа. Љубовта е приватна работа помеѓу вас и вашиот дневник. Вашиот љубовен стил е прво да го оставите да се прашува, а не да го направите првиот чекор или бесрамно да се фрлите врз некое момче. Вие не сакате да бидете мистериозни. Во суштина вие сте во целост отворени и искрени, штом ќе му дозволите некому да ви се приближи. Меѓутоа, пред тоа да се случи, тој ќе мора да ве импресионира со неговиот ум.

Проблем за романса: Склони сте брзо да ги отпишувате момчињата, дури и по само еден разговор. Ќе бидете и понатаму пријател со нив, но ако не е супер интелегентен и ако не размислува брзо како вас, тој ќе замине во заборав.

Вашата сродна душа: Вие го посакувате сензибилетот на јарецот.

Не е за вас: Вас ве одбиваат луѓето што се мајстори за драма. Може ли да кажеме – лавови?

Вага

Вие и љубовта: Вашите магични моќи ви дозволуваат да го привлечете баш оној тип на маж што го сакате, а потоа да направите тој безнадежно да се вљуби во вас. Ова не значи дека вие не сте пребирливи. Вашето момче мора да изгледа добро и да се облекува добро исто како вас.

Проблем за романса: Понекогаш сте повеќе вљубени во чувството на вљубеност, отколку во вашата посилна половина. Ова се случува затоа што вие сте идеалист и го гледате само она што сакате да го гледате кај вашето момче.

Вашата сродна душа: Неможете да го игнорирате начинот на кој што овенот влегува во просторијата, но тој не е вистинскиот за вас, затоа што ракот ќе ве обожава како никој друг.

Не е за вас: Водолијата размислува на сличен начин како вас, но не се пронаоѓа во вашата романтична страна.

Скорпија

Вие и љубовта: Скорпијата не се плаши да се бори за љубовта. Штом некој ќе ви падне во очи, вие инстинктивно знаете што да кажете и што да направите за тој да ве посака. Всушност, вие сте толку добри во играта на заведување, така што тој си мисли дека тој ве брка вас. Вие секогаш ги држите конците во вашите раце. Емоциите ги држите заклучени се додека не сте сигурни дека можете да му верувате. А тогаш, тој нема да има можност да запознае поинтензивна љубов од вашата.

Проблем за романса: Вашата љубомора се гледа на километар. Ако ви тргне од рака да ја чувате под клуч љубомората, вашиот сакан никогаш нема да ве напушти.

Вашата сродна душа: Губите памет на риби и ракови.

Не е за вас: Вам ви е потребно многу повеќе време и внимание од она што стрелецот може да ви го даде.

Стрелец

Вие и љубовта: Кога станува збор за љубовта, вие сте опуштени. Момчињата губат разум заради вас, затоа што не ги заморувате и не драматизирате без потреба. Вие сакате личности што сакаат добро да се забавуваат, имаат авантуристички дух и се спонтани. Потребно е да бидат искрени и да го почитуваат тоа што вие ги почитувате нештата какви што се. Длабоко во вашето срце, копнеете за патувања, па често ве привлекуваат момчиња со егзотичен изглед или оние што потекнуваат од некои оддалечени места.

Проблем за романса: Вашето срце без проблем скока од едно до друго момче, поради што често ве следи репутација на срцекршачка. Во суштина, вам може да ви се верува, но момчињата често се несигурни во вашата близина затоа што сте премногу отворени.

Вашата сродна душа: Најдобро е да се држите до некое момче со слободен дух како што се водолиите или близнаците.

Не е за вас: Момчето родено во знакот на рак е премногу чувствително за вас.

Јарец

Вие и љубовта: За вас љубовта е мошне сериозна работа. Нема шанси да го доведете вашето срце во опасност, освен ако не сте сигурни дека чувствата ви се возвратени. Вие сакате да ја испитувате околината, а потоа полека да впловите во некоја врска. Во вашите романси пријателите играат голема улога затоа што често ви доставуваат важни информации.

Проблем за романса: Кога еднаш ќе воспоставите врска со некое момче, вие сте за љубов на долги патеки. За вас раскинувањето е речиси невозможно поради вашата верност и одлучноста врската да успее.

Вашата сродна душа: Бикот и девицата ве разбираат подобро од било кој друг.

Не е за вас: Вашата внимателна природа ги одбива жестоките типови како што се лавот и овенот.

Водолија

Вие и љубовта: Вие сте независни. Најголемата грешка што некој може да ја направи е да ја загрози вашата слобода. Вие не сакате љубовта да управува со целиот ваш живот. Во петок навечер сакате да се гледате со него, но затоа во сабота излегувате со пријателките. Ако тоа не му одговара, тогаш ќе го заборавите. Исто така, потребно е тој да има самодоверба за да разбере дека вашето срце е доволно големо за да ги сака сите.

Проблем за романса: Внимавајте премногу често да не ги одбивате, затоа што момчињата реченицата „Ќе разговараме подоцна“ ја прифаќаат само одреден број пати.

Вашата сродна душа: Момчето родено во знакот девица е добро за вас затоа што и тие сакаат да бидат слободни.

Не е за вас: Лавот кој бара да ја обожавате дури и земјата по која што чекори не е добар за вас иако меѓу вас постои неверојатна хемија.

Риби

Вие и љубовта: Астролошката божица во љубовта е најсреќна кога е вљубена – навистина вљубена. Вие сте романтичар кој што во целост верува во постоењето на сродните души. Всушност вие сте подготвени да ги превртите и небото и земјата за да ја најдете вашата сродна душа. Кога ќе го најдете совршеното момче, ќе бидете подготвени да направите се’ за него, но понекогаш грешите затоа што неговите потреби ги ставате пред сопствените.

Проблем за романса: Вам ви е потребно чувствително момче, некое што ќе ги рабере вашите емоции. Ако не е на иста бранова должина како вас, вие емотивно се затворате и врската тоне во неразбирање и незадоволство.

Вашата сродна душа: Ракот ја чувствува вашата болка и ја дели вашата радост подобро од било кој друг знак.

Не е за вас: Егоцентричниот овен ужива во вашето внимание, но го искористува и вашето нежно срце.

НИКОЈ НЕ МУ МОЖЕ НИШТО: ОВОЈ ЗНАК ВО ХОРОСКОП Е УБЕДЛИВО НАЈЈАК!

Африкански хороскоп кој важи за еден од најточните: Кој знак сте вие?

Африканската цивилизација е првата која во историјата се интересирала за ѕвездите, што го прави африканскиот хороскоп најстар и најверојатно најточен.

Пронајдете на кој знак припаѓате и уверете се сами колку е прецизен.

Татко (4 јануари – 3 февруари)

Среќен ден: четврток

Успешни месеци: јануари и мај

Елемент: воздух

Дрво: баобаб

Боја: зелена

Знакот Татко е поврзан со Сонцето и светлината. Припадниците на овој знак се стабилни и чесни личности кои живеат во реалноста. Многу се внимателни и уживаат голема доверба од другите и затоа често им се обраќаат за совет.

Имаат чувство за добри бизнис зделки, но притоа често ја забораваат хуманоста. Среќни се, но повеќе се потпираат на нивната издржливост, отколку на нивната среќа. Работат многу напорно. Веруваат во себе и во своите одлуки.

Љубов: Родените во овој знак бараат стабилна врска која постепено расте и се продлабочува. Сакаат сè да прават заедно со својот партнер - од заедничко живеење до заеднички патувања.

Припадниците на овој знак се најчесто јадрото на врската. Му помагаат и го поддржуваат партнерот. Имаат многу пријатели и сите нив подеднакво ги ценат.

Работа: Имаат потреба од висок социјален и професионален статус. Секогаш го добиваат тоа што го сакаат. Треба повеќе да се изразуваат, да водат проекти или тимови. Важно е што луѓето лесно ги препознаваат нивните способности и квалитети.

Здравје: Луѓето родени во овој знак треба да вежбаат за да се ослободат од стресот. Најмногу им одговараат спортовите како тенис и пливање. Корисни им се и вежбите кои вклучуваат длабоко дишење, како што се јогата и пилатесот.

Мајка (4 февруари – 5 март)

Среќен ден: среда

Успешни месеци: февруари и јуни

Елемент: воздух

Дрво: кокос

Боја: сива и сина

Знакот Мајка е поврзан со Месечината, со илузијата на ноќта, што им овозможува на неговите припадници да ја истражуваат својата потсвест. Тие се личности кои смируваат со својот убав, но истовремено и силен изглед.

Даваат многу, забавни се и затоа другите им се восхитуваат на нивната човечност и способноста да слушаат. Но, овие луѓе најчесто не се разбрани од другите, затоа што не е лесно да им се пријде.

Припадниците на овој знак повеќе сакаат да ги слушаат другите, отколку да зборуваат за себе.

Љубов: Во љубовта често се предомислуваат и не се секогаш верни. Тие се духовни и индивидуални личности кои бараат партнерот да ги смета за малку понеобични од сите други. Сакаат долги разговори, еротски средби и сè што може да ја направи врската поинтересна.

Не се заинтересирани да бидат само со една личност, но постои можност да го најдат вистинскиот партнер и да останат покрај него, сè додека тој им дава простор и не ги задушува во врската.

Работа: Постојано се зафатени и затоа понекогаш треба да застанат малку и да размислат за работите што ги опкружуваат. Потребно им е слободно време, за да може подобро да функционираат.

Може да ја сменат работата неколку пати. Можно е дури и да се ориентираат кон друга кариера. Опкружени се со луѓе кои секогаш им даваат добронамерни совети.

Здравје: Родените во овој знак треба да јадат здрава и лесна храна и да му се спротивстават на искушението на слатките. Потребно е да внимаваат на коските и белите дробови.

Иако не се големи обожаватели на спортот, добро е понекогаш да излезат на свеж воздух.

Семејство (6 март – 4 април)

Среќен ден: вторник

Успешни месеци: март и јули

Елемент: земја

Дрво: палма

Боја: рубин-црвена

Знакот Семејство е поврзан со симболот на круг со точка во средината, што означува заедница и солидарност меѓу луѓето што се крвно поврзани, или едноставно, означува блиски пријатели.

Родените во овој знак се топли и внимателни луѓе кои понекогаш се забораваат себеси затоа што повеќе се загрижени како да ги задоволат другите. Често се дел од добротворни и хуманитарни акции што им помага на припадниците на овој знак да избегаат од секојдневието.

Љубов: Пријателите, семејството и децата се најважни за родените во овој знак. За да бидат среќни, треба да се опкружени со оние кои ги сакаат. Партнерот треба да го прифати нивниот начин на живеење.

Знаат како да шармираат и да заведат некого, но најчесто успеваат кога не се ни обидуваат да го направат тоа. Овие луѓе никогаш не се здодевни затоа што за нив постојано има нешто ново да се открива.

Работа: Најмногу им одговара да работат во образованието. Сакаат да го споделуваат знаењето со другите. Чувствителни се и знаат да ги слушаат другите. Она што ќе го слушнат од другите, знаат да го преобразат во некој вид уметност. Богатството од емоции им помага да го развијат нивниот потенцијал за креативност.

Здравје: Сакаат јога, таи чи и боречки вештини. Себеси си обезбедуваат добар тренинг и ја следат виталната енергија. Треба да се опуштат и да се грижат за себе, дозволувајќи си масажи со етерични масла или да поминуваат повеќе време во тишина.

Син (5 април – 4 мај)

Среќен ден: сабота

Успешни месеци: април и август

Елемент: земја

Дрво: багрем

Боја: зелена

Знакот Син е поврзан со вертикална стрела што го означува барањето на сопствениот пат. Тоа може да е патот што го покажува припадник на знакот Татко. Родените во знакот Син се луѓе на кои другите може секогаш да сметаат.

Тие се верни и ги одржуваат ветувањата. Секогаш се околу тие што ги сакаат. Организирани и енергични, целосно им се посветуваат на работите, понекогаш и на сметка на сопственото здравје. Треба повеќе да се опкружени со мудри и смирени луѓе и да ги слушаат нивните совети.

Луѓето ги сакаат и сакаат да бидат во нивно друштво, но родените во овој знак ќе мора да научат како да кажат „не“ на другите, за да не се чувствуваат исцрпени без некоја посебна причина.

Љубов: Припадниците на овој знак бараат вистинска љубов. Сакаат силни, страсни врски и партнер за кој ќе чувствуваат дека е љубовта на нивниот живот. Но, понекогаш токму овие барања можат да бидат причина за разделба.

Луѓето често мислат дека родените во овој знак се пребирливи. Тие го привлекуваат партнерот со нивното чувство за посветеност и фантазија. Либерални се и за љубовта се спремни да направат сè. Една од најважните работи за нив се врските.

Работа: Постојано се во потрага по предизвици. Ги сакаат песната, музиката и убавиот збор. Често ги менуваат работните места и не се чувствуваат најдобро во однос на нивните надредени. Најсреќни се кога ќе се здружат со колега за да работат заедно на проект, на кој ќе му бидат целосно посветени.

Здравје: Сакаат секаков вид спортување: велосипедизам, пешачење, планинарење, па дури и активни патувања. Иако се доста активни, не треба да го занемаруваат потребниот сон. Барем еднаш во годината треба да го искористат одморот, така што нема да прават апсолутно ништо.

Ќерка (5 мај – 4 јуни)

Среќен ден: недела

Успешни месеци: мај и септември

Елемент: оган

Дрво: гуава

Боја: кафеава

Знакот Ќерка се поврзува со симболот на ѕвездата со пет крака. Тие се дарежливи и оптимисти, но секогаш се грижат за непотребни работи. Тоа не води никаде и понекогаш им го уништува животот.

Потребно е да ја гледаат светлата страна на работите и да научат да им веруваат на другите. Нивната најголема предност е нивниот светол, весел дух. Животната радост и грижливиот инстинкт ги заштитуваат и им обезбедуваат многу добри пријатели.

Љубов: Ги сакаат силната страст и љубовните изјави. Тоа за нив е сè или ништо; еден момент си заминуваат, а веќе следниот момент се назад во прегратките на партнерот. Имаат идеал за тоа каква треба да биде љубовта и така кршат многу срца, иако по природа не се такви.

Неодоливи се затоа што секогаш го слушаат сопственото срце. Потребна е силна страст, нови големи возбудувања и мотивација за да ја одржите врската со партнерот роден во овој знак.

Работа: На работа, пријателите се тие што им даваат идеи и им помагаат на родените во овој знак. Креативни се и ентузијастички настроени, но им недостасува издржливост. Најдобро се снаоѓаат во графиката, комуникацијата и односите со јавноста. Нивниот талент доаѓа до израз кога работат под притисок.

Здравје: Најмногу им одговараат тимските спортови. Треба да внимаваат на истегнувања на мускулите и на циркулацијата. Рибата и морската храна се добри за нивната кожа и нерви.

Чичко (5 јуни – 4 јули)

Среќен ден: понеделник

Успешни месеци: јуни и октомври

Елемент: вода

Дрво: тропски кактус

Боја: жолта

Знакот Чичко се поврзува со симболот на квадратот кој во центарот има камен насочен нагоре. Овој знак ги симболизира силата и авторитетот кои најдобро функционираат кога и другите ќе ги признаат овие нивни карактеристики.

За жал, убедувањето на родените во овој знак не им е јака страна. Нивниот авторитет понекогаш е толку голем, што другите за нив мислат дека се напорни. Нивните најдобри особини се тоа што имаат смисла за хумор и често знаат да се пошегуваат на сопствена сметка.

Припадниците на овој знак се родени лидери. Потребно е да бидат потолерантни и да сфатат дека другите не размислуваат и не дејствуваат исто како нив.

Љубов: Во љубовта имаат постојани подеми и падови. Знаат да бидат некомпромисни и затоа тешко го наоѓаат вистинскиот партнер. Но, кога ќе одлучат да започнат врска, тоа обично е на долг временски период.

Постојано се опкружени со луѓе кои им се восхитуваат. Најважно е да не се обидуваат да го сменат партнерот, туку да го прифатат таков каков што е.

Работа: Кога станува збор за работните обврски, припадниците на овој знак се чувствуваат одговорни за сите и за сè што се случува, па затоа и често се караат со колегите.

Треба да научат да бидат посебични и посамостојни во работењето. Енергијата треба да ја насочат кон личните предизвици и кариерата, наместо да се обидуваат да ги импресионираат другите.

Здравје: Енергијата е нешто кое никогаш не им недостасува на родените во овој знак. Затоа треба да се занимаваат со спортови кои ќе им помогнат да го потрошат вишокот енергија, како што се трчањето, возењето ролери, сурфањето и тенисот.

Вештерка (5 јули – 4 август)

Среќен ден: вторник

Успешни месеци: јули и ноември

Елемент: оган

Дрво: африкански кедар

Боја: портокалова

Знакот Вештерка не означува ништо страшно, ниту опасно. Овој знак всушност се поврзува со рамностран триаголник, што ги симболизира авторитетот и восхитот. Припадниците на овој знак се ведри и определени личности.

Добро се познаваат себеси, сопствената сила и граници. Дарежливи се, но и нетрпеливи. Не го трошат времето жалејќи за минатото. Имаат многу силна интуиција.

Работите ги предвидуваат пред да се случат и многу лесно можат да ги прочитаат другите луѓе. Нивната мистериозност ги фасцинира другите.

Љубов: Сакаат да го привлекуваат туѓото внимание и тоа го прават сосема природно, без нималку напор. Често ги менуваат пријателите. Со партнерот развиваат силна и интензивна врска, базирана на необично партнерство и физичка интимност.

Склони се кон љубов на прв поглед. Често знаат да го напуштат партнерот заради некој друг, за потоа повторно да ѝ се вратат на претходната личност.

Работа: Амбициозни и интуитивни, родените во овој знак успешно се снаоѓаат во секоја работа. Среќни се кога работат во помали компании, на проекти што ги мотивираат. Се стремат кон разбирање со шефот и затоа повеќе им одговара индивидуална работа.

Здравје: Иако припадниците на овој знак се едноставни и прекрасни, сепак треба да вежбаат за да останат во форма, па дури и тоа да е обично пешачење. Од спортовите најмногу им одговара пливањето.

Лав (5 август – 3 септември)

Среќен ден: среда

Успешни месеци: август и декември

Елемент: земја

Дрво: кола

Боја: црна

Знакот Лав, како што кажува неговото име, се поврзува со млад, енергичен лав што означува среќна личност која го сака животот. Сите останати знаци сакаат да го имаат нивниот позитивен начин на размислување и способноста да го заборават она што ги повредило.

Родените во овој знак се живи, нестабилни, сонуваат со отворени очи и не секогаш другите можат да им угодат. Имаат вродено шесто сетило и силно развиен инстинкт.

Не ја сакаат рутината и често го менуваат работното место, домот или партнерот. Ја извршуваат секоја задача, но штом постигнат нешто, тоа брзо им здосадува и бараат нов предизвик.

Љубов: Нивниот љубовен живот е полн со промени. Ненадејни далечни патувања, изјави на вистинска љубов и жестоки расправии се дел од нивните врски. Но и покрај тоа, припадниците на овој знак гледаат објективно на нивниот однос со партнерот.

Кај нив, кога е љубовта во прашање, нивниот разум го победува срцето и така успешно ги надминуваат сите пресврти.

Работа: Овие луѓе брзо се заморуваат од работата. Често го менуваат работното место. Треба повеќе да ѝ веруваат на сопствената интуиција. Родените во овој знак не се плашат да преземаат ризици. Најмногу им одговара професија која ќе ја поттикне нивната креативност.

Здравје: Сакаат секаков вид физичка активност, па дури и едноставно спортување на плажа. Но, често не ги прават вежбите правилно. Потребно е да знаат како да го добијат најдоброто од секоја вежба.

Антилопа (4 септември – 3 октомври)

Среќен ден: четврток

Успешни месеци: септември и јануари

Елемент: воздух

Дрво: савана-грмушка

Боја: бледа розова

Знакот Антилопа се поврзува со извонредна мешавина од стабилност и дебаланс. Тоа е двоен знак со две посебни страни; страв и надеж, поаѓање и враќање. Антилопите се наоѓаат во два различни света.

Едниот е широката савана каде што се слободни, а другиот свет се грмушките каде што тие се кријат. Родените во овој знак се страсни, сакани од сите други, имаат точни барања и донесуваат цврсти одлуки.

Сè што ќе посакаат, го сакаат веднаш. Треба да научат како да размислуваат посмирено и да ги прифатат другите.

Љубов: Повеќе сакаат да имаат неколку навистина блиски пријатели, отколку многу познаници. Истото важи и за нивните партнери. Сакаат силни и интензивни врски. Потребно им е многу време за да ја најдат личноста за која сонуваат, која ќе ги разбере, ќе ги прифати и ќе им ја даде потребната слобода.

Партнерот треба да ја почитува нивната мистериозна страна. Пријателите, родителите и семејството им се многу важни, затоа што ги потсетуваат на нивното потекло.

Работа: Често се случува да работат под притисок и да бидат ограничени во работењето. Креативната работа или хоби го разубавува нивното секојдневие. Најдобро се снаоѓаат со финансии и работа на берзата.

Здравје: Припадниците на овој знак страдаат наизменично од тежок замор и премногу енергија. Потребно е повеќе да спијат и да имаат соодветен појадок за да бидат постојано снабдени со енергија и да немаат променливо расположение.

Мудрец (4 октомври – 3 ноември)

Среќен ден: петок

Успешни месеци: октомври и февруари

Елемент: вода

Дрво: ариш

Боја: бела

Знакот Мудрец го симболизира слонот и ја означува мудроста на предците во Африка. Тие се топли и внимателни луѓе. Емотивни се, но сепак размислуваат пред да дејствуваат.

Родените во овој знак се совршена слика за комплексноста и дволичноста. Еден ден се идеални поети, а другиот ден – манипулативни генијалци. Нивното расположение се менува, како што се менува времето.

Самите себе најдобро си се разбираат. Нивната најголема предност е тоа што лесно се приспособуваат. Тие инстинктивно знаат дали другите имаат позитивно влијание врз нив.

Љубов: Тие се среќни само кога се заљубени. Така се чувствуваат ценети. Иако се зафатени со различни нешта, не треба да забораваат дека сепак некој ги чека дома. Понекогаш не се верни ниту на самите себе. Нежни се и романтични и ги сакаат патувањата.

Работа: Овие личности ја имаат сета креативност, имагинација, интуиција, писателски и сликарски вештини кои им се потребни за да ја изразат нивната убавина. Во тоа е нивната сила, освен ако не најдат работа која ја поттикнува нивната креативност на друг начин, како што е работењето со деца.

Здравје: Имаат неограничена енергија и затоа секогаш трчаат, се качуваат или скокаат наоколу. Тоа е добро за нивното здравје, но треба повеќе да го слушаат сопствениот организам. Потребно е повеќе да спијат.

Тетка (4 ноември – 3 декември)

Среќен ден: сабота

Успешни месеци: ноември и март

Елемент: оган

Дрво: еукалиптус

Боја: беж

Знакот Тетка е поврзан со дрвено стапче што го означува природниот авторитет во Африка. Родените во овој знак се дарежливи, простодушни и посветени. Шират позитивна, смирувачка енергија и така ги привлекуваат другите.

Среќни и интуитивни, овие луѓе постојано се подобруваат како материјално така и духовно. Го гледаат доброто кај другите и затоа лесно се поврзуваат со нив. Не треба да бидат толку наивни. Уживаат во животот, знаат што е добро за нив и обожаваат да ги разгалуваат тие што ги сакаат.

Љубов: Често самите се прашуваат каква врска посакуваат, стабилна љубов или страсни искри? Не можејќи да одлучат, најчесто балансираат помеѓу двете опции, но само ако се сигурни дека нема никого да повредат, затоа што припадниците на овој знак се одговорни луѓе.

Потребен им е секс и многу љубов и внимание за да бидат целосно среќни.

Работа: Не се сигурни каква работа бараат и постојано се во чекор со настаните. Луѓето што ги запознаваат им помагаат да успеат во кариерата. Нивната можност за брзо и лесно приспособување им помага да се адаптираат на секоја непредвидена ситуација. Само така можат да напредуваат.

Здравје: Припадниците на овој знак главно имаат одлична здравствена состојба. Треба често да ги менуваат спортските активности за да не им здодеат брзо. Најмногу им одговараат сезонски спортови на отворено.

Изобилство (4 декември – 3 јануари)

Среќен ден: вторник

Успешни месеци: декември и април

Елемент: вода

Дрво: гинко билоба

Боја: златна

Знакот Изобилство се поврзува со водопадот што означува голема способност, богатство и изобилство во секој сегмент од животот. Родените во овој знак се среќни и лесно минуваат низ животот, но не мислат за другите.

Сакани се од другите, но треба да ја заслужат нивната љубов, посветувајќи им повеќе време. Чувствуваат како да има премногу луѓе во нивниот круг и не секогаш тие се вистинските.

Треба да одберат со кого ќе се дружат. Повеќе треба да ѝ веруваат на сопствената интуиција.

Љубов: Не можат да одлучат што точно бараат во љубовта. Ако се решат за еден партнер, тогаш тоа мора да биде според нивните услови. Не смеат да заглават во рутината или да бидат на некој начин ограничени.

Сакаат луксуз и неочекувани изненадувања. Партнерот ќе мора да се бори за да ги задржи.

Работа: Во работата секогаш може да сметаат на нивната среќа. Треба да ги подобрат сопствените вештини и да се здобијат со поголемо искуство. Не треба да ги мешаат љубовта и работата.

Сè што треба да направат е да си ја вршат својата работа, а не да ги прават другите среќни.

Здравје: Потребни им се почести одмори за да можат да продолжат со работата. Најдобро се снаоѓаат во индивидуалните спортови кои им помагаат да се сконцентрираат, како што се голф или јавање коњи. Мора повеќе да се грижат за себе.