За ДПА и ДУИ изборите се власт или смрт??

   Аналитичарот Алфред Муслиу смета дека мора да се најдат виновниците и тие да одговараат, бидејќи со насилството им задале тежок удар на евроинтегративните процеси на Македонија.

Гола борба за власт е мотивот на активистите на ДУИ и на ДПА да не избираат средства како да стигнат до повеќе гласови, дури и да посегнуваат по оружје, сметаат експертите по инцидентите на изборниот ден, чиј биланс е еден загинат и повеќемина ранети. Тие сметаат дека лидерите на ДУИ и на ДПА се искрени во заложбите Македонија да биде дел од НАТО и ЕУ и дека изборното насилство не е сценарио за попречување на евроинтеграцискиот процес, туку борба да се влезе во владата.Наспроти ова, партиите на Мендух Тачи и на Али Ахмети меѓусебно се обвинуваат за пукотниците и насилството на изборите и тврдат дека во спротивниот табор „дивееле криминалци“. И експертите и партиите се единствени дека институциите на системот треба да ги најдат и да казнат учесниците во инцидентите и се надеваат дека на повтореното гласање ќе ја оправдаат шансата за поправен испит која им ја дадоа меѓународните претставници.Аналитичарот Алфред Муслиу смета дека мора да се најдат виновниците и тие да одговараат, бидејќи со насилството им задале тежок удар на евроинтегративните процеси на Македонија. Тој вели дека изборни нерегуларности се случуваат насекаде, но дека е важно државата да ги расветли за повторно да не ни се случи употреба на оружје на избори.

- Вака излегува дека насилството е традиција, бидејќи жртва имаше и на локалните избори во 2000 година. Желбата да се учествува во власта е преголема. Треба да е чест да си дел од власта, а не привилегија за решавање на лични интереси. За жал, и двете партии на Албанците власта се' уште ја сфаќаат како лична привилегија - вели Муслиу.Тој верува дека Тачи и Ахмети се искрени во намерите дека Македонија треба да биде дел од НАТО и ЕУ. Додава дека преку изборното насилство го покажуваат својот однос кон електоратот. За искричењата помеѓу ДУИ и ДПА, Муслиу не верува дека станува збор за внатреалбански, туку за политички конфликт. Според него, по војната помеѓу двете партии тешко е да се воспостави постизборна комуникација меѓу Ахмети и Тачи.И аналитичарот Јетон Шасивари смета дека изборното насилство и тензиите помеѓу ДПА и ДУИ се случуваат бидејќи и за двете партии е неприфатливо да бидат опозиција. Станува збор за голема борба која партија ќе биде дел од власта. За жал, тоа е карактеристика само за партиите на Албанците во Македонија. Во Албанија и во Косово нема насилство и оружени инциденти на избори. Но, ова не треба да биде проблем само на Албанците во Македонија, туку на цела држава. Државата треба да изгради единствена стратегија за фер и демократски избори - вели тој.Шасивари смета дека е потребна измена на Изборниот законик. Да се воведат казни за инциденти во предизборната кампања, а не само за денот на гласање. Според него, ако институциите ги казнат насилниците во изборната кампања, тогаш може да се очекува дека денот на изборите може да помине без инциденти. За инцидентите на денот на гласањето ДПА и ДУИ и натаму си ја префрлаат вината. Џеват Адеми од ДУИ вели дека кај Албанците има пукање бидејќи криминалната структура на ДПА и некои структури на полицијата сакале да испратат лоша слика за Албанците.Секогаш кога ДПА е на власт има пукотници, насилства и убиства на изборите. Нема внатреалбански судир, нема две страни во инцидентите, бидејќи ние со ништо не придонесовме да има убиства. Тачи докажа дека е доследен и од изборите направи касапана  вели тој.Со контраобвинувања до ДУИ се огласи ДПА.Нема проблем помеѓу активистите на двете партии, туку проблемот е што бандите на ДУИ пукаат во полицијата и во институциите. Изненадувачки е што за ранетиот Беќир Асани се' уште нема кривична пријава и тоа што Бесир Дехари е пуштен на слобода, а пукал на гласачко место. ДПА не е замешана во изборно насилство, а доказ за тоа е што во „шестката“ немаше пукотници -вели Адријатик Имери, партискиот пртпарол. 

Меѓу приведените е и кандидат за пратеник на ДУИ 

ДУИ вчера обвини дека, наместо полицијата да ги приведе насилниците од изборите, привела нивни кандидат за пратеник и активист.Во Тетово без никакво образложение е приведен Вулнет Ахмети, наш кандидат за пратеник во „шестката“ и активистот Идриз Хоџа од скопско Рашче. Случувањата од неделата ја нарушија довербата на Албанците во институциите, особено во МВР. Власта да преземе мерки за да се врати довербата на граѓаните како основен предуслов за мир во земјава. Со приведување кандидати за пратеници нема да се нормализира состојбата -рече портпаролката Ермира Мехмети.Таа најави дека ДУИ ќе поднесе тужби за изборно насилство против лидерот на ДПА, Мендух Тачи, Даут Реџепи-Лека, синот на Бедредин Ибраими, Ружди Матоши, Имер Селмани и други функционери на ДПА.Иво Котевски, портпарол на МВР, демантираше дека членовите на ДУИ се приведени без причина.Постојат сомневања дека двајцата учествувале во изборни инциденти. Очекуваме ДУИ, наместо да ги брани оние што направиле изборен инцидент, да ги посочи сторителите, особено сега по укажувањата од меѓународната зедница - вели тој.МВР вчера поднело кривични пријави за уште 20 осомничени, а прекршочно се пријавени уште седуммина. Осумнаесет од осомничените се приведени, а се трага уште по двајца. http://www.dnevnik.com.mk/?ItemID=976B718CFFA0D04599603BE423E6561A