ШТО СЕ КРИЕ ЗАД ПАДОТ НА ХЕЛИКОПТЕРОТ НА

Наташа Јанчиќ

Експертите од Министерството за одбрана што заедно со истражните судии работеле на истрагата за хеликоптерската несреќа кај Катланово составиле свој извештај за причините и го доставиле до Владата, дознава „Време“. Неофицијално, дознаваме дека се решиле на ваков чекор бидејќи биле незадоволни од работата на судскиот тим, кој предолго работи на расветлување на овој случај. Од Министерството за одбрана потврдија дека доставиле допис до Владата за сето тоа што го имаат сработено. Неофицијално дознаваме дека стручњаците од Министерството утврдиле дека, најверојатно, причината за уривањето е неправилното одржување на хеликоптерот „ми-17“, кој на последниот лет од Сараево до Скопје летал без редовна контрола и дека редукторот на главната елиса на хеликоптерот бил закочен, што посочува на технички дефект или на подготовка за принудно слетување меѓу дрвја. Истражните судии не дознале многу од реконструкцијата на хеликоптерот и од анализата на трите кутии во Русија, во кои немало податоци за последните минути од летот. Од Основниот суд Скопје 1 не упатија повеќе детали да побараме во скопското обвинителство. Аце Колевски, обвинител, кој е дел од тимот што работи на разоткривање на причините за несреќата, вели дека се работи за сложен случај, а проблем е и тоа што се уништени најважните докази. - Макотрпно работиме и напредуваме во истрагата. Не е точно дека предолго работиме на случајот. Ќе го разгледаме дописот од одбрана што пристигна и се надевам дека владината комисија наскоро ќе ни достави што има сработено - истакна Колевски. Технички дефект, пилотска грешка или лоши временски услови се причините што ги поделија истражната, владината и меѓуресорната комисија, кои беа формирани за да утврдат зошто падна армискиот хеликоптер. Владината комисија, која ја раководи заменик-министерот за надворешни работи Зоран Петров, веќе го подготвила својот извештај и го доставила до Владата.

.......дали ова е само најава за припрема за затворање на досието  ПАД НА ХЕЛИКОПТЕРОТ НА АРМ?