Ослободителна војска на албан. превзеде о

Извесна Ослободителната војска на Албанците во Македонија презела одговорност за вооруженте судири со припадниците на македонските специјални сили на подрачјето на Шар Планина кај Тетово, објавиле денеска приштинските медиуми.

Весникот “Коха Диторе“ објавил соопштение од воено политичкиот одбор на Ослободителната војска, во кое се наведувало дека Албанците во Македонија “биле присилени воено да се организираат за да го одбранат албанскиот народ и неговата територија“.

Била осудена акцијата на македонската полиција притив вооружените Албанци и се истакнувало дека сите договори “со Македонско - словенските власти“ пропаднале.
Исто така се нагласувало дека нема да има мир на Балканот, во деловите каде што живеат Албанците, ако во пракса не се спроведат начелата од Бујановачката конференција од 1943 година за самоопределување на Косово и за обединување со Албанија.

Заедно со соопштението на медиумите им биле доставени и три фотографии на кои се гледаат пет вооружени и маскирани лица, без амблеми на припадност на некоја воена формација.