На повидок нов дипломатски фронт со Бугарија

„Бугарија ја поддржа Македонија во Брисел за добивање датум за преговори и се надеваме дека тоа ќе биде ценето. Нашиот став беше таков како што се договоривме со премиерот Никола Груевски“. Ова во интервју за Радио Дојче Веле, програма на македонски јазик, го вели бугарскиот премиер Бојко Борисов. Тој за тврдењата дека Бугарија била воздржана, дури и против Македонија да добие датум за преговори, истакнува дека оние што пласираат вакви информации сакаат да ги влошат односите со оваа држава, но дека нема да успеат.

„Ги поздравувам нашите македонски соседи, кои од 19 декември ќе може слободно да патуваат во Европската унија. Тогаш првпат ќе може да сфатат колку е различно времето во кое живееле и колку е голема променетата состојба. Колку е подобро да си во ЕУ, во НАТО и да се развиваат добрососедски односи. Се надевам дека по 19 декември Македонците ќе сфатат колку подобри пријатели треба да бидат со Бугарија“, укажува Борисов.