Одлично играт одамна не сум ги видел нашите момци со толкав посед на топка и тоа сред Даблин , респект...има потенцијал да одиме на победа во второто.

Македонија верува во чудо

Победа е единствената опција за македонската фудбалска репрезентација на утрешниот квалификациски меч во Даблин, доколку тимот предводен од селекторот Мирсад Јонуз сака да продолжи да се надева дека ќе остане во борба за место што води на завршницата на ЕП 2012, во Полска и Украина. Освојување на три бода ќе биде речиси невозможна мисија за Македонија, ако се знае колку често репрезентацијата победува на гости во европски или светски квалификациски циклус. Македонската фудбалска експедиција вчера третпат допатува во Даблин, каде што утревечер (20.45 ч.) ќе се обиде да го поправи впечатокот од претходните две средби кога загуби со 0-3 и 0-1.

- Ни треба победа во Даблин ако сакаме да се приклучиме за врвот. Се надевам дека ќе дадеме максимум и дека ќе ја играме нашата игра. Треба сите да се бориме еден за друг и да ги исполниме задачите. Доколку го исполниме договореното, верувам во триумф и затоа одиме на победа - оптимистички најавува искусниот Величе Шумуликоски.

Во досегашните 9 квалификациски циклуси за настап на еден голем фудбалски собир, Македонија гостувала вкупно 41 пат и досега победила само 6 пати. Првпат на гости Македонија се радуваше во далечната 1996 година и тоа кај Лихтенштајн со 11-1, што претставува и рекорден триумф на „црвено-жолтите“. По таа победа, Македонија со полн плен од гости се вратила само уште кога гостувала кај Ерменија, Естонија, Малта и два пати кај Андора. Досега никогаш не победила на гости кај подоброрангирана селекција, но оптимизмот не ги напушта репрезентативците.

- Дојдовме да победиме. Ќе биде тежок меч, но верувам дека имаме сили и шанса да стигнеме до трите бода. Најдобро ќе биде ако први дадеме гол, а потоа ќе биде полесно. Не се плашиме, а верувам дека конечно и среќата ќе биде на наша страна. На претходните мечеви игравме добро, но немавме среќа и губевме од Словачка и Русија. Овој пат посакувам конечно на крајот ние да се радуваме на победа - рече Славчо Георгиевски, пред можеби клучниот меч за Македонија во овие квалификации.

Јонуз ги враќа Георгиевски и Грнчаров

Откако ги изостави од последните пријателски натпревари со Албанија, Кина и Камерун, селекторот на македонската фудбалска репрезентација Мирсад Јонуз за претстојниот квалификациски меч со Ирска повторно ги повика Славчо Георгиевски и Бобан Грнчаров. Од стандардните ги нема Лазаревски, кој нема клуб и Тодоровски, кој тренира со вториот тим на српскиот прволигаш Рад.
Во списокот на селекторот Јонуз се најдоа:
ГОЛМАНИ: Един Нурединоски (Етникос, Кипар), Мартин Богатинов (Карпати, Украина), Кристијан Наумовски (Динамо Бук*решт); ОДБРАНА: Бобан Грнчаров (АПОЕЛ, Кипар), Игор Митрески (Нефчи, Азербејџан), Николче Новески (Мајнц, Германија), Ванче Шиков (Етникос, Кипар); СРЕДЕН РЕД: Горан Попов (Динамо Киев, Украина), Александар Лазевски (Партизан, Србија), Арменд Алими (Истра, Хрватска), Славчо Георгиевски (Нефчи, Азербејџан), Величе Шумуликоски (Новосибирск, Русија), Марио Ѓуровски (Металург Доњецк, Украина), Филип Деспотовски (Интер Баку, Азербејџан), Дарко Тасевски (Левски, Бугарија), Мухамед Демири (Тун, Швајцарија); НАПАД: Горан Пандев (Интер, Италија), Илчо Наумоски (Матерзбург, Австрија), Стевица Ристиќ (Амкар, Русија), Иван Тричковски (АПОЕЛ, Кипар).
- Повикани се играчи кои се меѓу најстандардните во последните квалификациски дуели. Средбата со Ирска е значајна, но не е пресудна. Играме во група во која сите резултати се можни и до крајот ќе има многу изненадувања. Го знаеме начинот на игра на противникот, но факт е дека нивниот селектор Трапатони во последно време прави трансформација на составот на Ирците, за што говори фактот дека повика 29 играчи. Натпреварот е извонредно важен за обете селекции, но не и клучен бидејќи до крајот на квалификацискиот циклус во оваа група ќе има многу изненадувања. Ние се фокусираме на нашата игра и во Даблин ќе настапиме во формација со тројца напаѓачи, но и со одбрана која ќе одговори на дефанзивните задачи и затоа се тука високите и цврсти халфови, кои треба да го понесат товарот - изјави Јонуз.
Репрезентацијата од понеделник до четврток ќе се подготвува во Охрид. Квалификацискиот меч со Ирска се игра на 26 март во Даблин, со почеток во 20.45 часот. 

***

Јонуз ќе се легализира

Мирсад Јонуз на крајот на вчерашниот прес се пошегува на своја сметка околу написите дека е див селектор.
- По одлуката на Владата за легализација на дивоградбите за едно евро за метар квадратен, објавувам дека јас како див селектор ќе се легализирам - рече Јонуз.

Македонија од март на 82. место на ФИФА листата

Нашиот национален тим го очекува ново назадување на мартовската ФИФА ранг-листа која треба да биде објавена на 9 март. Според интернет порталите кои ги следат рејтинг пресметките, согласно утврдениот ФИФА ранкинг систем, македонската репрезентација во март ќе назадува три позиции, со 400 бодови сместувајќи се на 82. место, кој е еден од убедливо најлошите наши ранкинзи во последните десет години.

Од март пред нас на ФИФА ранкинг листата ќе бидат и репрезентации од типот на Бенин, Јордан, Боцвана, Габон... Од репрезентациите кои се во нашата квалификациска група за пласман на Европското првенство 2012 во Полска и во Украина, Русија треба да биде на 13. место, Словачка на 22. позиција, Република Ирска на 34. место, Ерменија на 65. место и Андора стандардно на 202. позиција на ФИФА листата.

Водечка и натаму, согласно пресметките, ќе биде Шпанија, пред Холандија, Германија, Аргентина и Бразил. Меѓу ТОП 10 светските репрезентации се уште и Англија, Уругвај, Хрватска, Португалија и Грција

Васоски ќе се прости од националниот тим

Дефанзивецот на Ајнтрахт Франкфурт Александар Васоски ќе добие плакета и дрес со бројот 33 на простувањето од македонската фудбалска репрезентација, што ќе се случи пред почетокот на пријателскиот натпревар со Камерун на 9 февруари (17.30ч.) на стадионот "Филип 2" во Скопје.
Триесет и едногодишниот Васоски дебитираше за "црвено-жолтите" во 2002 година, но застана на 33 настапи (два гола), најмногу поради многубројните повреди, кои ја нарушија и неговата клупска кариера. Пред три недели, на контролен натпревар со Келн скина бутен мускул, по што и ја донесе одлуката за повлекување од националниот тим.
Васоски му се приклучи на Ајнтрахт во 2005 година, а претходно во домашното првенство настапуваше за Вардар и Цементарница.

Македонија со најсилниот состав против Камерун

Селекторот на македонската фудбалска репрезентација Мирсад Јонуз денеска го соопшти списокот на фудбалери на кои смета за настап на пријателскиот натпревар со Камерун, кој ќе се одигра на националната арена „Филип Втори“ на 9 февруари со почеток во 17.30ч.

На списокот доминираат стандардните репрезентативци, кои играат и во претходните мечеви, па се потврдија очекувањата дека Македонија и Камерун ќе настапат во најсилните состави во Скопје, а јавноста ќе може да ги види Пандев, неговиот соиграч Ето, потоа Тричковски, Екото.... Селекторот Јонуз очекува дуелот со Камерун да биде одлична проверка на формата на репрезентативците пред продолжението на квалификациите за Евро 2012 и гостувањето кон крајот на март во Даблин против Република Ирска. - Ова е биде прв натпревар на репрезентацијата во 2011 година со противник, кој што со својот играчки квалитет ќе биде навистина сериозна проверка на нашите можности пред продолжувањето на квалификациите во март. Можам да констатирам дека повиканите играчи во овој период се наоѓаат во различни фази од формата. Играчите кои играат во Италија, Германија и Кипар се во натпреварувачка форма додека останатите се на подготовки и одигруваат пријателски натпревари со своите клубови. Во овој момент ги одбрав најдобрите играчи кои што планирам да ми бидат на располагање и во март за дуелот од квалификациите – вели Јонуз. - Овој натпревар нормално ќе биде интересен и по дуелите што ќе ги имаат играчите на двете репрезентации, особено на двата капитена Пандев и Ето, како и начинот на игра на Камерун кој е многу сличен со нашиот стил. Очекувам времето да не послужи, амбиентот на теренот ќе го креираат играчите додека за амбиентот на трибините очекувам да го направат 20.000 навивачи. Ние треба да одиграме дисциплиниран, одговорен, едноставен натпревар и да очекуваме добар резултат. Во случај на повреда или откажување на некој репрезентативец, дополнително ќе биде повикан друг – изјави селекторот Мирсад Јонуз . Речиси сигурно играчите кои ги повика Јонуз, ќе бидат дел од селекцијата и во Даблин. СОСТАВ НА А-РЕПРЕЗЕНТАЦИЈА ЗА МЕЧОТ СО КАМЕРУН голмани 1. Нурединоски Един - Етникос Aхнас / Кипар 2. Богатинов Мартин - Карпати / Украина одбрана 3. Митрески Игор - Нефчи / Азербејџан 4. Новевски Николче - Мајнц 05 / Германија 5. Шиков Ванче - Етникос Ахнас / Кипар 6. Мојсов Даниел - Војводина / Србија 7. Тодоровски Александар - Рад / Србија 8. Попов Горан - Динамо Киев / Украина 9. Лазевски Александар - Партизан / Србија 10. Лазаревски Владе - Тобол - Костањи / Казакстан среден ред 11. Демири Мухамед - Тун / Швајцарија 12. Шумуликоски Величе - Новосибирск / Русија 13. Деспотовски Филип - Интер Баку / Азербејџан 14. Тасевски Дарко - Левски Софија / Бугарија напад 15. Пандев Горан - Интер / Италија 16. Наумоски Илчо - Матерсбург / Австрија 17. Ристиќ Стевица - Амкар Перм / Русија 18. Тричковски Иван - АПОЕЛ / Кипар

Македонија тоне на листа на ФИФА - од денеска е 81-ва