Без калорична храна и забранети слатки! Ова главно е законот за лицата кои боледуваат од шеќерна болест. Сеедно, постојат комбинации на намирници од кои можете да направите сладок десерт, кој и лицата со дијабетес би можеле да го конзумираат. Еве еден предлог за тоа како лесно да го засладите денот:

Диетаниот чоколаден мус, е многу сличен на класичниот, но со значително помалку маснотии и калории. Така, овој рецепт ќе им биде од корист и на оние кои се обидуваат да ги намалат килограмите, а еднотавно не можат да издржат без десерт.

Состојки:

260 г. павлака за готвење (незасладена хопла)
6 лажици незасладен сируп од чоколадо
2 лажици какао
1 кесичка желатин
240 мл. ладна вода

Подготовка:

Ставете вода во помал лонец и сипете го желатино. Оставете да отстои минута. Ставете го на тивок оган три минути, постојано мешајќи додека желатинот не се стопи. Потоа оставете да се олади и додадете какао и сируп од чоколадо. Измешајте ја хоплата и додадте ја во какао смесата. Распоредете ја добиената крема во шест чашки, прекријте ги и оставете ги во фрижидер најмалку два часа. Уживајте!

Потребни состојки:

6 жолчки од јајца

100 гр. бел шеќер

3 мл. екстракт од ванила

600 мл. слатка павлака

30 гр. кафеав шеќер

Припрема:

Загрејте ја рерната на температура од 150℃. Изматете ги жолчките, додадете го белиот шеќер и ванилата и потоа матете сѐ додека не добиете густ крем.

Ставете ја слатката павлака во тенџере и загрејте ја на тивок оган. Пред да започне да врие, тргнете ја од шпоретот и помешајте ја со смесата со жолчки. Смесата ставете ја во помал сад , а тој сад ставете го во поголем сад во кој има вода која врие. Варете околу три минути и потоа тргнете го садот од оган.

Смесата ставете ја во огнотпорен сад и печете околу 30 минути на температура од 50 степени. Оставете го крем брулето да се излади најмалку еден час.

Во посебен сад измешајте 2 големи лажици бел шеќер и кафеавиот шеќер. Смесата ставете ја на оган да се стопи, а потоа со таа смеса прелијте го крем брулето. Украсете со капини. Добар апетит!

Состојки:
● ЗА КРЕМ:
2 банани
40 г.шеќер
30 г.густин
730 мл.млеко
2 јајца
30 г.путер
лажичка екстракт од ванила

● ЗА КРЦКАВ СЛОЈ:
10 мелени бисквити
80 г. путер
лажица шеќер

● Со виљушка изматете две јајца, па неколку лажици од топлата смеса со густинот додајте во јајцата, добро промешајте и додајте ги јајцата во смесата со густин. Варете уште малку па тргнете од шпоретот, додајте го путерот и екстрактот од ванила па оставете смесата да се излади во фрижидер.

● Во меѓувреме смелените бисквити помешајте ги со шеќерот и растопениот путер, сипете ја смесата во огноотпорен сад и печете на 180 степени околу 10 минути.

● Во стаклен сад или чаша ставете две лажици од смесата со бисквити, малку крем од ванила, па наредете неколку кришки банана. Врз нив ставете уште малку крем од ванила, шлаг и декорирајте по желба.

Состојки:

• 265 г чоколадо со 70% какао маса
• 240 мл вода
• 4 дополнителни лажички вода (во случај ако чоколадото ви е многу горчливо)

Подготовка:

Земете два длабоки сада, еден голем и еден помал. Помалиот наполнете го со мраз и врз него ставете го поголемиот. Во тенџерче на оган со средна температура, ставете го чоколадото, претходно искршено на коцки, да се стопи заедно со водата. Мешајте повремено додека чоколадото сосема не се растопи и поврзе со водата. Стопеното чоколадо ставете го во големиот сад и со миксер или жица за мешање почнете да ја матите смесата додека не стане густа. Мешајќи, чоколадото ќе се згусне затоа што топлината од чоколадната смеса ќе почне да се поврзува со мразот врз кој матите. Ако во смесата со текот на матењето почнат да се појавуваат грутки, не грижете се – додадете уште малку вода и мешајте додека не добиете густа чоколадна смеса. Сервирајте во омилените десертни чаши. Забелешка: Оваа чоколадна крем-пена освен како десерт, може да ви послужи и како убав и богат фил за во некоја торта