Занимливости околу исхраната

Житарки наместо кафе

Оние кои за појадок јадат житарки се порасположени, подобро памтат и помалку се подложни на стрес од оние кои за појадок пијат кафе. Исто така, житарките се добар сојузник во борбата против болестите на дишните органи, па стручњаците за исхрана на пациенти наклонети кон настинки им предлагаат да не го заобиколат муслито. За здраво срце уште е подобро ако во житарките додадете боровинки и пола банана, зашто на тој начин ќе обезбедите доволно количество на калиум, магнезиум и фолна киселина.

Спанаќот е во групата на растенија кои не се толку често на нашата трпеза, но важат за исклучително здрави и богати со витамини.

Многу луѓе јадат спанаќ, но малку знаат дека тој е исклучително богат со витамини A, E, B1, C и K, и минерали како железото, магнезиум, калциум и други. Најновите истражувања на британските научници покажуваат дека консумирањето на спанаќ дава одлични резултати кај пациентите кои патат од анемија и депресија.

Спанаќот може да се консумира без ограничувања од луѓето кои се грижат за својата тежина. 100 грама спанаќ содржат само 18 калории.

Диетолозите сепак предупредуваат дека со вриењето спанаќот ги губи поголемиот дел од корисните својства. Затоа, за терапевтски цели, се препорачува овој зеленчук да се консумира свеж, во салати, или во форма на сок.

Вест совети за в кујна - Како да направите домашни тестенини

Покрај стотината видови и облици на индустриски направени тестенини, тешко може да се очекува оти во секојдневната кулинарска средба на ручек со домашните ќе се прибегне на изработка на домашни тестенини. Но, барем понекогаш, во деновите во кои од некоја причина сакате нешто посебно да одбележите, или во викендите кога ќе имате желба сериозно да се посветите на готвењето, треба да се позанимавате и со изработка на домашни тестенини. Најмногу зашто размерот на вложениот труд и количеството на уживање повеќекратно е пропорционален. Домаќинката која само еднаш се испробала во таа едноставна работа, поттикната од пофалбите и одушевувањето на домашните, сигурно ќе ја користи секоја прилика тоа истото што почесто да го повторува.
Иако има многу видови на тестенини, а сите се вкусни, но само домашните, свежи тестенини, без никакво двоумење, се најубави.

ОСНОВЕН РЕЦЕПТ ЗА ТЕСТОТО

Потребно (за 6 до 8 лица):

370 г брашно
4 јајца
1 лажичка сол
1-2 лажици масло

Приготвување: брашното ставете го на работната маса, па во средината направете дупка. Во неа ставете ги јајцата, солта и маслото. Со виљушка изматете ги јајцата, а потоа, постепено, од рабовите земајте малку по малку брашно. Додавајте толку брашно додека не добиете цврсто, но не лепливо тесто. Тестото трпеливо месете го на работната маса посипана со брашно се додека не стане масно и сјајно. За тоа ќе ви требаат од 5 до 10 минути. Ако тестото е лепливо, додадете уште малку брашно. Обликувајте го во топка и покријте го со проѕирна фолија или со сад, па оставете го да отстои од 30 минути до 2 часа. Колку подолго се одмора, толку полесно подоцна ќе го истенчите со сукало. Ако во тестото во текот на месењето му додадете малку масло, тоа ќе ви помогне полесно да го расучете.

Освен тоа што значајно го подобруваат вкусот на храната, навидум обичните зачини позитивно делуваат и на лечење на одредени здравствени проблеми, како што се воспаление на грлото, грип, нервоза, болки или хемороиди.

Оригано

Овој зачин претставува природен антибиотик и средство за искашлување и за ширење на бронхиите, а корисен е и против грчеви. Неговата делотворност се покажува кај воспаление на синусите, особено хронични болки во грлото, неспецифични запаленија на ушите, настинки, вирози, грипови, долготрајни проблеми со носот, како и воспаленија на мочниот меур.

Цимет

Циметот е познат по неговата способност за детоксикација, помага при заздравување на ткивата и ги намалува болките. Корисен е кај кашлицата, го подобрува варењето на храната и го поттикнува потењето.

Босилек

Босилекот е ефикасен лек за воспалени мочни патишта, лечи и болести на црниот дроб, водена болест, а добар е и за смирување. Овој зачин исто така ефикасно делува против несоница, ја намалува нервозата и го поттикнува апетитот. Особено е корисен и за младите мајки, кои треба почесто да го консумираат во вид на чај бидејќи го поттикнува лачењето на млеко.

Рузмарин

Добар е за лечење на помали проблеми со црниот дроб, проблеми со жолчката и со варењето. Се препорачува за лечење на ревматоиден артритис и лоша периферна циркулација. Покрај тоа, рузмаринот е и антисептик, како и средство кое го помага процесот на зараснување на рани.

Црн пипер

Црниот пипер се користи за поттикнување на дигестивниот систем, ефикасен е против воспаленија на грлото, висока температура и хемороиди.

* Со цвеклото може да се употребат овие зачини: дафинов лист, каранфилчиња, копар, лук, синап, рузмарин, лимон и рен.
* Со празот може да се употреби жалфија, магдонос, босилек, како и рендана кора и сок од лимон.

Освен цветните весници на пролетта, ливадите се преполни со диви билки за јадење кои се исклучително важна храна во овој период од годината. Пред со, тука е глуварчето и копривата, кои изобилуваат со витамини, минерали и хлорофил. Тие ги чистат црниот дроб и крвта и може да се подготват како салата, од нив да се подготвуваат супи и да се прават гарнири за главните јадења.