Занимливости околу исхраната

Употреба на целерот во кујната

КОРЕН И ЛИСНИ ПЕТЕЛКИ
Коренот и лисните петелки од целерот може да се додаваат како зачин во супите, варивата и во салатите од овошје и од зеленчук, може да се варат, динстаат или да се пржат. Исто така, може да се мешаат и со друг зеленчук. Од коренот и лисните петелки може да се подготвуваат супи, варива, салати, пире и сосови, може да се полнат со разни филови или може да се ароматизираат маслото и оцетот со нив.

ЛИСТОВИ
Листовите од целерот ситно се сечкаат и се додаваат како зачин во супите, варивата, салатите, кремастите сирења, филовите за живина, риби и школки, како и во јадењата од друг зеленчук. Листовите се додаваат во јадењата во последните три минути од варењето за да ги задржат аромата и хранливата вредност.

Соја - совети

1. Како да ја спречите жилавоста на сојата?
Дури откако сојата ќе биде варена, додајте продукти и зачини во неа, како што се доматите, сокот од лимон, солта, оцетот.

2. На кои јадења сојата ќе биде мошне здрав додаток?
На супите, на печените јадења, на салатите.

3. Дали постојат повеќе видови соја-сос?
Да, постојат светол и темен соја-сос. Светлиот се користи при готвењето јадења од зеленчук, риба и морски плодови, а темниот - за јадења од месо, особено она црвеното.

4. Кои се најчестите грешки при подготвувањето шницли од соини лушпи?
За да се сварат соините лушпи, потребно е поголемо количество вода, исто како и при варењето тестенини. Размерот на водата во однос на сувата соја треба да биде пет пати поголем, но и поголемо количество вода нема да пречи. Внимавајте кога ќе ја солите водата, зашто ако додавате соја-сос во јадењето, треба да ставите многу малку сол, зашто сосот е мошне солен. Соините лушпи може да ги варите 10-15 минути.

ДОМАТИ

Лековитост

Доматите се богати со витамин Ц, витамини од Б групата и со витамин А. Добро е познат и ликопенот со кој изобилува овој зеленчук и научниците го препорачуваат како превентива од карцином. Доматите изобилуваат и со минерали, па се пожелни за добра работа на мускулите. Тие се вистински рудник на калиум, калциум, а содржат и количества на цинк, магнезиум, фосфор и бакар, како и на други драгоцени елементи. Покрај големата антиоксидациска моќ и изобилството на каротен, доматите се и вистински чистач на организмот. Се применуваат во подготовката на природните маски за тело, а ги смируваат и воспалителните процеси.

Совети

* Како да ги излупите доматите?
Мошне лесно можете да ги излупите доматите ако од долната страна им направите крст со нож, а потоа на кратко ги потопите во вриена вода.

* Кога да додадете концентрат од домати, т.е. пире од домати, во јадењето?
Кога додавате пире од домати во јадењата од месо, на пример, во гулаш, направете го тоа откако месото ќе омекне, зашто киселоста на доматите го забавува омекнувањето на месото.

* Со што да ги полните доматите?
Полнете ги доматите со помек фил, како што се младо сирење, варен зеленчук, со месо, динстано и исечкано на помали парчиња или со филети од риба

Сите нам ни е јасно дека прекумерното консумирање на масна храна има првенствено физички последици во форма на здебелување или таложење на маснотии во телото. Но, научниците предупредуваат дека масната храна има многу штетно влијание врз менталното здравје на човекот.

Во студијата која заеднички ја спроведоа шпанските психијатари и нутриционисти, а која е објавена во магазинот Science journal, потврдено е дека масната храна има неверојатно негативно влијание врз менталното здравје.

Во студијата биле вклучени 1.200 испитаници кои биле следени во интервали низ шест години. Заклучокот од следењето е дека јадењето на масна храна значително го зголемува ризикот од депресија кај луѓето. На почетокот на истражувањето биле проверени менталните способности и емоционалната состојба на доброволците, а потоа научниците вовеле специјална исхрана која содржела заситени масти.

Заситените масти во најголема мера се наоѓаат во брзата храна која воедно и бавно се вари. Во период од шест години научниците ги следеле доброволците кои консумирале храна со заситени масти, а притоа во предвид ги земале и нивните години, пол, телесна тежина и лошите навики.

На крајот од студијата се покажало дека дури 650-те испитаници во неколку наврати се бореле со клиничка депресија. Психијатарите и нутриционистите заклучиле дека љубителите на брзата храна имаат 42 отсто поголем ризик за заболување од некој облик на депресија во однос на останатите луѓе. Овде не се работи за депресивна состојба поради можното дебелеење, туку за очигледно лошо влијание на заситените масти на психофизичкото здравје на луѓето.

Иако веќе некое време внимавате на својата исхрана, ви се чини дека стрелката на вагата застанува секогаш на исто место. Генерално гледано, вие навистина сте ги промениле вашите прехрамбени навики, но вистинскиот проблем лежи во скриените замки, кои иако не се наоѓаат редовно на вашето мени, секако влијаат на вашата телесна тежина.

Кечап и мајонез

Повеќето од нас не би можеле да ги замислиме пржените компирчиња или пицата без кечап и мајонез. Може од редовната исхрана сме ги исфрлиле овие состојки, но и понатаму на ручекот му додаваме малку кечап или мајонез. За разлика од мајонезот, кечапот не содржи масти, но затоа пак, во 100 грама кечап има 11 коцкички шеќер.

Колбаси

Каков би бил појадокот или сендвичот без добар колбас? Иако некое тенко парче можеби не изгледа како калориска бомба, запомнете дека 100 грама колбаси содржат околу 300 калории.

Овошен јогурт

Зар постои подобра ужинка од овошен јогурт? Внимавајте, купениот овошен јогурт е богат со шеќери, односно 100 грама овошен јогурт содржи дури шест коцкички шеќер. Или направете свој, или намалете ја неговата консумација.

Ананас

Обожаваме ананас, но не секогаш го јадеме свеж бидејќи некако попрактично ни е да земеме ананас од конзерва. Погрешно! Ананасот од конзерва содржи многу повеќе шеќери, а свежиот не само што е помалку калоричен, туку е и многу поздрав.

Газирани пијалоци и засладени сокови

Колку штетни можат да бидат соковите за нашата линија? Многу луѓе веруваат дека сè што е во течна состојба содржи многу помалку калории. Меѓутоа, газираните пијалоци содржат дури 17 коцки шеќер на едно литро. Ни засладените сокови не поминуваат многу подобро.

Секако, течностите треба да бидат неизоставен дел од дневната исхрана, но тоа се однесува на водата, незасладениот чај и свежите сокови без додаден шеќер.

Макијато

Ако мислите дека вашето омилено кафе не може да и штети на вашата линија, се лажете. Кафето направено со млеко може да содржи од 5,6 до 9,2 грама масти, а да не зборуваме за додатокот како што е шлагот.

Но, покрај мастите кои ги содржи ваквото кафе, треба да имате во предвид дека комбинацијата на кофеин и протеините кои доаѓаат од млекото е штетна и овие две работи не треба да се мешаат.

Сос за салата

Сте направиле ручек во облик на салата, но за да биде повкусна сте додале купен сос за салата. Токму тие сосови се вистинка калорикса замка, а со нивното нанесување и додавате на вашата салата, додавате и околу 14 грама масти. Зачинете ја својата салата сами. Користете немасен јогурт, немасно сирење или маслиново масло.

Пекарски производи

Во целата гужва и недостатокот на време, често ни се случува да ја посетиме локалната пекара и да си купиме некоја вкусна, но мала кифла. Внимавајте, колку мала и да изгледа, еден кроасан содржи околу 22,6 грама масти, кои се насочуваат директно кон вашите колкови.

Чоколаден намаз

Утринската потреба од храна и енергија често знаеме да ја задоволиме со сладок чоколаден намаз. Иако не сметаме дека сме претерале, бидејќи сме изеле само едно парче леб, не сме свесни дека само 10 грама од овој намаз содржи 3 грама масти и дури 20 коцкички шеќер. Вратете се на медот, или на стариот добар мармалад.

Хемикалиите кои се наоѓаат во подлогата на некои садови за готвење, или пак во амбалажите за храна и во спреовите кои ги користиме за чистење на дамки од теписоните и облеката, можат да доведат до сериозни здравствени проблеми.

Истражувањата покажаа дека жените кои во телото имаат голема количина на хемикалијата perfluorokarbon (PFC), влегуваат во менопауза пред оние со помала количина.

Имено, оваа хемикалија може да се најде во секој дом, а неа најчесто луѓето ја вдишуваат со прашината, пареата или ја внесуваат со храната во организмот. Научниците докажаа дека PFC е поврзана со ракот на штитната жлезда, со проблемите на имунолошкиот систем и срцевите болести.

Многумина експерти веруваат дека оваа хемикалија го пореметува и нивото на хормони во телото.

Дека за тоа се свесни и произведувачите говори фактот дека една голема компанија поради здравствените проблеми престанала да ја користи хемикалијата perfluorokarbon уште во 2002-ра година, а компанијата DuPont, позната по производството на тефлон, прифати да го намали нејзиното производство до 2015-та година.

Новото истражување го следеше нивото на PFC во крните примероци кај 26.000 Американки.

Научниците од Универзитетот Вест Вирџинија, востановија дека кај жените постари од 42-та година кои влегле во менопауза се наоѓа најголемото ниво на оваа хемикалија.

Истата група на жени имала и значително ниско ниво на женскиот хормон естроген.