Откако едната подолго време се сомневала во верноста на својот сопруг, решила вистината да ја истера на виделина, но наместо недоразбирањето да го реши со својот маж, таа одлучила да и се реваншира на неговата наводна љубовница, која била нејзина колешка. Со намера да го расчисти случајот, изневерената жена затропала на вратата на љубовницата во скопско Сингелиќ

Маж е причината две колешки, полицајки, вчеравечер меѓусебно да се пресметаат. Откако едната подолго време се сомневала во верноста на својот сопруг, решила вистината да ја истера на виделина, но наместо недоразбирањето да го реши со својот маж, таа одлучила да и се реваншира на неговата наводна љубовница, која била нејзина колешка. Со намера да го расчисти случајот, изневерената жена затропала на вратата на љубовницата во скопско Сингелиќ. Откако и ги кажала фактите со кои располагала, а наводната љубовница нормално негирала, дошло до тепачка меѓу двете жени. По пријава на случајот нивните колеги интервенирале, по што била повикана и внатрешната контрола на МВР. По расчистувањето на случајот против двете полицајки ќе бидат преземени соодветни санкции.

Вчеравечер била бурна ноќ за полицајците во Скопје. Покрај двете колешки и нивни колега триесет годишниот А.З. решил да се пресмета со сопругата и неговата мајка. Тој синоќа во 21 часот во семејната куќа во Патишка Река, Скопско, при семејна расправија ги нападнал сопругата и неговата мајка. Во караницата испукал три куршуми во собата, од кои, за среќа, никој не е повреден. Слушајќи ги викотниците, напомош дошле нивни роднини. Кога А.З. ги видел, побегнал од куќата, но подоцна повторно се вратил и овојпат земал пушка. Во вториот обид бил совладан од роднините, но притоа А.З. се здобил со повреди. Повредениот полицаец доцна синоќа бил згрижен во Градската болница во Скопје. Полицијата извршила увид, а потоа, и во овој случај, била повикана внатрешната контрола на МВР. Од МВР го потврдија случајот и велат дека по расчистувањето против полицаецот ќе биде поднесена соодветна пријава.