Во оваа емисија беа прикажани натпреварувачите во куќите на Емина Јаховиќ, која е ментор на момците до 27 години и куќата на Кики Лесендриќ кој е ментор на девојките до 27 години.

Во двете групи имаше по 6 натпреварувачи од кои се избраа само по 3 кои продолжуваат понатаму.

Она што беше интересно е што момците најпрво имаа можност, на покана на Емина да го посетат нејзиниот дом во Истанбул и да прошетаат низ градот.

Таму ги вежбаа и своите песни, но настапите и одлуките сепак беа донесени во Белград.

Момците беа воодушевени од нејзиното гостопримство и од градот, па какао благодарност и тие ѝ подарија 6 ружи, кутија со чаша за кафе, сложувалка и слика на која се заедно со неа. Овој нивни гест само ја отежна нејзината одлука, со оглед и на нивното пеење.

На секој од судиите при преслушувањето на кандидатите им помагаше по еден странски гостин кој има вакво искуство.

Емина го избра својот сопруг Мустафа Сандал, кој е познат музичар и продуцент, а има учествувано и победено како судија на слично натпреварување „The voice“.

Прв меѓу натпреварувачите на Емина беше рокерот Милош Бајат кој имаше многу моќен и емотивен настап, но не помина во следната фаза.

Вториот натпреварувач беше фотографот Стефан Коковиќ, кој исто така не помина во следната фаза.

Трет кој настапи е препознатливиот Петар Јојиќ – Перчоли, кој иако воодушеви со својот глас, сепак во секоја негова изведба се препознава Здравко Чолиќ, поради што и тој не помина во следната фаза.

Оние тројца од групата на Емина кои продолжуваат во следната фаза на настапите во живо се: 14 – годишниот Харис Ќато, Алекса Перовиќ кој Емина специјално го побарала од групата со бендови и направила замена. Трет кој поминува во следната фаза е Лукијан Ивановиќ.

Во куќата на Кики Лесендриќ, помошник судија беше познатиот водител на BBC радио 1, Skott Millis.

Девојките навистина беа импресивни и успеаја да ги освојат симпатиите на Скот, иако повеќето пееја на српски и тој не разбираше ниту збор, но според реакциите, навистина го допреа нивните изведби.

Прва настапи Александра Брковиќ, која имаше навистина емотивен настап. Иако Кики како забелешка при одлучувањето ѝ забележа дека треба да внесе уште повеќе емоции, сепак таа помина во следната фаза.

Втора настапи Кристина Вуковиќ која има убава боја на гласот, но сепак не се истакна со изведбата на песната и не помина во следната фаза.

Трета настапи малата Илма Карахмет, која и овојпат, како и на првата аудиција воодушеви со својот глас и изведба. Без сомнение, иако е премногу мала за вакво големо натпреварување, продолжува во следната фаза на настапите во живо.

Како четврта настапи Катарина Јовановиќ, која има речиси „црнечка“ боја на глас, што е ретко на овие простори, но од друга страна тоа ја ограничува на одреден тип песни, но тоа не е она што се бара. Затоа Катарина не продолжува во следната фаза.

Комплетен настап имаше петтата натпреварувачка Александра Секулиќ, која покрај танцувањето овојпат покажа многу повеќе и во изведбата на песната, за разлика од првата аудиција. Сепак, Кики и Скот сметаа дека подобро е да продолжи сама со својата кариера.

Шеста и последна натпреварувачка беше Тамара Милановиќ, која на првата аудиција ја расплака Емина Јаховиќ со својата изведба. Овојпат имаше повесела песна и многу повеќе трема, но сепак судиите го препознаа квалитетот во неа и сметаа дека е дијамант кој допрва треба да се обликува и заслужува шанса за понатаму.

Три натпреварувачки кои продолжуваат од групата на Кики Лесендриќ се: Александра Брковиќ, Илма Карахмет и Тамара Милановиќ.

После сите настапи и одлуки за овие две групи, шесте избрани сигурно продолжуваат понатаму, а вие, публиката и гледачите имате можност со гласање да вратите еден од исфрлените момци до 27 години и една од девојките до 27 години.

Даниел Кајмакоски не е задоволен од синоќешниот настап

На синоќешната аудиција судиите мораа да изберат само 24 кандидати кои ќе го продолжат натпреварувањето.

За таа цел уште веднаш селективно беа поделени на 4 групи А, B, C, D од кои две групи веднаш беа немилосрдно отфрлени, а од останатите 2 се групираа 10 помали групи.

Секоја група имаше по една зададена песна која требаше да ја подготват во рок од 24 часа и да настапат сите заедно усогласени и според пеењето и според кореографијата.

Некои се истакнуваа повеќе, некои беа фер и тимски играчи. Имаше и несогласувања и караници, кои стигнаа и до жирито, а можеби и делумно влијаеја на одлуките, но на крајот се избраа најдобрите.

По настапот жирито речиси од ниедна група не беше воодушевено. По второто прегледување на снимките од настапите со тешки одлуки сепак, мораа да одберат само по некој од секоја група.

Македонците кои поминаа во понатамошното натпреварување се Иван и Кико Раденови, Даниел Кајмакоски и Филип Јаневски – Фифи.

На крајот следуваше прегрупирањето на кандидатите во соодветни групи и изненадувања за секој член од жирито кои не знаеја кој на која група ќе биде ментор.

Првата група се момци до 27 години (Лукијан Ивановиќ, Харис Ќато, Стефан, Коковиќ, Алекса Перовиќ, Милош Бајат и Петар Јојиќ). Нивен ментор е Емина Јаховиќ.

Втората група се девојки до 27 години (Тамара Милановиќ, Александра Брковиќ, Илма Карахмет, Христина Вуковиќ, Александра Секулиќ, Катарина Јовановиќ). Нивен ментор е Кики Лесендриќ.

Третата група се постари од 27 години (Даниел Кајмакоски, Маид Хеќимовиќ, Маја Новаковиќ, Младен Лукиќ, Бојана Рачиќ, Славко Калезиќ). Нивен ментор е Жељко Јоксимовиќ.

Четвртата група се бендови, од кои некои се веќе постоечки од првите аудиции (Иван и Кико Раденови, Рома Сијам (7 членови), Мouse Miles (2 члена), Јана Вуковиќ и Лука Грумиќ.

Останатите бендови се групираа од оние кандидати кои жирито најпрво ги отфрли, но сепак се предомисли поради нивните први настапи.

Нив им дадоа уште една шанса да се покажат, но не самостојно, туку во бендови.

Машки бенд (Армин Маликиќ, Предраг Антиќ, Марко Балабановиќ, Урош Туркулов, Никола Станојевиќ), женски бенд (Катарина Манојловиќ, Вања Мишиќ, Лана Шојиќ, Теодора Спаравало) идует ( Филип Јаневски – Фифи и Маринела Џогани). Нивен ментор е Кристина Ковач.

Сега следат подготовки со зададени песни и под менторство на одредените членови од жирито, каде секој се бори за својот тим.

_________________________________________________________________________________________

Баш штета што не отидоа понатаму Марија и Лена