Ги знаете ли сите чудотворни дејства на лимонот?

Лимонот е познат топач на масните наслаги, но знаете ли дека исто така помага и при сериозни здравствени проблеми?

Д-р Penny Stanway, авторка на книгата „The Miracle of Lemons“, тврди дека лимоните се навистина чудотворна храна. Освен тоа што се најдобар избор за гаснење на жедта и за победување на високата температура, лимоните помагаат и кај широка лепеза на болести и здравствени проблеми.

Слабеење

Со сок од лимон полесно ќе го стопите вишокот на килограми и ќе го спречите нивното наталожување на погрешни места, тврдат научниците. За најдобри резултати, сокот од лимон пијте го наутро пред оброкот бидејќи на тој начин ќе го забрзате метаболизмот, а калориите нема да се лепат за критичните зони.

Камен во жолчката

Околу 80 проценти од каменот во жолчката се состои од холестерол, кој се создава во случај кога црниот дроб или жолчката не можат успешно да го исфрлат. Заради недостатокот на желудочна киселина (што може да биде предизвикан од стареење, стрес или земање одредени лекови), контракциите на жолчката може да бидат ослабени. Со тоа се објаснува намаленото и нередовно празнење на жолчен сок и негово заостанување, кој потоа се таложи во камен. Затоа се препорачува консумација на кисели намирници пред оброкот, бидејќи истите можат да имитираат желудочна киселина и да ја поттикнат жолчката на контракции за да може да ги исфрла малите камчиња. При тоа, лимонот претставува идеално решение.

Кашлица

Ова овошје делува и како експекторанс – го поттинкува исфрлањето на секрет од бронхиите, што го прави извонредно корисен кај настинка или грип. Флавоноидите, кои имаат антиоксидантски својства, ги штитат белите дробови од воспаленија и го намалуваат оштетувањето на ткивата.

Во случај на настинка и грип, лимоновиот сок пијте го разреден со вода за да не ви ја раздразни и онака воспалената слузокожа.

Псоријаза

Псоријазата е хрончна болест која бара упорно и долготрајно систематско лечење. Можеби изгледа парадоксално, но киселината од исцедениот лимонов сок може да ја ублажи сувата кожа и да го намали нејзиното лупење. Воедно помага и да се обнови влажноста на кожата и го поттикнува исфрлањето на мртвиот слој на клетки.

Неколку пати дневно нанесете лимонов сок на подрачјето зафатено со псоријаза и задржете се неколку минути изложени на сонце. Во период од неколку недели, постепено зголемувајте го времето кое го поминувате на сонце. Лимоновиот сок е богат со псоралени, природни билни состојки кои се многу чувствителни на УВА зраците и реагираат на ткивата на кожата. Кога е во прашање псоријазата, многу дерматолози препишуваат псоралени орално или локално на кожата во комбинација со УВА терапија.

Запек

Лимоните се богат извор на пектин, вид на влакна кои во цревата се претвораат во гел и ги олеснуваат нивните контракции. Од друга страна, целулозата привлекува вода, со што го олеснува варењето.

Хипертензија

Калиумот кој го содржи лимонот помага при регулација на телесните течности, а магнезиумот ги опушта артериите. Исто така, флавоноидите се состојки кои му даваат на лимонот жолта боја, ги зајакнуваат капиларите и го олеснуваат протокот на кислорот во организмот, а на тој начин го штитат целокупното здравје на крвните садови.

Витаминот Ц од еден мал лимон може да го зголеми нивото на азотен оксид, гас кој на нашето тело му дава сигнал да се опушти и ги проширува крвните садови. Исто така, лимоновиот сок наликува на некои лекови кои се користат за снижување на крвниот притисок – АЦЕ инхибитори, бидејќи го инхибира создавањето на хормонот ангистин во бубрезите, хормон кој го зголемува крвниот притисок преку стеснување на крвните садови.

Уринарни инфекции

Нездравата исхрана ги влошува проблемите при запаление на мочниот меур бидејќи киселата урина само ги зголемува болките. Нормалната урина има pH вредност помеѓу 4,5 и 9, а идеалната вредност е околу 5,8 и 6,8. Изненадувачки, метаболизирањето на лимоновиот сок во нашето тело има благо алкализирачки ефект.

Консумирајте сок од половина лимон два до три пати дневно. Лимоновиот сок можете да го користите во салати како замена за оцет, со рибни специјалитети, во разни сосови за тестенини, како и во овошни салати, на кои им дава посебен вкус, а исеченото овошје го одржува свежо.

 

Внесувањето на житарки во организмот е поефикасно од исфрлувањето на масната храна од исхраната за намалување на холестеролот.

Научниците тврдат дека житарките и зрнестата храна значително го намалуваат холестеролот. Диетата која се покажала најдобра во студијата која ја спровеле научниците исто така ги вклучува сојните производи како сојното млеко, тофуто и замената за месо, како и внесувањето на грашок, грав и леќа.

Канадската студија покажала дека шестмесечниот режим на ваква исхрана довел до 13 отсто помал LDL холестерол, познат како „лошиот холестерол“, а на подолго и 11 отсто помал ризик за срцеви заболувања.

Можеби веќе да сте навикнале да избегнувате сол, но всушност вистината е дека таа има важна улога во одржувањето на балансот на течностите во телото.

Солта е клучна за правилно функционирање на мускулите и нервите. Од друга страна, било поради квалитетот на готовата храна, било поради штетни навики, повеќето луѓе јадат премногу натриум.

Вообичаената дневна доза е 2.400 милиграма натриум или околу 1 мала лажичка сол. Изненадувачки или не, но поголемиот дел од солта што ја преземаме е „скриена“ во многу продукти што ги купуваме.

Замрзнати јадења

Тие навистина се брзи и лесни за подготовка. И повеќето од нив се полни со натриум - на пример, 150 грама конзерва месо со сос содржи скоро 800 милиграма натриум.

Пакување зрнест појадок

Изгледа безбедна, барем на прв поглед. Но погледнете внимателно - некои видови корнфлекс имаат по 270 мг натриум на порција, а оние со овошје дури и до 350 мг натриум на порција.

Сокови од зеленчук

Пијалаците од зеленчук без сомнение се здрав начин за да го обезбедите потребното количество зеленчук во денот, но и тие секогаш се разумен избор - една чаша подготвен доматен сок, пример, содржи просечно над 650 мг натриум.

Совет: Многу марки произведуваат и Зеленчук сокови со ниск

Компирот ја одржува тежината

Компирите консумирани два пати дневно придонесуваат за намалување на крвниот притисок, без притоа да предизвикаат зголемување на телесната тежина, сугерира една нова студија.

Голем дел од испитаниците кои учествувале во студијата имале проблеми со прекумерна тежина и примале терапија со лекарства за намалување на крвниот притисок. За целите на студијата тие секој ден јаделе шест до осум компири со големина на топче за голф, заедно со нивниот ручек и вечера, како дел од нивната нормална исхрана.

Истражувањето траело еден месец, по кој било забележано значајно опаѓање на крвниот притисок, што значи дека компирите биле доволно моќни да го намалат притисокот кога веќе терапијата со лекарства не можела да даде подобри резултати. Намалувањето на крвниот притисок придонесува за значајно намалување на ризикот од срцев и мозочен удар.

Од огромно значење е и фактот што ниту еден од испитаниците не ја зголемил телесната тежина за време на истражувањето, и покрај тоа што компирите биле дополнителен дел на нивната вообичаена исхрана.

Но, се разбира, важно е да имате во предвид дека тука не станува збор производи од компири, како чипсови и други грицки, туку копири ослободени од дополнителни масти, кечап, сол и останати адитиви. Варените и печени компири, како и пире од компири, се најздрав и најдобар избор.