Ерван Фуере (конечно) си оди

Брисел се смее на писмото од новинарите

Никовски повикува на протерување на амбасадори

Фуере, Рикер и сличните, што побргу да си отидат. Ако може и без поздрав, повик на амбасадорот Ристо Никовски.

Советникот на претседателот Иванов, преку колумна во „Нова Македонија“, сугерира Владата да не биде сервилна да не дозволува дипломати како Фуере и Рикер да не газат и плукаат, притоа оправдајќи го потегот на Груевски да го бојкотира Фуере на коктелот и одбивањето да го прими во својот кабинет.

„Фуере, не заслужи нашата особена почит. Напротив. Од аспект на нашите интереси, неговиот ефект е во добра мера негативен. Неспорен факт е дека Фуере направи повеќе чекори за кои требаше да биде дури и протеран од земјава“, вели Ристо Никовски, советник на претседателот на РМ.

Огоречноста Никовски ја аргументира со тоа ирскиот дипломат и неговиот американски колега се мешале во внатрешни прашања на државата. Притоа се обиделе и да не прекрстат, а и да ни го оспорат јазикот користејќи ја формулацијата државен, а не македонски.

Никовски во колумната констатира дека САД не е наш стратешки партнер:

„Ако националниот идентитет на македонскиот народ е сериозно загрозен, а САД се главниот поборник да се самообезличиме, во што е нивното партнерство“, рече Ристо Никовски, советник на претседателот на РМ.

По ова прашање, советникот на шефот на државата додава:

„САД се клучни и за блокадата и уцената која ни ја испорачува НАТО - или ќе се прекрстите или нема членство“, кажа Ристо Никовски, советник на претседателот на РМ.

Откако група новинари блиски до власта директно атакуваа врз амбасадорите Фуере, Филипини, и европратеникот Талер оцрнувајќи ги како најголеми непријатели, сега на тапет е американскиот амбасадор.

Дека амбасадорите можат да дадат свој печат на политиките потврдува и Рикер. Свесен дека никој нема три чисти да му тропне на маса, тој на моменти се однесуваше како наш неизбран гувернер.

Амбасадорот Никовски на крајот заклучува:

„На Рикер не му се верува дека премиерот веднаш не ги спровел „пораките“ на Вашингтон! Навистина премногу го толериравме и со право не третираат како банана-држава“, рече Ристо Никовски, советник на претседателот на РМ.

Fala bogu prv pat da cujam nekoj da im go kaze direktno u prvo lice ednina na onie koi izigravaat mali bogovi ovdeka.

Risto go zasluzi mojot respekt dozivotno