Што го чека идниот македонски претседател

Шарски телешки одрезок за гостите на инаугурацијата на Иванов

Странските државници, кои ќе присуствуваат на инаугурацијата на новиот претседател Ѓорѓе Иванов, ќе бидат послужени со специфични македонски јадења.
По свечената инаугуративна седница, што ќе се одржи во Собранието, за гостите ќе биде приреден мал коктел на кој што ќе се служат бадеми, лешници и аперитив.
Главниот ручек ќе биде послужен во новиот претседателски кабинет на Водно во 15 часот и 10 минути.
Во менито, како што објави телевизијата А1, ќе доминираат македонски специјалитети подготвени во ресторанот Воденица. Странските државници ќе бидат послужени со галичко сирење, осоговски кашкавал, похована пиперка, макало, пршута, тиквички, мусака од модар патлиџан и сарми.
Главно јадење на свечениот ручек ќе биде шарски телешки одрезок, а за десерт ќе се служи печено ресенско јаболко, овошен кајмак и палачинки.
Новиот македонски претседател Иванов првиот работен ден ќе го започне во кабинетот во новата резиденција од околу 2.500 квадратни метри на Водно во вилата Анекс.
Новата резиденција е целосно одвоена од претседателската вила во која што живее претседателот."
http://www.vest.com.mk/?ItemID=7710E5326CDC5E4FA8FC6BDDFB039182