БЕСМРТНОСТА НА ФЕНИКСОТ

Почитувани,

Меѓу најновите наслови и остварувања од Центарот за Истражување и Креирање Политики (ЦИКП, www.crpm.org.mk) ви обрнуваме внимание на новата Анализа со Повод: Рецептот на ОБСЕ за создавање на вистински демократско општество во Македонија  (Osce Recipe For Building A Pluralist And Genuinely Democratic Society In Macedonia; Occasional Paper N.12; September 2007) во која ја разгледуваме улогата на оваа меѓудржавна организација во создавањето на консолидирано мултиетничко општество осврнувајќи се меѓудругото и на прашањето дали е потребно Албанците во Македонија да го изучуваат Македонскиот јазик. Во тој контекст интересни се резултатите од анкетата што Центарот ја спроведе во општина Чаир во периодот 1-15 Септември на 1080 испитаници по репрезентативен примерок.

Имено според резултатите од анкетата граѓаните во огромен број се задоволни од досегашната работа на градоначалникот на Општина Чаир Г-дин Меџити и тоа потполно задоволни 47.5%, делумно задоволни 26.5%. На граѓаните на општината најмногу им пречи хигиената 38% па состојбата на патиштата 33%. Многумина (23%) сметаат дека Чаир е општина несигурна за живеење за децата. На прашањето дали Чаир е безбедно место на живеење граѓаните на општината одговориле со „да, најбезбедно е од сите општини со„ 36.6%, да ама има лоши делови 28%, делумно е безбедно 25.5% и воопшто не е безбедно 9%.

На наредните избори граѓаните на Чаир најмногу би гласале за ДУИ 32.8%, па за ДПА 8.6%, ВМРО-ДПМНЕ 8%, СДСМ 4.6% и ПДП 4.4%. За друга партија би гласале 10.5% а за ниту една (апстиненти) 31%. Албанците би гласале за ДУИ (53% во прва и 48% во втора изборна единица) повеќе од ДПА (12% и 17%) односно ПДП (8% и 8%). Интересно е што 6 проценти од гласачите на ДУИ во прва изборна единица би биле Турци, односто 5% Роми. Македонците би ја подржале ВМРО-ДПМНЕ (25% во прва и 34% во втора изборна единица) повеќе од СДСМ (11% и 13.5%) иако голем број на Македонци би гласал за друга партија (19% и 10%). Најголем број од Македонците во Чаир се изјасниле дека не би гласале (45% и 43%)

Срдечно,

Тимот на ЦРПМ