Баерн Минхен и Наполи на „Алијанц арената“ го одиграа најинтересниот натпревар на вечерашните натпревари во групите од А до Д во Лигата на шампионите.

„Баварците“ и покрај одличното прво полувреме во кое со хет-трикот на Марио Гомез од 17. до 42. минута стигнаа до убедлива предност од 3-0, на крајот мораа да спасуваат победа откако гостите од Неапол со двата гола на Фернандез во 45 и во 79 стигнаа на само еден гол од бод. Сепак, Баерн Минхен ја зачува предноста по што ја задржа и лидерската позиција во Групата А, пред Манчестер Сити кој лесно стигна до триумф од 0-3 на гостувањето против Виљареал. Јаја Туре во 30 и во 71. минута, и Марио Балотели во 45. минута од пенал беа стрелците за „граѓаните“.

По пауза од еден месец поради повредата на бутниот мускул, Горан Пандев повторно се врати на терени одигрувајќи ги последните шест минути за Наполи. Но, овој пат не успеа уште еднаш да ја замолкне „Алијанц арената“ во финишот на натпреварот, како што беше тоа случај минатата година кога на Интер му обезбеди пласман во полуфиналето од ЛШ.

На останатите вечерашни натпревари лесни победи забележаа фаворитите. Манчестер Јунајтед во групата Ц немаше проблеми против Оцелул победувајќи со 2-0, додека Реал Мадрид со двата гола на Кристијано Ронладо (во 24. минута и во 69. минута од пенал) стигна до триумф на гостувањето во Лион. Во истата група Ајакс го декласираше Динамо Загреб со 4-0.

Сигурен во Групата Б и натаму е Интер кој го совлада Лил со 2-1. „Нераѕурите“ дојдоа до водство од 2-0 со головите на Самуел во 19 минута, и Диего Милито во 65 минута, а гостите од Франција единствено преку Де Мело во 84 минута успеаја да го ублажат поразот. 

ЛИГА НА ШАМПИОНИ – РЕЗУЛТАТИ (4. КОЛО)

Група А: Баерн М – Наполи 3-2, Виљареал – Манчестер Сити 0-3

Табела: Баерн М. 8, Манчестер С. 7, Наполи 5, Виљареал 0.

Група Б: Трабзон – ЦСКА Москва 0-0, Интер – Лил 2-1

Табела: Интер 9, ЦСКА 5, Трабзон 5, Лил 2.

Група Ц: Манчестер Ј – Оцелул 2-0, Бенфика – Базел 1-1

Табела: Манчестер Ј. 8, Бенфика 8, Базел 5, Оцелул 0.

Група Д: Лион – Реал М 0-2, Ајакс – Динамо З 4-0

ЛШ: ЛЕКЦИЈА ОД МИЛАН ЗА “ТОПЏИИТЕ“

Во последниот натпревар оваа недела во рамките на осминафиналето од Лигата на Шампионите, во дербито на Сан Сиро, Милан го демолираше лондонски Арсенал со 4:0.

Дербито на осминафиналето на Сан Сиро започна со мала иницијатива на италијанскиот шампион, но без некои посериозни шанси кон голот на Шчесни.

Првиот посериозен удар го упати Сидорф, но топката мина крај десниот дирек од голот на Арсенал. Истиот играч беше заменет поради повреда веќе во 12-тата минута, а на негово место влезе Емануелсон.

Во пенаесеттата минута иницијативата на Милан вроди со плод и водство од 1:0, а голот беше вистинско ремек дело на Боатенг. Асистенција од Ночерино од десната страна, ја прими топката на гради малку од косо во шеснаесетникот и со силен и прецизен волеј удар ја смести топката во голот на Арсенал.

Но екипата на Милан не застана со нападите. Во 20-тата минута следуваше нова “бомба“ од Ночерино, но за малку не беше прецизен. До тој момент екипата на Арсенал скоро и да не ја помина средината од теренот.

Првата полушанса за Арсенал дојде дури во 25-тата минута. Ван Перси нафрли од слободен удар, а Кошчелни со глава биеше во добро поставениот Абиати.

Милан продолжи со иницијативата и неколку пати, доколку реагираа малку подобро, ќе можеа да постигнат и втор погодок.

Но не можеше вечно да грешат. Во 38-мата минута, иако се чини дека беше во офсајд, Ибрахимовиќ поведе акција по левата страна, упати остар центаршут и буквално го погоди во главата Робињо за водство од 2:0.

До крајот на полувремето Кевин Принс Боатенг имаше шанса да постигне и втор гол но овој пат неговиот шут беше за малку непрецизен и резултатот остана 2:0.

Второто полувреме започна најдобро што може за екипата на Милан. Во 49-тата минута Робињо по една асистенција на Ибрахимовиќ од 16 метри по трет пат го совлада голманот на Арсенал и во тој момент може да кажеме дека со едната нога екипата на Милан се наоѓаше во четвртфиналето.

Имаа шанса и за 4:0 кога по еден контра напад сам пред голот на Арсенал беше Антонини, но левиот бек на Милан шутираше очајно.

Во 65-тата минута ја видовме најубавата шанса за Арсенал да постигне гол и колку толку да ги врати надежите дека можат да се пласираат во четвртфиналето, но Абиати со прекрасна интервенција го спречи волејот на Холанѓанецот.

Во 77-мата минута пенал за Милан, кој го изнуди Ибрахимовиќ кога на него стартуваше Џуру. Истиот играч ја превзеде одговорноста и зголеми на огромни 4:0 за италијанскиот шампион.

До крајот Арсенал имаше неколку обиди за почесен погодок, пред се преку Ван Перси, но Абиати не дозволи да се затресе неговата мрежа.

На крајот може да кажеме дека екипата на Милан со 99,9 проценти е во четвртфиналето од најелитното натпреварување во Европа.

ЛШ: Арсенал на чекор од сонот, Бенфика го исфрли Зенит

Феноменалното прво полувреме “топџиите“ не успеаа да го крунисаат со пласман во четвртфиналето. Во Лисабон, Бенфика го елиминираше Зенит.

Фудбалерите на Арсен Венгер беа свесни дека мораат да одат на се или ништо доколку сакаат да ја достигнат огромната предност на Милан од првиот натпревар.

За нивна среќа уште во 7-та минута Кошчелни по еден убаво изработен корнер успеа со глава да ги доведе многу рано домаќините во водство. По голот Арсенал имаше уште две убави можности преку Ван Перси. Во првата шанса лошо искомбинира со Росицки па убавата можност пропадна, а во втората убаво интервенираше голманот Абиати.

Но во 25-тата минута Росицки успеа да постигне гол по една очајна интервенција на одбраната на Милан, поточно на Тијаго Силва. По еден лош центаршут на Волкот од десната страна тој не успеа да ја исфрли топката која дојде до Росицки, а тој од 13 метри убаво пласираше до левиот дирек од голот на Милан, а Абиати не успеа да го одбрани милиметарски прецизниот шут на Чешкиот репрезентативец, 2-0. Од тој момент, “невозможната мисија“ за Арсенал изгледаше многу возможна, 2-0 по само 25 минути. Милан до тој момент не успеа посериозно да го загрози голот на Арсенал, а првиот прецизен удар го упати Абате во 32-та минута.

Арсенал продолжи со притисокот, а тоа резултираше со пенал во 42-та минута кој беше направен врз Чембрлен. Тој одлично продре во шеснаесетникот на Милан и беше соборен од Месбах, а Ван Перси не греши од белата точка и тоа беше веќе 3-0 за Арсенал.

Милан можеше во 45-тата минута да постигне гол за дополнително да им ја отежни работата на “топџиите“, но Ел Шарави од идеална позиција, очи во очи со Шчесни, биеше крај голот на Арсенал.

Второто полувреме започна со подобра игра на Милан, но првата огромна шанса повторно ја имаше Арсенал преку Ван Перси кој по еден контра напад од само 2-3 метри не успеа да го совлада Абиати, кој пред тоа ја одби топката по шутот на Жервињо.

Тоа можеше да го казни Ибрахимовиќ во 62-та минута по “подарокот“ од голманот на Арсенал Шчесни кој наместо да ја исфрли, му ја додаде топката на Швеѓанецот, а овој шутираше само покрај голот на лондончаните.

И Милан беше опасен во неколку ситуации преку Робињо и Ел Шарави, но не успеа да постигне гол со кој би ги решил сите дилеми за четвртфиналето. Ибрахимовиќ го немаше никаде на овој натпревар, барем до 75-тата минута кога го упати првиот посериозен удар кон голот на Арсенал но голманот на домаќините одбрани. Ночерино во продолжение од истата акција успеа, слично како и Ван Перси, од само 2 метри, непречен од никого, да го погоди денеска одличниот Шчесни.

До крајот немаше посериозни можности за гол. Арсенал одигра одличен натпревар, но големиот дефицит од првиот натпревар во Милано се покажа како решавачки за неуспехот да се пласираат во четвртфиналето.

Бенфика на “Да Луш“ бркаше негатива од еден гол, а победа од 1-0 над Зенит ја водеше во четвртфиналето од ЛШ.

Португалскиот гигант ја имаше иницијативата во првото полувреме и стрпливо ја чекаше својата шанса да го постигне толку посакуваниот погодок. Зенит очигледно дојде да го брани водството од првиот натпревар и немаа никакви намери да нападнат кон голот на Бенфика. Во последната минута од првото полувреме Португалците успеаа да постигнат гол кога Переира од непосредна близина успеа да го совлада Малафеев.

Во второто полувреме Бенфика успеа да се одбрани, а во финишот од натпреварот, кога Зенит фрли се на една карта, успеа преку Оливеира да стави точка на овој дуел од осминафиналето на Лигата на шампионите и заслужено се пласираше во следната рунда од најелитното натпреварување во Европа.

ЛШ: БАЕРН КАКО БАРСА, ШОК НА МЕАЦА

Баерн вечерва против Базел импресивен. Многу лесно дојде до победа, дури и полесно од очекуваното. Четири гола на Гомез и резултат од 7:0.

Фудбалерите на Базел ни во сон не очекуваа дека на Алианц арена ќе ги снајде ваков кошмар.

Се беше решено уште во првите 45 минути, кога Баерн постигна три од вкупно седумте голови. Серијата ја започна Робен во 10та, настави Милер во 42та, а потоа на сцена стапи феноменалниот Марио Гомез. Во 44та минута го постигна првиот гол, потоа уште три, во 50та, 61та и 67та минута. Точка на натпреварот стави Робен во 82та минута за конечни 7:0.