Пилешки копани во сос од павлака

Специфичен вкус

Во сад измешајте ја киселата павлака, сенф, малку масло, сол, бибер и рендан лук и добро измешајте. Копаните и подкопаните ставете ги во смесата и потоа ставете ги во намрсена тава. По желба додадете и компири исечени на парчиња. Тавата покријте ја со фолија и печете околу 50 минути на 200 степени. Потоа извадете ја фолијата и вратете ја тавата во рерна уште 10 минути. Пријатно!

Идеален викенд избор: Пилешко во бел сос

Време на подготовка: 45 минути / ќе послужите: 4

• 800 грама бело пилешко месо
• 400 грама шампињони
• 1 лажичка мелени пиперки
• 2 дл павлака
• 150 грама брашно
• 150 грама кашкавал
• 0,5 дл масло
• Мешавина од зачини, сол и бибер по желба

За бешамел сос

• 80 грама маргарин
• 3 лажички брашно
• 5 дл млеко
• Оригано
• Мешавина од зачини и бибер

Чекор 1

Пилешкото место исечете го на мали шницли и истенчете ги со толчник за месо. Зачинете ги по вкус и втријте ги од двете страни со брашно. Пропржете ги во врело масло, додека да поруменат.

Чекор 2

Шампињоните исечете ги на листови и пропжете ги во малку масло. Извадете ги од маслото и оставете да се оладат и по тоа измешајте ги со павлаката.

Чекор 3

Во огнотпорен сад ставете масло на дното и наредете го прженото пилешко во него, прелијте со печурките и павлаката. Печете во загреана рерна на 200 ºC 15 минути.

Чекор 4

Месото извадете го од рерната и прелијте го со башамел сос и посипете со кашкавал и запечете го додека не поцрвени.

Бешамел сос

1. Во мало длабоко тенџере истопете го маргаринот и по тоа додадете брашно и кратко пропржете.
2. Истурете млеко, додаете го ориганото и зачинете по вкус и по тоа гответе го сосо на умерена температура со мешање се додека не се добие потребната густина.

Состојки:

4 парчиња пилешки гради
120 мл. мед
1 лажица масло за готвење
60 гр. сенф
1 лажичка кари
сол и бибер

Подготовка:

Ако користите дрвени стапчиња, потопете ги во вода. Во сад додадете го маслото, карито, медот и сенфот и убаво помешајте. Тргнете малку од смесата за премачкување. Месото исечете го на крупни коцки и додадете го во садот. Убаво промешајте и ставете го садот во фрижидер 2 до 4 часа, за да се маринира месото. Половина час пред пржење извадете го месото од маринадата и набодете го на стапчињата. Зачинете ги ражничите со сол и бибер. Печете ги на скара (или пржете ги во тава на средна температура)  околу 15 минути, со вртење на секој 2-3 минути. Во последните неколку минути од печењето, премачкувајте ги ражничите со делот од маринадата кој го зачувавте.

Совршен летен ручек: Пилешко во сос од павлака

Вкусното пилешко месо е совршен ручек во овој летен и топол период.

Најчесто во лето ни се случува да не мрзи да зготвиме јадење, па на трпезариската маса завршуваме со некое лесно јадење од типот на пинџур, пржени пиперки и многу салата. Сепак, ние овојпат решивме да ви понудиме нешто брзо, лесно и вкусно. Ова пилешко месо во вкусен сос можете да го послужите со тестенини и свежа салата, како и да ја употребите вашата фантазија па да направите некоја интересна комбинација за ручек.

Потребни состојки:

• 300 гр. пилешко бело месо
• 120 гр. кашкавал
• 2 кисели павлаки
• 2 лажици презла
• Сол
• Малку масло

Подготовка:

Пилешкото исецкајте го на коцки и испржете го на маслото.

Додадете ја павлаката, кашкавалот исецкан на коцки, презлата и посолете по вкус.

Останатото го оставаме на вашата фантазија, а доколку не сте многу гладни тогаш можете ова јадење да го искомбинирате со салата, помфрит и една чашка ладно бело вино.

Пријатен апетит!