Македонија покрена тужба против Грција

Важно е дека нешто се презема, не седиме со скрстени раце и да чекаме од Господ да ни падне решение.

Околу спорните точки, мислам дека е доволно што времената спогодба е потпишана од грција и ратификувана во ООН. Дали е пресудно и ратификување од грчкиот парламент за да биде полноважен не знам, не сум правник... Но ако се покаже дека е така, тогаш ние сме се придржувале 12-13 години кон невалиден договор кој со ништо не не обврзува, и поради него сме си нанеле штета со прифаќање на референцата и промена на државните симболи. А тоа може да ни оди само во прилог...

Судот во Хаг е главен судски орган на ОН и неговите одлуки имаат обврзувачки карактер. Ако донесе одлука во наша корист (дај Боже), а грција не ја спроведе, тогаш се обраќаме до советот за безбедност на ОН, кој е задолжен за спроведување на одлуките на судот. И тогаш ништо не може да не спречи да ја раскинеме спогодбата. Тоа сигурно ќе трае, ама и онака повеќе од 12 години ни поминаа во неповрат...

Хрватскиот професор по меѓународно право кој Македонија го назначи за ад хок судија се спомнува дека е консултиран (или бил автор) на тужбата, па и многу врвни странски експерти кои уште од поодамна го советуваа ова како решение.

Освен еден домашен, се разбира, кој побрза да го оквалификува како уште еден непријателски гест кон “пријателската“ ни грција и удар од страна... Таква сервилност, бог да чува... Не знам зошто уште некој го повикува Фрчко да коментира и ги есапи неговите дрндања за валидно стручно мислење...