Даниел: Во финалето ќе настапам со моја песна

Ново-откриениот талент Даниел Кајмакоски деновиве го даде своето прво интервју и тоа во радио станицата на City Radio. Тој беше мошне возбуден што му се отворила таа прилика да дојде во Македонија, да учествува на Златна Бубамара и воедно да го даде своето прво интервју.

За почеток, одлучи за зборува за почетоците на оваа кариера. Тој  учествувал во многу музички натпревари на Балканот, меѓутоа нигде не постигнал вака голем успех како на X-Factor. Токму тогаш кога започнувале аудициите за X-Factor тој веќе се откажал од музичката кариера, се вработил во Виена и таму живеел. Сепак, неговиот најдобар другар Антонио, решил да го пријави и за последен пат да си ја проба среќата. Даниел дал отказ, ги спакувал куферите и правец во Македонија.

 Другар ми ми кажа дека ме пријавил на X-Factor и натаму што ќе правам беше мое, бидејќи тој верува во моите способности. На почеток решив да ја пеам песната Hello од Лајонел Ричи, која целиот свет ја знае. Но, само еден ден пред аудицијата се премислив и ја сменив со песната Red од Даниел Мериведер, изјавува Даниел.

Во тоа време голема поддршка добил и од Тони Зен, кој му кажал една добра мисла која гласи: Без ризик нема ништо во животот. Треба да решиш самиот со себе и ако решиш нешто – прави го тоа до крај! Освен што му ја дал неизмерната поддршка, тој решил со него да ја снима песна, наречена „Слобода“.

Даниел сепак откри дека за да се избориш со целата конкуренција на X-Factor, мораш да бидеш борец, бидејќи конкуренцијата е многу добра. Некогаш темата на вечерта се знае однапред, па многу полесно било да се избере песната, отколку вечерите кога не е позната темата. Еден просечен ден на Даниел, како и на останатите учесници на шоуто е учење на текстот на песната, вежбање, тонски проби, сценски проби и слично. Според него менторите имаат огромно влијание врз учесниците, а Даниел е среќен што Жељко работи со него, додека не би ја сакал Емина за менторка. Тој призна дека на почеток сите членови се дружеле, но откако ги разделиле кај менторите, тие некако се оддалечиле. Сепак, кога сфатиле дека секој еден може да си замине, повторно се зближиле и сега се како едно големо семејство. Најблизок бил со Маид и со Алекса.

Водителката на интервјуто го праша Даниел дали има некој ритуал што го прави пред секој сценски настап.

- Пред секој мој настап, мислам на мајка ми и на нејзините зборови: Синко, виде колку е тежок животот. Се стави на една карта и гледај тоа да ти се исплати. Едноставно многу ја сакам и овие зборови ми даваат огромна енергија.

И покрај тоа што чувствувал трема на настапите, тој никогаш не размислувал додека пее, туку оставал срцето да го води. Признава дека сите му недостигаат, но знае дека и сите го поддржуваат бидејќи социјалните мрежи се преплавени со желби кон него. Смета дека секој учесник мора да го покаже она најдоброто од себе. Можеби Харис Чато го напушти шоуто затоа што не го покажал она вистинското што се крие во него.

- Се трудам на секој настап да го дадам најдоброто од мене. Но, кога на финалето ќе пеам моја песна, мислам дека тогаш ќе го достигнам врвот. А во меѓувреме сакам да ја испеам песната Gorilla од Бруно Марс и Breathe Easy од британската група Блу.

Ние веруваме во него и ќе гласаме за да стигне до финалето и конечно да му се исполни сонот: Да стане уште една позната ѕвезда, која дошла од нашата земја.

Македонките ме напаѓаат на сите страни!

Харис Чато (14) беше најмладиот натпреварувач во шоуто. По излегувањето од шоуто плачеше, но и сега не му е сеедно бидејќи вели дека елиминацијата му паднала мошне тешко. Утехата ја наоѓа во зборовите на својата менторка Емина која по завршувањето на последниот лајв му ветила дека нема да го остави на цедило. Младиот учесник на X-Factor додава дека се стекнал со многу обожавателки кои секојдневно му праќаат пораки.

Го сакаат девојчињата ширум Балканот, а тоа нормално дека му годи. Чато открива дека е разочаран зошто го напушти најпопуларното шоу во регионот, но најтешко му било што во дуел се нашол со пријателот Лукијан Ивановиќ. Четиринаесет годишниот Босанец тврди дека учеството во вакво натпреварување му донело голема популарност и дека станал главен фраер во школо, во својот крај, но и дека има обожавателки секаде, каде што се гледа X-Factor.

- Тажен сум, речиси три месеци живееме заедно, дишевме заедно. Плачев зошто се најдов во дуел со Лукијан. Многу ми беше тешко. Сепак, драго ми е поради поддршката од Емина, ми вети дека ќе ме подржи, вели Чато.

Од друга страна ниту Емина не остана рамнодушна поради нивната разделба. Ставена пред свршен чин да избира помеѓу Лукијан и Чато, таа ја препушти одлуката за напуштање на шоуто на публиката.

-Во последниот лајв Харис покажа дека е сериозен пејач. Ги засрами сите оние кои се сомневаа во него. Животот и кариерата се пред него! Јас секогаш ќе бидам со него, само храбро, изјави таа.

Харис во интервјуто за еден српски портал додава:

- Не очекував дека ќе испаднам. Публиката така гласала. Требаше моите фанови малку повеќе да се потрудат бидејќи минатиот пат за малку го избегнав испаѓањето. Два пати по ред бев во дуел и ете, го напуштив натпреварувањето. Фала му на Бога, добар сум и сето тоа го поднесов.

Дали мислиш дека Лукијан е подобар од тебе?

- Двајцата не можеме да се споредиме бидејќи сме различни. Не пееме иста музика и немаме ист стил. Тој е одличен и му ја посакувам целата среќа.

Дали си сега главна фаца во школо?

- Па да, така нешто. Сите гледаат X-Factor и нормално е тоа.

Тоа значи и дека девојките се врткаат околу тебе?

- Да, веднаш го забележав тоа :)

Какви пораки тие ти праќаат на Facebook?

- Ми праќаат секакви. Најмногу пораки ми праќаат Македонките и ме молат да им одговорам.



Какви ти се плановите за во иднина?

- Наскоро ќе си одам дома бидејќи ми недостигаат моите. Скоро три месеци не сум бил во школо, па морам да продолжам и сега да го надополнам изгубеното.

Чато исто така во своето интервју откри дека не е како Џастин Бибер, бидејќи тој не бил во затвор.

Дали ти пречи тоа што многумина те споредуваат со Џастин Бибер?

- Секако, луѓето ми говорат дека се водам по музиката која ја пее Џастин. Тој е голема ѕвезда и има постигнато толку многу, па нормално дека сакам да имам кариера слична на неговата.

Дали и ти си проблематичен како него?

- Секако дека не сум. Никогаш не сум бил во затвор.