ПРЕГОВОРИ ЗА ИМЕТО - 1

   Груевски: Нема преговори без решение за спорот

 Горан Момировски  Коментари (5)     

07.09.2008 15:01  

Никола Груевски 

За Македонија не важат критериумите од Копенхаген за влез во ЕУ. Единствен критериум од чие исполнување зависи почетокот на преговорите за членство во Унијата е решението за спорот за името со Грција, смета премиерот Груевски.

Според него, земјата без разлика дали ќе ги исполни задачите поставени од Брисел, преговорите ќе започнат тогаш кога тоа ќе го дозволи Атина. Како тоа Брисел ќе и го соопшти на Македонија зависи од формата која ќе ја договорат Грција и нејзините европски партнери.

Два дена откако вицепремиерот за евроинтеграции и шефот на дипломатијата го посетија Брисел, премиерот открива дека уште за време на словенечкото претседателство со Унијата во јуни годинава, Грција дефакто, ја блокирала Македонија.

„Клучно е ова што ни се случува со Грција и блокирањето што го имаме од нејзина страна, јас имам информации дека уште во јуни годинава во ЕУ имало спремност да се одреди датум за почеток на преговори. Тоа го знам од словенечката страна, меѓутоа токму поради таа причина не се одреди датум за преговори“, изјави Никола Груевски, претседател на Влада на РМ.

Костас Караманлис 

Сличен став за европската иднина на Македонија има и грчкиот Премиер, кој отворено порачува дека Скопје не може да стане дел од ЕУ без да биде решено прашањето за името на државата.

Во исто време, Караманлис е песимист за спорот со името.

„Нашата позиција е да најдеме едно единствено меѓународно име со географска одредница за нашиот сосед, но однесувањето и пред се ставот на Владата во Скопје, не ми даваат оптимизам, барем не за сега“, изјави Караманлис кој ја обвинува Македонија дека нема волја да го реши спорот за името.

Внеси реплика	страница <1 236 237238239 240 256 >
Tweet