Дајте една добра вест

Поминав одлично на матурските испити

Да се живи и здрави, ќе раѓаме уште

Брачниот пар Апостоловски од тетовското село Старо Село, викендов во црк­ва­та "Свети Ѓорѓи" ги крштаваше близначињата Петар и Павле, кои им се 10-то и 11-то дете во семејството

Пе­тар и Павле, близначињата, кои се 10-то и 11-то по ред дете во семејството Апос­то­ло­вски од тетовското село Старо Село, за викендот беа крстени во црквата "Све­ти Ѓорѓи". Богослужбата за крштавката на двете братчиња, стари по 26 де­на, во присуство на родителите Трпе и Ѓурѓа, ја изведе месниот свештеник од Врат­нич­ка­та парохија Перица Бојковски. На ова несекојдневна крштавка свеш­те­ни­кот беше и во улога на кум, бидејќи кумот на семејството Апостоловски, кој им ги да­вал имињата на претходните 9 деца, го предал кумството оти заминал во САД.
Дет­ски плач не е пречека во семејната куќа на Апостоловски каде што мајката ги хранеше со млекото во шишенцата близначињата. Ова 13-члено семејство теш­ко опстојува во денешниве услови, но не се жали и храбро се бори да ги од­гле­да­ 11-те деца. Нивниот единствен имот се шесте кози, еден мал трактор и скром­на­та куќарка на еден кат, која им ја реновира еден хуман скопјанец.
Тат­ко­то Трпе (41) работи како градежен работник во Фабриката за бетон и гра­деж­ни елементи во Вратница каде што заработува плата до 9.000 денари.
"При­ма­ме уште и детски додаток, но само за 3 деца - за секое од нив по 600 денари, од­нос­но вкупно 1.800 денари", вели Трпе.
Мај­ка­та Ѓурѓа (34) е невработена и вели дека е тешкода се нахранат децата, да се воспитуваат, да бидат облечени. "Не може да се постигне сe", додава таа.
Тат­ко­то, кој во селото го знаат по прекарот Тајсон, поради неговата крупна става, приз­на­ва дека не им лесно, но оти излегуваат некако на крај.
"По­не­ко­гаш ќе ни помогнат некои хумани и добри луѓе, ама јас не чекам на тоа, одам да работам кај ќе стасам за да извадам за храна, да опстанеме", вели тој.
Низ дворот и во куќата ечи веселиот џагор на децата, на кои им недостигаат чев­ли, облека, храна, поширок и попристоен дом. Наспроти сe, ова семејство е среќно.
"Не­ма­ме проблеми. Се гордеам со децата. Ќе ги одгледаме. Потоа, секое со сво­јата среќа", вели таткото.
Апос­то­лов­ски со Петар и Павле ја комплетираат фамилијата. "Да се живи и здрави и овие 11", вели мајката Ѓурѓа. Но таткото не се откажува: "Ако Господ реши да нe бла­гос­ло­ви со уште едно дете, ќе го гледаме и него".
Ова многубројно семејство досега нема добиено никаква помош од државните ин­сти­ту­ции. "Немаме користено ништо друго од Социјалното. Не даваат", кажува мај­ка­та.
"Ко­га имавме 5 деца, еднаш од надлежната институција побарав помош, но ме од­би­ја со образложение дека тие давале такво нешто само за оние што тогаш примале плата до 6 илјади денари, а оти јас сум имал поголем приход", дополнува тат­ко­то.
Се­га, кога им се родија Петар и Павле, семејството Апостоловски повторно ќе под­не­се документи за помош. "Нели државата рече дека ќе им помага на семејствата со повеќе деца", вели Трпе.
Нај­ста­ра­та ќерка на брачната двојка Апостоловски има 16 години, а најмалото дете, пред близначињата, има 5 години.