СП во ракомет за мажи - Хрватска 2009

   Ракометарите утре против Норвешка

Македонија утре стартува во втората фаза со Норвешка од 15:30 часот на Мундијалот во Хрватска. Нашите ракометари денеска имаат ден за одмор, а веќе утре ќе се сретнат со селекцијата која во првата фаза во својата група загуби на средбите со Србија и Данска и без бодови влегува во втората рунда од натпреварувањето.

Според одредениот распоред за вториот круг, в недела во 2. коло во групата „2“ ќе играме со Данска во терминот од 20.15, додека во 3. коло во вторник во терминот 15:30 часот се среќаваме и со селекцијата на Србија.

Кире Лазаров е недопирлив на врвот на листата на стрелците. По пет одиграни кола и по комплетираната прва фаза, Лазаров застана на бројката од 53 реализирани погодока, што е далеку над сите останати ракометари кои прецизно стрелаа на шампионатот. Лазаров има 64% реализација, додека на втората позиција веднаш до него се наоѓа Иван Чупиќ од Хрватска кој има 38 погодоци и 75% реализација на нападот.

Во топ 5 на листата на најдобрите стрелци на Мундијалот се и Момир Илиќ од Србија со 31 гол, колку што има и Тунижанецот Туати, додека петти со 30 гола е Полјакот Тлучински.

На листата на најдобри асистенти нашиот Кире Лазаров го презеде првото место од Норвежанецот Мамелунд. Со 24 успешни додавања Кире е лидер и во оваа класификација. Наумче Мојсовски е втор наш асистент со 17 асистенции, доволни за делба на високото 6. место.

Внеси реплика	страница <1 19 202122 23 42 >
Tweet