Нека биде одмор 365 дена

Кога ќе заврши годишниот одмор и човек ќе се врати од некое туристичко место, не мора да заврши и чувството на релаксираност. Еве како.

Разгали се себе си
На одмор луѓето се навикнати да трошат пари на се и сешто, и на непотребни ситници зошто ги амнестира помислата “па, на одмор сум.“ За убаво расположение добро е оваа навика да се продолжи и откако човек ќе се врати од туристичката дестинација. Тоа не значи дека треба да остане шворц, туку да не отстапува од помислата да ги има работите што ги сака, работејќи по принципот - штеди па купи.

Уживај во природата
Кога човек оди од дома до работа и назад едвај и да погледнува наоколу. Дури се вози кон туристичката дестинација буља во се наоколу. За релаксирање, човек треба да се научи да ужива и во секојдневната глетка, а истражувајќи ја својата околина, може да воочи дека таа всушност е многу живописна.

Прави работи во кои уживаш
Пливање, излежување, јадење слатки, пеење... треба да се практикува и откако човек ќе се врати од одмор. За одржување на расположението, се препорачува човек дневно да прави барем по една работа што навистина му прави задоволство.

Пробај нова храна
Далеку од дома на човек му е интересно да испробува нови јадења и најразлични кујни, а дома како по непишано правило се јаде грав, компир или брза храна. Во петок наместо гравче-тавче, пробајте да направите некој специјалитет што сте го јаделе на одмор.

Добро наспиј се
На одмор човек не навива будилник, а исто може и за викенди, кога не е приморан да станува со петлите. За од понеделник до петок човек да биде помалку раздразлив, и полесно да се справува со болести, се советува за викендите да легнува колку може порано навечер и да станува доцна наутро

Секоја година речиси 100.000 мажи умираат пред 75 години од животот во однос на 60.000 жени, објавено е денеска на машкиот форум „Машко здравје“.

Според најновите истражувања вкупно 22 проценти мажи во Англија и Велс умираат пред 65 години наспроти 13 проценти жени, а 42 проценти умираат пред 75 години во однос на 26 проценти од жените. Исто така, истражувањата покажуваат дека 76 проценти од популацијата која извршила самоубиство ја сочинуваат мажи.

- Во однос на жените, мажите поретко одат на лекар. Голема е биолошката разлика меѓу двата пола, така што не постои причина зошто телата на мажите и на жените би се однесувале на исти начин, истакнува Том Спектор, професор од колеџот за генетска епидемиологија во Лондон.

Спектор посочи дека жените се поиздржливи во животот од мажите.

- Тие генерално се поситни и пониски од мажите, а ако земаш помал извор на енергија ќе живееш подолго, објасни Спектор.

Тој заклучи и дека мажите во 50-тата и 60-тата година од животот се чувствуваат бескорисно, додека жените сереализираат како баби кои помагаат околу внуците. Ќе поминат илјада години на еволуција додека модерните мажи не го променат својот начин на живеење, посочи Спектор.

Статистиките од 2009 година, меѓутоа, се поповолни за мажите и покажуваат дека мажите родени 2006 година ќе живеат 3,6 години подолго, а жените 1,9 годни подолго во однос на оние родени во 1990 година.