Наместо да купувате разни комерцијални и често токсични продукти, можеме да направиме крем со фактор, кој ја штити кожата од УВ зраците.
Путер за убав тен
100 мл кокосово масло, екстра вирџин – има фактор за заштита од УВ зраците, мисира фантастично и се топи на сонце.
30 гр путер од какао – со негова помош ќе добиете чоколадна боја.
20 мл масло од сусам – за заштита од слободните радикали.
Шишенце од 150 мл.
Во тенџере со топла вода (околу 60 степени) ставете стаклен сад, во кој ќе ги стопите путерот од какао и кокос. Кога ќе станат течни додадете го и маслото од сусам. Измешајте добро и префрлете ја смесата во чисто и суво шише.

Не трошете пари за скапа козметика, бидејќи сосема доволна ви е маската од банани, јогурт, мед и сок од лимон.
Ви откриваме како да изгледате доста помладо за само 20 минути.
Измешајте една лажица пасирана банана со една лажица јогурт, половина лажица мед и неколку капки сок од лимон. Лицето измијте го и врз него ставете топла крпа за да се отворат порите и да се подготви кожата за подобра апсорбција на хранливите материи.
Нанесете ја маската и оставете да делува 20 минути, а потоа само исплакнете со млака вода. На крај нанесете хидратантен крем.

Чувар куќа е лековито растение, добро познато на нашите баби и користено против многу болести. Денес ќе ви покажеме како да го исчистите лицето од акни и лузни од акни со помош на домашен лек подготвен од ова скапоцено растение. Лекот се подготвува многу лесно и докажано е многу ефикасен. Пробајте и уверете се – нема ништо подобро од лекување со моќта на природата!

Начин на подготовка на лекот:

20 грама свежа билка и 30 грама сув лист од Чувар куќа да се прелие со литар вода да преноќи. Следниот ден да се стави на оган да зоврие и да се остави да врие 15 минути.

Треба да отстои поклопено да се лади околу 20 минути па да се процеди.

Со оваа течност лицето треба да се чисти пет пати дневно, а постапката да се повтори неколку пати, се додека лицето не се исчишти од акни. Лосионот се чува во стаклен сад во фрижидер.

1.    Кокосово млеко. Во Тајланд и на Филипините употребата на кокосовото млеко е традиционален народен лек против опаѓање на косата. Околу половина чаша кокосово млеко се нанесува на скалпот и се остава да делува околу 30 минути. Главата ја покривате со крпа за да се отворат порите. На крај ќе ја исплакнете косата со некој благ шампон.

2.    Есенцијално масло од рузмарин. Маслото од рузмарин се користи во ајурведската медицина против опаѓање на косата. Три лажички од ова масло го мешате со 6 лажички маслиново масло или масло од авокадо. Смесата се нанесува на скалпот и се остава 20-25 минути да отстои со покриена глава. Се плакне со благ шампон.

3.    Црн пипер и сок од лимон. И двете состојки се дел од традиционалната народна медицина кои се користат за растење на косата. Две лажици црн пипер се мешаат со ¼ чаша лимонов сок во процесор додека да се создаде фина паста. Се нанесува на скалпот и се остава да делува 45 минути со покриена глава. Се мие со ладна вода и благ шампон.

4.    Мед.

-измешате пола филџан маслиново масло, една лажица природен мед и една лажица мелен цимет во процесор и направете паста. Нанесете со масажа на скалпот и оставете 15-20 минути со покриена глава. Исплакнете и повторете 3-4 пати неделно.

-Измешајте една лажица мед со една чашка ракија и сок од една главица кромид. Нанесете ја смесата на скалпот, секоја вечер, оставете да делува преку ноќта а исплакнете изутрина.

-1/4 чаша сок од кромид со природен мед, измешајте и масирајте го скалпот секоја ноќ.

-масирајте го скалпот и косата со мед и жолчка од јајце. Оставете 30 минути а потоа исплакнете. Овој лек помага и за сува коса.

5.  Сок од пиреј. Сокот од пиреј или сокот од Алое Вера имаат    најпознато ефективно лековито дејство против опаѓање на косата.  По масажата на скалпот, се мие косата со млака вода. Ова може да се прави два пати неделно.