Гламурот и високите потпетици на Џанвито Роси за пролет/лето 2014

Брендот Gianvito Rossi направи вистински бум во 2007 година кога ја презентираше првата коекција на женски обувки на Модната недела во Милано.

Зад приказната стои синот на легендарниот италијански дизајнер Сергј Роси. Според модните критичари, Џанвито Роси не само што успеал да го докапитализира угледот што го имал поради татко му, туку во некои моменти тој дури и го надминува неговиот славен татко.

Неговите чевли се женствени, современи и елегантни, со силен допир на италијанскиот гламур, но тоа е токму шармот кој им се допаѓа на девојките ширум светот. Една од најголемите обожавателки на овие високи потпетици на овие простори е хрватската пејачка Северина која досега се има појавено барем во 10 различни модели со потписот на овој бренд.

Што се однесува до цените, тие се движат од 400 до 1000 евра и можат да се најдат во сите позначајни онлајн продавници. Погледнете ги најубавите модели од колекцијата за пролет/лето 2014.

Ц