Топ 5 потпетици добри за срцето фатални за џебот

Високата потпетица која совршено „спие“ на стапалото и ја издолжува ногата е сон на секоја жена.

Најубавите соништа стануваа реалност, но несреќната околност е што чинат премногу за да можеме да си ги дозволиме.

Светските дизајнери секоја година не погодуваат право во срце со своите божествени модели, а потоа сурово нè треснуваат од земја со цените кои се исто толку вртоглави колку и потпетиците. За обичната смртничка еден пар од овие чевли е вистински луксуз за кој што ќе потроши цело богатство бидејќи и кога се на попусти овие модели не чинат помалку од 500 долари.

Christian Loboutin секоја сезона нуди широк спектар на прекрасни потпетици од кои ќе ви застане здивот. Од него ги издвојуваме розовиот модел со боцки Pigalle Spikes Baby Pink Patent и шарениот Multicolour Pigalle Graffiti Patent, чија цена е околу 1195, односно 625 долари. И двата модела имаат потпетица од 120 милиметри без подигнување на предниот дел.

Луксузниот модел на Sergio Rossi е уметност во движење.  Изработени во Италија, овие високи сандали се комбинација од сатен и кожа и потпетица од 115 мм. Она што најмногу доаѓа до израз е златната пеперутка која е позиционирана околу самата нога. Задоволството да го имате Filigree Butterfly Laser-Cut Leather & Satin моделот ќе ве чини повеќе од 1100 долари.

Сандалите со златни крилја од колекцијата на Giuseppe Zanotti се најдоа на нозете на многу холивудски ѕвезди. Овој модел преку ноќ стана еден од омилените на дамите од џет сетот, а може да претпоставите и зошто. Giuseppe Zanotti Suede Goldtone Wing цврсто ги држат стапалата на своето место, а на нога изгледаат како да сте божица која чекори по земја. Цената им е само 1500 долари, а ако имате среќа да ги начекате на попуст ќе ги добиете и за 700.

Другиот модел од Zanotti кој исто така привлекува внимание е едноставниот Suede Crisscross Sandal Black со металик потпетица за кој исто така ќе ви бидат потребни околу 700 долари.