Ако веќе останувате дома ова лето, направете нешто забавно во вашиот двор или тераса. Супер би било ако имавте барем една од оние меки нишалки во дворот, создадени за целодневно излежување?

Многу лесно и брзо можете сами да ја изведете, а покрај тоа може да ја украсите по ваш вкус и желба.

Зависно од тоа дали сте големо семејство или пак живеете исклучиво во пар, разгледајте ги своите можности и потреби и започнете.

Потребно ви е само едно цврсто јаже или синџир, палети или даски кои ќе послужат како рамка, мек душек или јорган и многу пернички.

Или пак, постои уште поедноставен начин. Стариот мебел наместо да го фрлите, модифицирајте го, зацврснете го и закачете го на издржливо јаже или синџир. Отстранете или пресечете ги ногарките и вашата подлога за совршена нишалка е подготвена.

Со само малку напор и креативност претворете го вашиот двор во мала оаза каде што ќе уживате во кафето, книгата и љубовта со најблиските.

Само ако и дозволите на вашата имагинација да ве води, ќе забележите дека и од најобичните работи, стари, употребени, навидум бескорисни, можете да  создадете нешто ново, интересно и корисно.

Добро е да знаете да искористите сè што е околу вас, да му дадете нов лик, нова намена и да ги изненадите оние околу вас кој се препуштаат на досадното секојдневие.

Еве неколку идеи кои можете да ги изведете од старите картонски кутии, со малку вештина и поголема имагинација.

Сакате да го понесете морето со себе? Школките сами по себе имаат карактер на детали и додаваат елеганција и нежност во домот.

Сигурно собравте или купивте по некоја школка, па еве неколку идеи како да ги искористите за да го разубавите домот и да се сеќавате на летото во текот на целата година.

Може да комбинирате со чипки, каменчиња, да додадете и песок, корали и останато по ваш избор.

Ова се неколку предлог декорации:

1. Сошијте ги за старите украсни перничиња

2. Декорирајте ги обичните свеќи

3. Обичното, едноставно огледало, делува сосема поинаку кога ќе се декорира на ваков начин

4. За поспретните, малечката масичка во дневна е добар предизвик за украсување

5. Саксиите на цвеќињата

6. Внесете морска свежина и во вазните

7. Едноставни, декоративни детали

Уредувањето на домот не секогаш мора да биде скапо и напорно, посебно ако во изработката ги вклучите сопствените прсти. Деталите како завесите, сликите, огледалата и ламбите за момент ќе го освежат и наједноставниот простор.

Еве како од само една неискористена жица и вешти прсти може да создадете креативно осветлување за било која соба во домот.

Потребен материјал:

• Сијалица со кабел за приклучување
• Изолирана жица (тенка)
• Клешта за обликување
• Инка
  
  

Постапка

Жицата започнете да ја мотате околу инката со клештата за обликување, па потоа со раце. Мотајте ја позбиено сè додека не добиете спирала со посакуваната должина. Колку спиралата е подолга, толку сенката ќе биде поголема.

Тргнете ја инката од долниот дел и протнете ја сијалицата закачена за кабелот. Прицврстете го горниот дел од жицата за делот каде што сијалицата се спојува со кабелот за да може да стои кога ќе го закачите.

Дополнителни совети:

- Постојат различни бои на приклучоци за сијалица, па затоа одберете го во зависност од бојата на жицата.

- Жицата исто така доаѓа во било која боја и да посакате, па затоа секогаш одбирајте некоја која потполно се совпаѓа во вашиот простор.

- Ако сакате да постигнете омбре ефект купете жици во иста боја, но различни нијанси и мотајте така што ќе ги спојувате една со друга со помош на клештите.

- Ако веќе правите шаренило во домот, додадете и сијалица во боја како што е жицата. Ќе добиете интересно, придушено, а весело светло.

Ако ви се скрши некоја чаша, или пак некој предмет кој ви е навистина драг, не очајувајте затоа што тоа не значи крај на неговата употреба. Обидете се да бидете малку креативни и вредни. Пронајдете му нова намена во вашиот дом или двор и решете се од стравот дека ќе мора да се збогувате со тој предмет.

Ова се неколку наши идеи како да им дадете "втора шанса" на скршените предмети.

1. Можеби не сте сентиментално врзани за корите од јајцата, но тие може да ви завршат голема работа. Наполнете ги со восок и направете мини свеќи.

2. Од скршената трамбулина направете го еластичниот кревет кој одамна го посакувавте. Закачете ја на еден издржлив синџир или неколку јажиња, пуштете едно платно кое ќе создаде поинтимна атмосфера и додадете неколку пернички кои ќе ви го зголемат уживањето.

3. Од една скршена маса направете две. Прицврстете ги за ѕидот и искористете ги како мини работна масичка или маса за разубавување со огледало и козметика.

4. Скршените чаши за мартини и вино искористете ги како држач за свеќа која ќе ја забодете во средината на некое цвеќе. Идеално решение ако сакате да создадете романтична атмосфера во вашиот двор.

5. Искршениот накит претворете го во магнет. На приврзоците кои мислите дека никогаш повеќе нема да можете да ги носите залепете им мал магнет и користете ги како домашна декорација.

6. На искршените рамки за слики секогаш можете да им пронајдете одлична намена. На пример, закачете неколку жици и изложете го накитот исто како во големите продавници за аксесоари.

7. Скршената скала е одлична замена за полиците. Има доволно широки скалила за книгите да стојат сигурно, исто како и некои мали сувенири. Одлична декорација за собите во кои сакате да додадете малку старински шмек.

8. Старата искршена столица искористете ја како нишалка. Зацврснете ја со коноп и закачете ја за некоја гранка во дворот. Подобра намена никогаш нема да и најдете.

Канадскиот уметник Кристи Малакоф изработува уникатни скулптури од вистински пари.

Тој ги трансформира банкнотите од целиот свет во прекрасно уметничко дело.

Ние сме воодушевени, сигурни сме дека и вам ќе ви се допаднат. Погледнете:

Свеќите ја будат топлината и романтичната атмосфера, па не би било лошо оваа есен да уживате во домашно изработена миризлива креација. Можете да ја стилизирате по ваш вкус и да ја подарите на некоја драга личност или едноставно да ја украсите вашата полица во домот.

Потребен ви е само еден керамички огноотпорен сад, восок, цели зрна кафе, фитиљ и ванила арома.

Подготовка:

Растопете го восокот на висока температура и додека е уште топол додадете ја ванила аромата и зрната кафе.

Погрижете се добро да ги наместите фитиљите во садот и да го дополните со смесата од восок и зрна кафе.

Украсете го садот по желба и уживајте во миризливата декорација секое утро кога ви е неопходна силна доза кофеин!