ВИДЕО: Македонец со неверојатна изведба го наежи Балканот

Македонија го има најсериозниот кандидат за победа во регионалниот X-Factor по синоќешната изведба на Даниел Кајмакоски, кој го остави жирито без зборови.

Роден во Струга, а живее во Виена, Даниел ги разнежи срцата на сите гледачи кои останаа наежени по феноменалната интерпретација на песната Red од Даниел Мериведар, кој тој ја отпеа подобро од оригиналот. 

- Јас мислам дека сега го погледнавме настапот на еден од потенцијалните победници на нашиот „X-Factor“ , ме воодушеви изјави членката на жирот, пејачката Кристина Ковач.

На ова реагираше другиот член на жирито, Жељко Јоксимовиќ, кој додаде дека Кртистина не треба така да збори дека има уште многу кандидати во шоуто.

Многумина од нас не знаеја, но Даниел е автор на популарниот хит на Каролина Гочева, „Не се враќаш“, на која гостува и нашиот легендарен гитарист, Влатко Стефановски.