Одете безбедно на високи потпетици

Се чувствувате пријатно кога носите чевли со високи потпетици? Знаете ли правилно да ги носите и со нив здраво да чекорите?

Многу жени сакаат да носат високи потпетици (или носат), но одењето не го чувствуваат пријатно. Еве неколку совети кои може да помогнат. Не откажувајте се лесно од тоа што жената ја прави најженствена! (така барем велат...)

Купете го вистинскиот број

За почеток, најважно е да се купи вистинскиот број. Кога бројот на обувката не е соодветен, со потпетици ќе биде уште потешко, особено ако бројот е помал.

Вежбајте одење со потпетици

Облечете ги новите чевли со потпетици и вежбајте рамнотежа. Вежбајте стоење, а потоа направете неколку чекори. Постепено ќе се навикнете на самите чевли, а и на потпетиците, па одењето нема да биде проблем. Со вежбање се постигнува не само пријатен од, туку и убава става.

Држете прав став

Кога одите на потпетици, не подведнувајте се (повеќето жени ги подвиткуваат нозете). Чекорете право и двете нозе држете ги блиску една до друга. Ако ставот ви е исправен, а нозете зближени, нема да имате проблем да се движите удобно на потпетици.

Бидете самоуверени

Многу се плашат и се грчат кога ќе застанат на потпетици. Им се гледа на лицето кога се на потпетици. Треба да се делува уверено, со сигурен став и потпетиците нема да бидат причина за непријатност.

Користете перниче за чевли

Повеќето жени кога одат на потпетици се лизгаат нанапред. За да се избегне оваа ситуација, ставете во чевлите перниче. Чувството е поголема удобност затоа што перничето не дозволува лизгање на стапалото.

Чекорете со помали чекори

Не правете големи чекори кога носите потпетици. Малите чекори ја намалуваат можноста за сопкање и паѓање. Држете ги нозете блиску една до друга и одете исправено со мали чекори.

Изберете облик на потпетица кој е за вас најдобар

Постојат многу форми на потпетици. Платформи, тенки, коцкасти и други. Важно е да ја изберете вистинската форма за вас, онаа во која се чувствувате најудобно. Најважна е удобноста!