Има ли крај – после трите врби за 250 илјади евра, сега три фонтани и плоштад за 4,22 милиони евра

• Објавено: 10.05.2012 20:33
• Прочитано: 4864
• Печати

После тројната премија, која ја доби тетовската фирма „Евро Проект“, а која се однесуваше на поставувањето на три жални врби во реката Вардар за вкупно 250 илјади евра, сега Друштвото за градежништво „Бетон“ доби уште поголема, исто тројна премија, изградба на три фонтани, но која војпат вклучува и бонус - плоштад - и сето тоа за 4,22 милиони евра.

Скопски „Бетон“ извести оти има склучено договор со Општина Центар со вкупна вредност од 259,34 милиони денари (4,22 милиони евра), сума во која е вклучен и данокот на додадена вредност.

За овие пари компанијата треба да изгради фонтана Света Богородица, фонтана Свети Никола, фонтана Свети Петар и Павле, како и плоштад Пресвета Богородица.

(Гарант секој апостол ќе добие споменик со фонтана) упсссс ги потсетив, само да не го прочитаат ова

Инаку, ГД „Бетон“ е компанија која убедливо најмногу доби од проектот „Скопје 2014“ со оглед на фактот што само од мај лани, кога Плусинфо.мк Бизнис почна да ги следи зделките на компанијата со државата, до октомври лани склучи договори со централните и локалните власти во вкупен износ од 35,49 милиони евра. Најголем дел од овие пари се однесуваат на објекти од „Скопје 2014“, но и изградба на едно училиште во скопски Аеродром во вредност од 2,1 милиони евра. Исто така, во оваа сума се вклучени само поголемите зделки за кои компанијата има обврска самата да извести во склад со правилата за котација на берза, како и оние зделки кои се објавени во медиумите.

Годинава, пак, компанијата доби зделка за изградба на подземна пристапна сообраќајница за потребите на катната гаража што Градот ја гради спроти полициската станица „Беко“, на улицата Даме Груев, како и оваа најновава со трите фонтани и плоштадот во износ од 4,22 милиони евра.

Севкупно, значи, од мај лани до мај годинава, цехот на државата кај ГД „Бетон“ изнесува вкупно 40,41 милиони евра, или по 3,37 милиони евра месечно во просек.

Ајде аирлија.. дополнителни 4.22 милиончики.... ситниш е тоа... ама на сумата додаден стига пола милијарда (500 милиони) евричи.... И после нерационално се трошеле парите и без отчет... Па еве отчет... кој го рече тоа дека немало отчет...

Ма што е битно колку биле, битно е дека дигестивниот систем на човекот (читај Македончето) треба брзо да се навикне на јадење од бронза и гипс, зашто лебот луксуз станува..