Закон за бракови помеѓу хомосексуалци?

zabegan напиша: си имаат свои клубови, што сакаат друго

Да лепнеше една листа, не ќе беше лошо.

zabegan напиша: не за џабе постојат и жени и мажи, ние збориме за љубов и останато, но главната причина за постоењето на два пола е половото размножување и опстанок на својот вид можда звучам преосудувачки, ама според мојов коментар педерите се закана за човештвото, без размножување човекот ќе биде истребен сметам дека мојов коментар не е дискриминативен, туку е тотално реален

Не, далеку од реален. Напротив, забеган, како и твојот ник што гласи.

Не за џабе постојат мажи и жени, да, но не за џабе постојат и хомосексуалци - твојата поента?


Јас колку што фрлив поглед последниот пат за светските статистики за популацијата, броиме 7 милијарди луѓе. Мислам дека размножувањето на човечката раса, и судбината на хетеросексуалното население не се ставени под знак прашање во блискава и подалечна иднина. Затоа можеш да се смириш и да ја оставиш паранојата на страна

Е сега, нашиот опстанок, ако веќе некој го гледа како да е во загрижувачка состојба, тогаш не ви се хомосексуалците криви, туку колегите по сексуална ориентација, хетеросексуалците, ширум светот, што се котите побрзо од што можете да се снајдете со ресурси (ако веќе пропаста се гледа во таа насока).

Целосно попедерчување на светот никогаш немало, а нема ни да има, се надевам ќе спиете помирно сега, знаејќи го тоа.

Ние не сме никаква закана за светот, но сме закана за регресивните норми и вредности, и за глобалното статус кво, кога се работи за алтернативни сексуални ориентации, лајфстајл, права.

zabegan напиша: човек зашто сите викаат дека биле дискриминирани? ги имаат сите права како секој друг човек,еднакви се пред законот, не значи дека ако не ми се свиѓаат и ако се табу дека се дискриминирани никој не ги тера да се возат во задниот дел од автобусот

Не, за жал не ги имаме истите права како и сите други. За разлика од тебе, мене и тоа како ми престои голема шанса да летнам од своето работно место, ако надредените дознаат на некој начин дека имам склоности кон истиот пол. Немам право на брак со лице од пол кој мене ме привлекува, да можам да бидам со некој со кој ќе сум среќен, (или во брак, а несреќен, и тоа е можно ) како и секоја друга личност во државава. И да, озлогласеното посвојување на деца, го немаме.

Но да се задржиме на бракот, сепак дискусијава е за него. Тебе ти пречи еве. И што? Треба да останам правно непризнаен? Да не можам да имам посети кај дечкото кога е болен затоа што не сум семејство нити во легално призната унија со човекот? Да не можам да делам наследство? Зошто? Бидејќи тебе ти се грчат цревата кога ќе помислиш на луѓе како мене? (А тоа е твој психолошки проблем, не наш)

Да знаеш, ама ич не ме интересира дали ти пречело тебе, друг, трет, или не. Човечките права ако зависеа од туѓи мислења, човечката цивилизација немаше да дотурка до овде, и се уште да е релативно цивилизарана (до степенот до кој што е). Така да мислам дека е тотално абсурдно, некој да гласа некаков си закон, и да одредува како ќе го живеам мојот живот, како второкалсен или третокласен граѓанин. А плаќаме и јас и ти ист данок кон државата. По чиста логика, заслужуваме да бидеме третирани еднакво.

brza напиша: ma, kakov glas?!

NRGMKD напиша: Jas iskreno nemozam da ja razberam ovaa glupost.. Moze ke kaze nekoj sum premnogu zatupen ili so zastareni svakjanja, ili sum ogranicen vo svoite pogledi kon svetot, no nemozam da se soglasam so homoseksualnite brakovi.. ustvari nemozam da gi svatam homoseksualcite... Nemozam da dozvolam, na homoseksualci da posvojat i odgleduvaat zdravo pravo dete...

А вие двајца, чекај, во кој свет живеете? Во некој имагинарен свет каде нема истополови двојки со деца (генетски нивни или посвоени)?

Зошто во реалниот свет, тие веќе постојат, и ги има се повеќе и повеќе. Ако ви требаат примери како некое дете расте во такво опкружување, наместо солење памет овде, можете да се консултирате со Google, и да проверите сами, како им оди.

Не сме ништо подобри ни полоши родители од хетеросексуалците. Не ми е јасно како нечија сексуална ориентација може да биде предиспозиција дали некој ќе е добар родител или не...

NRGMKD напиша: Nemozam da ja razberam pozadinskata politika na LBG populacijata, na sirenje na homoseksualnosta na ovie podmukli nacini.. Jas definitivno prv ke krenam glas protiv ova zlo... Za mene e zlo... za mene toa e bolest, poremetuvanje.. i nemoze nieden fakt toa da go pobie... Sepak... mazot i zenata se stvoreni eden za drug.. telata na mazot i zenata se tolku razlicni, a sepak kompatibilni edno na drugo... JAS DEFINITIVNO SUM PROTIV OVOJ ZAKON....

Како тоа се "шири" хомосексуалноста? И ти ли си еден од оние кои строго веруваат дека било кој може да се "попедерчи", само ако е во непосредна близина на некој хомосексуалец и комуницира со него? Зар не го гледаш абсурдот во твоето убедување??

Ние не носиме некој "геј вирус", па да конвертираме нечија сексуална ориентација во нашата.

NRGMKD напиша: Доколку сака таа популација да си ги легализира своите врски, нека си ги легализираат, и нека си ги решаваат понатака имотно правните односи помеѓу себе. Но под услов. Никогаш да не побараат да посвојат здраво право дете.

Здраво право дете не, значи болни?

Не ми пречи да имам и такво дете. Она што ми пречи е твојот тип на размислување и како ги оправдуваш и сегрегираш нештата според твојот светоглед. Само поради тоа не би се согласил на таков закон. Не дека не би посвоил и дете кое има далеку поголем сет од проблеми од просечното. Изгледа не сум толку пребирлив како другите

NRGMKD напиша: Некој ќе ме побие со факт, поарно во геј семејство отколку во семејство каде постои насилство и распад на бракот од родителите. Но јас ќе кажам. Која е таа здрава природна средина, кога убаво се знае дека здрава права средина е семејство составено од Маж, Жена и нивни потомци. Се останато според мене е нездрава средина. А сметам дека и многумина ќе се согласат со мене.

А од каде знаеш ти каква е природно здрава средина за растење на едно дете? Единствениот убер-аргумент што го лепите ви е дека се работи за разнополово двојка, и тоа некако, по некоја извитоперена логика, гарантира идеален развој на некоја индивидуа.

Јас растев во твојот пример за здрава, права, и природна средина. Израснав со еден куп комплекси, проблеми, малтретирање, индоктринација, психолошка и физичка тортура итн. Можам да му се с*рам на твојот пример за идеално семејство.

И да, еве го фактот - подобро со истополов пар, него да дреме без родители во некоја институција додека наполни 18 години , и да го шутнат после, да работи некоја безвезна работа до крајот на својот живот.

Како и да е. И да дојде и да не дојде до посвојување деца, законов, за кој е отворена темава, е потребен, од ред други причини. А тоа дали ќе се освои или не, јас сум оптимист, само времето ќе покаже.

Charlie напиша: Никако склучување на брак.. кој со кого сака нек се е.е што сакаат нека праат,нивни проблем нека си е тоа.. ама Брак да склучуваат навистина нема потреба.

Сигурно нема тебе да те прашаме дали имаме потреба од тоа или не

ZoraNaSlobodata напиша: За Ауст,ти не одредуваш што е нормално или не ами природата.Да било нормално,сите ќе сме биле хомосексуалци и,да не објаснувам што би правеле.

Да де, да било нормално, сите ќе беа и хетеросексуалци, можеме и така да го свртиме аргументов. Само мене ми е безвезен, зошто е нерационален. Како таков, не знам ни зошто и до своја страна го употребуваш.

Polar Bear напиша: Пошто јас се декларирав како антипедераст да ти одговорам: никој од таквите како мене не им пречи на педерите да живеат како што сакаат. Нити пак, Бог да чува, му е гајле со кого спијат. Се додека тоа не почнат да го рекламираат пред мене, моите родители и деца. Значи, сум за толеранција, но не за прифаќање и промоција на нивниот начин на живот како исправна ориентација.

Па ти ни било кој друг не одредува дали твоја ориентација е "исправна" или не. Се додека има хетеросексуални парови кои се шетаат по градов за рака и се бацуваат пред кого сакаат, јас ќе го барам истото за луѓето како мене. Дали тоа било за тебе или друг "реклама" мене не ме интерeсира. Сакам да го живеам животот таков каков сите други го имаат на располагање.

А тоа како ќе им објасниш на твоите деца, тоа е твој проблем, и си требал да го имаш тоа на ум кога си планирал да бидеш родител (ако воопшто си планирал, денес секој втор пар од обврска се родители, зошто зезнале работа додека се забавувале). Никој не рекол дека ќе е лесно, и дека на такви проблеми нема да наидеш. Ако не сме ние хомосексуалците, ќе налета друг проблем од подеднакво комплицирана природа кој на твоите деца ќе треба да им го објасниш.

Да, постои нешто како слобода на себе-изразување и експресија. Ако тоа за тебе е рекламација и промоција на нешто, тогаш жалам, ама ќе продолжам да го барам се додека не го добијам, а дотогаш ќе бидам многу, многу, досаден .

Polar Bear напиша: Она што ме попиздува е и дека нивната заедница ја нарекуваат БРАК. Е па извини, мојот однос со жена ми не е ист со односот меѓу двајца педери.

Епа извини дечко, ама освен полот на партнерот, ништо друго не се разликува од односот твој со жена ти, така да терминот "брак" е на место. Плус не е твое дали ќе се вика така или не. Што се однесува до мене, светоста на бракот одамна е изгубена, но ако, можете да си ја задржите, како и терминот. Би бил задоволен и со цивилна/граѓанска унија, која ќе ја има истата признаеност на ниво на бракот, ги гарантира истите права, и истите бенефиции и угодности, на имотно-правни односи, медицински, социјални итн.

Polar Bear напиша: Може да го наречат педерски брак, но релативизацијата на нивната сексуална (дез)ориентација им пречи на оние што не се педери, да не кажам што се нормални. Нивното однесување е девијантно и неприродно, без негативна конотација. Да било нормално да се биде педер, сите во природата би биле педери. Нивната сексуална ориентација е една форма на девијантно однесување, а такви има многу.

Грешка си. Можеби девијантно (во смисла - девиира од конвенционалното), но неприродно? Ако ги отфрлевме сите неприродни нешта се уште ќе живеевме голи и како дивјаци. Тоа што природата упорно ја продуцира хомосексуалната ориентација кај човекот како и кај разни животински видови, тоа доволно налага дека не се работи за нешто неприродно.

Природата има механизам наречен еволуција кој ги требе контра-продуктивните појави. Фактот дека хомосексуалноста ја имало уште од добата на човечката раса, доволно говори дека се уште не и ја разбираме улогата и зошто постојано се реплицира во биолошкиот свет на нашава планета.

Изменето од Нембус - 31.Август.2012 во 22:20

Македон напиша: Јас не интелектуализирам, јас ти говорам каква е состојбата во македонското право и на кој начин некои нешта може да се остварат, тоа што ти прибегнуваш кон философии како начин на решавање на актуелните правни прашања е друго нешто, иако неколкупати ти свртив внимание дека во правото не секогаш таквиот поглед на светот наоѓа примена.

Не бре пријателе, јас не филозофирам туку ја потенцирам состојбата во правото на најасен начин и навистина не можам да верувам како не ја согледуваш таа очебијност:

Messenger напиша: Во суштина тоа е дискриминација во остварување на правата по основа на половата припадност и слободниот избор на човекот во каква заедница сака да живее. И ТОА е проблемот на уставноста на овие законски одредби.

И токму по оваа основа почнаа да се менуваат одредбите во законите на демократските земји, а тоа се одвива и во земјата чие право ти особено го цениш - САД.

Ние с'е уште ќе бидеме на форумов кога тоа ќе биде сменето и во Македонија.

Македон напиша: Бракот е заедница меѓу маж и жена. Токму во тој дел и се оспорува. Правото на брак е потенцијално право, никој не е должен да стапи во брак. За реализација на тоа потенцијално право, условите се такви какви што се. Без нивно исполнување, не може да говориме за брак. Токму затоа не може да говориме дека некој е лишен од нешто.

Факт е дека рамнопоравни ченови на општеството се лишени од остварување на свои права затоа што општеството ги резервирало за заедницата наречена брак која ја препознава единствено како заедница оформена меѓу  две личности од различна полова припадност.

Во суштина тоа е дискриминација во остварување на правата по основа на половата припадност и слободниот избор на човекот во каква заедница сака да живее.

И ТОА е проблемот на уставноста на овие законски одредби.

Доколку законодавецот не прекине со екслузивирањето на  формата брак или не понуди некое друго решение за истополови заедници со кое луѓето рамноправно ќе ги уживаат истите права како и хетеросексуалните заедници, овие одредби ќе бидат уставно проблематични, а ние тука можеме да интелектуализираме до бескрај дека нема никаков проблем бидејќи така било одсекогаш, дека тоа е традиција, дека таква ни е верата, дека инаку ќе пораднел светов...

И ќе повторам, жива патетика е фактот дека Уставниот Суд бара одобрение за својата работа од инстанците кои токму тој треба да ги контролира и од кого треба тие да бараат одобрение за донесување на своите одредби.

Потоа се чудиме зошто меѓународните организации ни ја критикуваат независноста и работата на судскиот систем, како и државната контрола врз него.

Македон напиша: Или ти навистина очекуваш да се укине институтот брак, така како што е конструиран во македонското право, поради тоа што мала група незадоволници сметаат дека не треба да постои? Бракот е право, не е должност. Вонбрачната заедница исто така. Јас досега не сум сретнал правник, професор по право, ниту судија кој би се осмелил да каже дека бракот е неуставна категорија, затоа што е дозволен само меѓу лица од различен пол. Ниту сум прочитал аргументирано мислење од некој правник за такво нешто. Такви мислења сум прочитал само од правниците на социјалистичките земји, кои своите мислења ги базираа на делата на Маркс во однос на бракот, семејството и наследувањето.

Бојата воопшто не ја менува суштината на разговорот,барем за мене.

Messenger напиша: Уставниот Суд во сите држави е поставен да ја оценува уставноста на одредбите од Законот, а не да бара одобрение од властодржецот или законодавецот дали да го право тоа или не. Неговата работа е да го прави токму ТОА. Никој не вели оти Уставниот Суд не треба да консултира правни мислења во врска со својата работа.

Ова е политички израз,не правен.

Messenger напиша: Но, јасно е дека доколку Уставниот Суд си ја врши својата работа независно, како што треба, тогаш оспорените одредби најверојатно ќе треба да бидат укинати или поништени. Не реков сигурно, туку најверојатно. А ова го велам бидејќи барањето за преспитување до Уставниот Суд не е пратено напамет. Уставниот Суд е свесен дека отварање на постапка за преиспитување може лесно да доведе до евентуално поништување или укинување кое би имало далекусежни последици непожелни за постоечкава влада. Затоа, наместо ние да се натегаме дали одредбите навистина се спротивни на одредбите на Уставот на Република Македонија , да го оставиме Уставниот Суд во неговиот потполн капацитет да го одреди тоа без да бара аминување од владата, министерството, црквата или било кој друг. Токму поради ваквото контролирање на власта врз нашето судство Македонија постојано добива критики од меѓународните организации. И тоа е само едно независно обзервирање, а не мешање во внатрешните работи на државата.

За вакво нешто да се каже треба докази дека имало некаква наредба од страна на власта по основ на законот за бракови помеѓу хомосексуалци,оној закон кој ние го дискутираме.Инаку на рекла казала јас не се пуштам.

Messenger напиша: Не сакам да ја комплицирам и заматувам дискусијава со непродуктивни различни именувања кога поентата е еднозначна за посочените примери.

Со почит и кон тебе и ти си паметен,знаеш да извртуваш,не да не,али Македон има знаење

Изменето од goran-twin - 09.Септември.2012 во 19:36

Ма какво консултирање на уставниот суд.Едноставно не треба ни да разлгедува таков предмет и од старт да го прогласи законот за неуставен.