Група на жени инспирирани од холивудските вестерн филмови, организирано пристигнаа во едно мало шпанско гратче обидувајќи се да го спасат од пропаст. Имено, недостатокот на слободни жени во тоа место доведе бројот на жителите сериозно да се намали.

Кога слободните жени од Мадрид стигнале на местото Канделеда, сцената на главниот плоштад потсети на онаа од вестернот од 1951 година „Westward the Women“ со Роберт Тејлор и Денис Дарсел. Во овој филм жените беа донесени со вагони за да им дадат утеха и малку радост на осамените каубојци.

Канделеда има 6.000 жители и се наоѓа покрај реката Лобер, а изминатиот викенд машкиот дел од населението пречека 68 жени кои од Мадрид стигнаа за да се запознаат со локалните ергени. 

- Бев тука со неколку вдовици и жени кои се сами. Среќен сум што пристигнуваат нови дами на кои ќе можам да им покажам колку е убав нашиот град, изјави 67-годишниот Хозе Мигел кој не би сакал нивното место еден ден да исчезне поради тоа што имаат недостаток од жени.

Бидејќи жените пристигнаа, брзо се појавиле искри, а локалните ергени и дамите играле и отворено флертувале.