Форумски аквариум

Најчести бактериски инфекции кај аквариумските риби

Бактериите се присутни насекаде како во земјата така и во водата. Оние кои не се патогени во аквариумот претставуваат биолошки филтер. Тие се разложуваат на амонијак и нитрати и на тој начин се отстрануваат од водата. Патогените бактерии можат да им наштетат на аквариумските риби кога се под било кој стрес, повредени или ако патат од некои други болести. Овие бактерии ја користат предноста на веќе компромитираниот имун систем на аквариумската рипка се размножуваат и предизвикуваат разни заболувања. Начинот за да се справиме со болестите предизвикани од нив е раната детекција. Секако превенцијата со внимателно внесување на нови риби, храна и вода го исклучуваат стресот и го одржуваат здравјето на рибите во аквариумот. Гнилеж на перка е заболување кое започнува со црвени ленти на перките и абнормално просветлување на работ на перката. Во понатамошната фаза се јавува гниење на мембраните на перките и нивните рабови. Ова може да доведе до целосно гниење на перките и да се прошири по телото и да доведе до смрт. Причинители се псеудомони и аеромони бактерии. Овие бактерии можат да се најдат во аквариумската вода но не предизвикуваат проблеми кај здрави единки. Третманот вклучува капење во солени раствори и топикални третмани со генцијана виолет. Неопходна е комплетна дезинфекција на опремата и приборот. Туберкулозата кај рибите се манифестира со губење апетит, бледи обојувања на телото со чиреви по него. Причинител е микобактериум туберкулозис . Со оглед на потенцијална опасност како извор на зараза кај луѓето не се спроведуваат медицински третмани. Гниење на уста- Акутната форма се јавува како ненадејна смрт која се дијагностицира постмортално. Хроничната форма започува со мала бела до сива промена на главата, перките и жабрите. Кај напредна форма од устата се шири на внатрешните органи. Во покасните фази наликува на габични инфекции. Третман со антибиотици.