СКОПЈЕ 2014 или ЛУНА ПАРК '14

Воинот ќе го придружуваат тројца војници во воена облека од елитниот одред на хипасписти

По "Воинот на коњ" Скопје ќе добие скулптура на уште еден толку голем воин. Со висина од 13 метри, во стоечка положба, овој воин од плоштадот "Карпошово Востание" ќе гледа кон оној на плоштадот "Македонија". Двете скулптури се со речиси иста висина - "Воинот на коњ" има 13 метри до главата, а со мечот е висок 14,5 метри. Автор на двете дела е Валентина Каранфилова - Стевановска.

"На плоштадот "Карпошово Востание" ќе биде поставена фонтана со три помали придружни фонтани. На главната фонтана, односно на највисоката каде што ќе биде поставен воинот, ќе бидат поставени и тројца војници претставени во воена облека од елитниот одред на хипасписти како најдобри и најхрабри поединци ја сочинувале кралската гарда"

Моментално фирмата Бетон - Скопје работи на бетонскиот дел од столбот со дијаметар од 3 метри и висина од 15 метри.

"Столбот ќе биде обложен со масивен мермер и релјефи од бронза на коишто ќе бидат поставени повеќе придружни фигури. Најгоре на столбот ќе биде поставена скулптурата на воин во стоечка положба со висина од 13 метри. Во моментот се лие во бронза. За неколку месеци би требало да биде готов во бронза", ни рече Каранфилова - Стевановска. Таа ни кажа и дека двете помали фонтани ќе бидат збогатени со длабоки релјефи излиени во бронза и мермер на коишто ќе бидат претставени растенија што виреат на македонското поднебје како тутунот, магарешки трн, афион, папрат и др. На истите фонтани ќе бидат претставени бронзени коњи и лавови, сите различно поставени во различно движење. Се планира целото монументално решение да биде готово до крајот на 2012 година

На скопјани „преку глава“ од нови градби во центарот на градот

Балкански илузии за величественост

На Балканот, спомениците имаат функција да ги надоместат реалните или замислените историски празнини

Јурица Павичиќ
..................................................

Во Скопје, Македонија, штотуку завршија работите на ужасен кич со слична нота: 24-метарскa бронзена статуа на Александар Велики (која, за да се избегнат понатамошни проблеми со Грците, официјално се нарекува „Воин на коњ“). За само неколку години, националистичката администрација во Македонија успеа да го изобличи центарот на Скопје, што беше одличен пример за модерно урбано планирање, проектиран од Кензо Танге по земјотресот во 1963 година, трансформирајќи го во парк на вулгарни скулптури кои претставуваат „национални херои“.

..........................................


На Балканот, спомениците имаат многу различна функција, да надоместат за реалните или замислените историски празнини. Идејата дека националистите се целосно фокусирани на историјата всушност е потполно погрешна, бидејќи тие никогаш не се задоволни со точното објаснување на историјата на нивниот народ, туку секогаш копнеат да замислуваат алтернативни истории.

На Балканот, спомениците се регулирани со логика која има за цел да се исклучи другиот. Архитектонското претерување на ВМРО (десничарска националистичка партија на власт во Македонија) не е планирано да ја зацврсти идејата што значи да се биде Македонец, туку да се прикрие непогодното наследство од модернистичкиот интернационализам во времето на Тито,и сеќавањето на старите отомански градови со нивниот источен шарм и албанското население чиј придонес кон националниот идентитет треба да се избрише.