Хашките случаи од 2001 ќе се забошотат

Правото и правната држава и овојпат се погазени во Македонија во име на некакви меѓуетнички односи и во име на политиката. Штом и злосторствата кои претставуваат злосторства против цивили и недолжни граѓани се проштеваат, таквата држава самата ги руши темелите на кои почива. Таквата држава не може да очекува дека таквото нешто ќе донесе мир и просперитет. Можеби и краткотрајно може да се очекува, но никако долгорочно. Македонија полека,но сигурно, врви по патот на распаѓање и дезинтеграција на се она што претставува држава во вистинската смисла на зборот. Штом и вакви нешта се покриваат од политиката, веќе нема нешто за кое другата страна нема да може да бара да се покрие од страна на политиката. Дури и најтешките злосторства, како што и може да видиме.

Со ова се отвораат нови врати за конфликти. Мошне брзо Македонија и нејзините граѓани ќе ги почувствуваат последиците од вакви одлуки.

Хашките случаи да ги стопираме и да ги пратиме во историјата


Здружението за поддршка на Јохан Тарчуловски до Македонската информативна агенција достави писмо од Тарчуловски во кое дава свое видување за хашките случаи. Писмото, како што информира Здружението, ќе биде доставено и до претседателот на Собранието, Трајко Вељаноски


Мои браќа и сестри Македонци,

Размислував долго пред да го напишам писмово. Многу мислев, се преиспитував, ги анализирав работите, се потсеќав на некои работи, мислев на многу луѓе, а најмногу на Македонија. Размислував што е најдобро за Македонија и за народот, и кај сум јас тука во целата оваа ситуација.

Имавме избори и победи ВМРО-ДПМНЕ. Во суштина победи народот, зашто изборите беа мирни. Груевски покажа дека знае да работи за народот, да има почит за патриотите и дека го сака патриотизмот, дека ја сака и се бори и се залага за Македонија и сега доби можност своите дела да ги продолжи за Македонија да продолжи да оди по подобар пат. Го знам човекот и знам дека кога ќе каже дека нешто ќе направи, ќе направи се за да си го одржи зборот и дека ќе направи се за да го исполни ветувањето. Да се оддолжи на Македонија со тоа што ќе ја направи модерна и развиена држава. Исто како јас кога застанав на браникот на Татковината и кога се оддолжив кога и беше најтешко на Македонија, и знам дека постапив исправно. Секој има своја мисија.

Слушам и читам сега дека треба да се прави влада во Македонија, помеѓу ВМРО-ДПМНЕ и ДУИ. Читам дека пак многу актуелни станале Хашките случаи, и јас како човек кој сум еден од најповиканите да говори за Хаг сакам да го искажам своето мислење, затоа што јас сум жртва на таков хашки случај.

Во 2001 г. јас и многу македонски синови и ќерки се одзвавме на браникот на Татковината и ја одбранивме Македонија. Знаевме дека одиме во битка од која може нема да се вратиме и од која ќе имаме последици, многу од храбрите македонски јунаци го дадоа животот за Татковината, ама знаевме и дека Македонија не вика, семејствата не повикуваат и пријателите и соседите и сите повикуваат на херојство. И ние херојството го направивме и тоа ќе остане запаметено, и не може никој да го избрише или скрие. Знаевме дека ја правиме вистинската работа и историјата ќе не памети како ХЕРОИ.

Премиере Груевски, покажи доблест да се затвори ова последно поглавје од 2001 година. Разговарајте за тие Хашки случаи, проверете ги законите, и ако има можност, решете го тоа прашање еднаш засекогаш, запрете ги и оставете ги во историјата, завршете ги сите трауми од минатата деценија. Ако бираш помеѓу тоа да ја трошиш енергијата на создавање на нови дела, да градиш и да им помагаш на луѓето, и помеѓу тоа да го оптоварувате општеството и иднината со овие случаи, одбери го првото. Знае народот што беше Татковинската војна, знае и историјата. Ако тоа е предизвик за Македонија да оди напред, знаеш дека Македонија мора да оди напред. Овие случаи треба да ги стопираме и пратиме во историјата, и да одиме напред, да градиме наместо да разградуваме.

Ја имаш целосната моја поддршка за тоа. За мене е најбитно моите деца Мелани и Младен, и сите други деца, да растат во земја во која ќе имаат подобро образование и повеќе можности, кај што ќе имаат подобар живот, отколку да растат во земја која ќе се замара со трауми од минатото. Нека биде по закон, ако има правна можност и ако дозволува правото, решете го и ова прашање што се исправува пред Македонија.

Знам дека болката на сопругите, децата и родителите кои изгубија син е голема, ама јас сум сведок дека јас не сум виновен за некоја болка којашто ја имало некое семејство, а сум во зандана, и не би сакал и некој друг да ја има мојата судбина иако сум рекол дека за Македонија сум спремен да издржам секаков предизвик. А интерес и на оние кои изгубиле драга личност е да имаат подобра иднина. Ние хероите ќе ги паметиме вечно, и со одење напред најдобро ќе се одолжиме за нивната жртва, зашто хероите ја бранеа Македонија за таа да стане модерна и силна држава, а таква ќе биде само ако биде напредна и ако ги оставиме траумите во минатото. Херојството е веќе запишано.

Патриотски пред 10 години беше да се одбрани Македонија. Денес е патриотски да се овозможи Македонија да оди напред, ослободена од бремето на минатото, и да стане модерна држава, каде што сите луѓе од разна вера и нација ќе живеат во слога и со добро. Јас и од овде ќе продолжам да се борам за најдобриот интерес на Македонија и македонскиот народ, имам јак дух и волја, и силна верба во Господ. Знаеме дека Македонија не беше крива за 2001. Еден ден историјата ќе си каже, ама денес е најбитно да се избере најдобриот интерес за Македонија да продолжи да напредува. Ако стопирањето и затворањето на Хашките случаи стои на тој пат, тогаш запрете ги, нека оди Македонија напред, ја имате целата моја поддршка. Така размислува патриот!

Секогаш за Македонија. Секогаш спремни за Македонија. Македонија пред се!

Јохан Тарчуловски, син на Македонија

tekstot e kopiran od vesnikot VECHER


Изменето од Vlad Tepesh - 20.Јули.2011 во 13:21

Собранието изгласа амнестија за хашките случаи



19.07.2011, 22:06

Собранието вечерва со 63 гласа „за“ и 29 „против“ во рамки на продолжението на 4. седница го усвои автентичното толкување на член 1 од Законот за амнестија.

Според усвоеното толкување, членот 1 од Законот за амнестија треба да се толкува така што амнестијата се применува на сите сторители на кривични дела поврзани со конфликтот од 2001 година заклучно со 26 септември 2001 година, освен за лицата кои извршиле кривични дела поврзани и во врска со конфликтот, а против кои Меѓународниот трибунал повел постапка.

Случаите „Водство на ОНА“, „Непроштено“, „Мавровски работници“ и „Липковска брана“ беа процесуирани во Меѓународниот суд на правдата во Хаг, но во 2008 година тие беа вратени во надлежност на македонските судови.

Во текот на попладневната расправа пратениците од опозициските СДСМ и НСДП се изјаснија дека ќе гласаат против затоа што со Предлогот се уривала правната држава, а хашките предмети кои од Меѓународниот суд во Хаг беа вратени во Македонија, не смееле да бидат предмет на Законот за амнестија. Со гласањето за предлогот, сметаат тие, се врши повреда на меѓународното хуманитарно право и се излегува во пресрет на партиско-приватни интереси.

Наспроти нив, пратениците од ДУИ оценија дека автентичното толкување ќе затвори долгогодишен проблем. Нивните опоненти од албанскиот политички блок ги обвинија за задоцнето реагирање за целосна примена на Законот за амнестија.

Изет Зеќири од Националната демократска партија НДП обвини дека Демократската унија за интеграција и покрај подолготрајното учество во власта не успеала да обезбеди почитување на Законот за амнестија.

ДУИ, додаде тој, со своите министри не успеа да наметне конзистентност за почитување на Законот за амнестија, а приоритет на Секретаријатот за спроведување на Рамковниот договор беше вработувањето.

tekstot e kopiran os utrinski vesnik

Изменето од Vlad Tepesh - 20.Јули.2011 во 12:50