Македонската репрезентација

Чиле бара, Јонуз сака!

Репрезентацијата на Чиле понуди пријателски меч со Македонија кој би се одиграл на 9 февруари во Скопје. Популарните "инки" се одлична шанса за нашиот национален тим за добар тест меч пред квалификациската пресметка во март со Република Ирска

"Ни понудија тест меч со Чиле и јас дадов согласност. Тоа би бил одличен тест пред дуелот со Република Ирска. Чиле е селекција која добро котира на ранг листата на ФИФА каде е меѓу најдобрите 30", коментира селекторот Мирсад Јонуз, кој дал согласност за одигрување на оваа средба.
Деталите треба да се договараат деновиве по што треба и официјално да се знае дали Чиле ќе гостува во Скопје. За оваа селекција настапуваат играчи од типот на Артуро Видал (Баер Л.), Санчез (Удинезе), Пинила (Палермо), Умберто Суазо (Монтереј)...
Националниот тим претходно имаше неуспешни преговори со БиХ и Бугарија.

Шумуликоски го напушта Сибир

По четири месеци настап, македонскиот фудбалски репрезентативец Величе Шумуликоски си заминува од рускиот, сега второлигаш, Сибир. Клубот од Новосибирск, со само деветнаесет освоени бода оваа сезона го освои последното место во руската Прва лига и се пласира во второлигашкото друштво.
- Иако газдата на клубот ми нуди потпишување на нов договор речиси и сигурно дека ќе го напуштам Сибир. Во моментов мојот менаџер е во преговори со неколку екипи од Русија и од неколку други европски држави. Со Сибир ќе тренирам до недела, кога се игра последното коло и кога завршуваат моите обврски кон клубот, - изјави Шумуликоски кој претходно настапуваше во Цеље, Словачко, Зенит, Бурсаспор, Ипсвич и Престон.
Што се однесува до останатите двајца македонски интернационалци кои настапуваат во Русија, Горан Мазнов најави заминување од Томск, додека останувањето на Стевица Ристиќ во Амкар многу ќе зависи од недлниот меч со ЦСКА од кој исход ќе биде познато дали клубо од Перм ќе го зачува прволигашкиот статус

Радомир Антиќ наследник на Јонуз?!