Убаво деколте...

Нега за блескаво деколте и цврсти гради

Без разлика на големината и обликот на градите, за истите да се спротивстават на силата на Земјината тежа и товарот кој доаѓа со годините, потребна е цврста и еластична кожа.

За одржување на кожата пак, потребна е редовна нега. Послушајте ги советите на познатите козметолози.

По нивната конституција, градите немаат сопствена мускулатура. Единствена поддршка на градите се всушност слаби лигаменти и кожно ткиво. Па ако сакате да имате убави гради зајакнете ги градните мускули и направете ја кожата што поеластична, објаснува д-р Умберто Борелини.

Тоа најдобро се постигнува со помош на одредени козметички средства, кои треба секојдневно да ги втривате со нежни кружни движења кои го следат обликот на градите и се продолжуваат сè до вратот. Затоа, жената исто така треба да води сметка и за своето држење. Исправени раменици и прав грб прават градите да изгледаат поголеми и поцврсти.

Како да ги користите препаратите

На пазарот постојат многу производи наменети за нега на женското деколте. Сепак, пред да почнете да ги користите, стручњаците препорачуваат да го истриете пределот околу градите, но многу нежно. Тоа може да го направите со помош на специјални ракавици, така што градите ќе ги триете со благ притисок, но никако пределот на брадавиците.

Секое утро, а може и секоја вечер, на градите ставајте одреден козметички препарат наменет за нега на градите.

- Кога ќе се одлучите за некој од препаратите за нега на градите обрнете внимание составот на тој препарат да ги содржи витамините А, Е, С и В5, бидејќи тие ја хидратизираат кожата и формираат обвивка кој ѝ помага на кожата да развие функција на „природен градник“. Би било добро да содржи хмељ, жалфија, масло од соја и ориз бидејќи тие состојки ја регенерираат кожата, додека баобабот ја зацврстува и ја храни кожата, вели д-р Борелини.

Хидротерапија

Овој тип на нега е исто така многу корисен за одржување на цврстината на градите. Хидротерапијата е всушност туширање на градите наизменично со ладна и топла вода, со што се зголемува циркулацијата, при што топлата вода придонесува за ширење на крвните садови, а ладната за нивно собирање. Затоа се препорачува за време на туширањето наизменично да пуштате ладна вода (околу 22, 23 степени) и топла (околу 37 степени). На тој начин им правите гимнастика на вашите гради, а покрај тоа, водата го масира и затегнува ткивото. Насочете го млазот спрема градите и потоа правете „осмици“.

На крај, пуштете јак млаз ладна вода (26-28 степени) на стапалата, па потоа преку ногата поминете со млазот до срцето. На тој начин ќе ја реактивирате циркулацијата, која делотворно ќе влијае и на вашето деколте.

     
                

...лелелеее,и тоа две....деколтеа