ЕВРОСОНГ 2010

Македонскиот претставник на „Евросонг 2010“ што ќе се одржува во Осло ќе настапува на Првата полуфинална вечер, и тоа под реден број 15. Ѓоко Танески со песната „Јас ја имам силата“ ќе пее на 25 мај, и тоа како 15-ти по ред од 17 учесници од првото полуфинале, така покажа официјалниот жреб на редоследот на изведувачите одржан вчера во Осло.

Луѓето од естрадата сметаат дека е голема предност да се настапува меѓу последните учесници на секој фестивал, со забелешка дека последните песни повеќе остануваат во сеќавање.

Инаку, покрај Македонија, од државите во регионот заедно со Танески ќе настапуваат и победниците од Србија, Албанија, Босна и Херцеговина, Грција.

Според правилата на Евровизискиот фестивал, директно во финалето предвидено за 29 мај покрај домаќинот Норвешка ќе настапуваат уште и претставниците на т.н. голема четворка – Шпанија, Велика Британија, Франција и Германија.