BMW серија 5 GT

Audi R8 Cabio



Иако Audi ги откажа сите планови за производство на моделот R8 со дизел мотор, моделот drop-top Spyder cabrio и понатаму е актуелен. Како што и самото име говори, се работи за кабрио автомобил со платнен кров кој Audi отсекогаш го преферирал првенствено поради малата тежина, за разлика од тврдите кровови. Spyder ќе биде достапен во две верзии, V8 и V10.



Верзијата V8 ќе има 4,2 литарски мотор, додека во V10 моделот ќе биде вграден 5,2 литарски мотор. Од германската компанијата најавуваат дека ќе изработат спортска верзија RS за кој ќе биде резервиран 5,0 twin-turbo мотор. Според првичните најави моторот нема да биде единствената разлика помеѓу обичната и RS верзијата.

- Планираме да внесеме нова свежа крв помеѓу луксузните спортски автомобили. Овој модел се’ уште не е во конечна фаза така да сигурно ќе има уште новитети кои ќе бидат претставени на некои од наредните автомобилски саеми, изјавија од Audi.



Според последните најави, Аudi R8 Cabrio во продажба ќе се најде во 2011 година по цена од околу 100.000 евра.

Официјално: BMW 5 Gran Turismo

Едно од најконтроверзните BMW-а во историјата на компанијата, а воедно и последното дело на Крис Бенгли,  е новото 5 Gran Turismo.

Концептот GT претставен уште во март на женевскиот саем за автомобили, конечно е подготвен за производство. Сепак кратенката во називот воопшто не одговара на филозофијата на Gran-turismo автомобили.

Станува збор за комбинација од седан, караван, купе и SUV, а баварците го сместија во сегментот SAV, односно Sport Activity Vehicle, каде што може да се смести и моделот X6.

Звучи како интересна и сестрана комбинација, но не изгледа баш така. Набљудувајќи  го дизајнот на внатрешноста, но и надворешноста, евидентно е влијанието на седмицата како и на  некои од решенијата од претходните концепти.

Вратата нема класична рамка, што  е новост за  BMW седанот, а вратата од багажникот се отвора делумно или потполно.Сериската верзија нуди место за пет патни седишта а доколку сакате можете да нарачате уште две дополнителни спортски седишта за патниците кои што ќе седат одзади.

GT, кој што се движи на модификуваната платформа на петката, во должина брои 4,99 метри, 1,90 метри во ширина и 1,55 метри во висина. Растојанието на осовината е лимузински 3,07 метри, поради што GT е поголем од актуелната петка.

За движење се наменети три мотори, два бензинци и еден дизел. Бензинците се опремени со два турбо полначи, послабиот инаку 3-литарски развива 306 KS (модел 535i GT) и забрзува до 100 километри на час за 6,5 секунди.

Посилниот 4,4-литарскиот V8 истиснува 407 KS (550 GT) и достигнување 100 км/ч потребни ви се само 5,5 секунди. Дизелот е 3-литарски,  со сила 245 KS (модел 530d GT), кој развива  100км/ч за 6,9 секунди. Официјалното претставување е закажано за саемот на автомобили во Франкфурт, а продажбата треба да започне во текот на зимскиот период.

Најсилното Е-купе досега



Тјунерксата компанија Brabus ги претстави пакет измените на новото E-Coupe, a тоа со најсилниот, 6.1-литарски V8 мотор со сила од 462 КЅ, јури до „стотка“ за 4.7 секунди.

Откако AMG го кажа своето во веска со Е-класата купе, односно дека не ја преработува истата, инженерите на Brabus одлучиле на купувачите да им ја понудат својата визија на најсилната изведба



Новиот мотор се темели на 5.5-литарски бензинец познат од моделот Е500, а експертите на Brabus го зголемиле волуменот за 0.6 литри, па си поиграле со радилицата, главата на моторот и вентилите. Резултатот е 6.1-литарски V8 мотор со сила од 462 КЅ и 615 Nm, забрзува до сто за 4.7 секунди и јури полни 315 km/h (AMG има електронска блокада на 250 km/h).



Пакетите за надградба достапни се и за други мотори од понудата на Mercedes, со нагласок на BlueEFFICIENCY линијата. Е250 CDI на 235 КЅ, додека Е350 CDI, за кој е наменет D6 тјунинг китот, после надградбата развива 272 КЅ и дури 590 Nm. Освен погонските единици ревија поминале и федерите на амортизерите и комплетниот систем на амортизација, а кочниците се опремени со алуминиумски клешти напред и четвороклипни назад



Како и обично, тука има многу детали од изгледот на Brabus, како издувниот систем од inox, предни и задни спојлери, светлосни склопови во LED технологија и карбонски елементи кои му даваат посебен шарм. Фелните се со различен дизајн, кој варира од 17 до 20 инчи. Купувачите можат да бираат меѓу Pirelli и Yokahama гуми. За цена не прашувајте.

Opel GT пристигна и кај нас

Овластениот дилер за возилата на Opel во Македонија, Олимпија Моторс, за прв пат на нашиот пазар го претстави Opel GT, наследникот на популарниот роудстер од 1973 година...
На промоцијата, одржана во Хард Рок, посетителите, покрај новото GT, имаа можност да ги видат и олдтајмерите – Olympia од 58’ и 68’ година и оригиналниот GT од 73’ година. Покрај овие модели, специјален гостин беше и моделот Chevrolet Cruze, кој е првиот вистински американски Chevy за европскиот пазар
Ѕвездата на вечерта, Opel GT, има мотор од 264 КС, извлечени од работна зафатнина од 2,0 литри со помош на турбо полнач. Резултатот е пеколно забрзување – до 100 km/h се стигнува 5,4 секунди, а максималната брзина изнесува 230 km/h. Цената на овој модел со полна опрема изнесува 36.580 евра. Доплата може да се направи само за металик боја и кожен ентериер




Opel GT

Opel GT 1968

                    Citroen DS3

Citroen уште на саемот за автомобили во Женева го претстави новиот концепт автомобили под ознаката DS Inside и на тој начин го најави оживувањето на легендарниот DS модел, кај нас познат како Ајкула.
DS ознаката (кратенка од Different Spirit) во иднина ќе ја носи една цела серија топ модели на Citroen, од кои прв ќе биде DS3 кој ќе се појави во текот на 2010-година.
Токму овој концепт го открива изгледот на DS3. Футуристичкиот стил со нагласени штитници од кал и кровот во различна боја, јасно говорат од каде се превземени делови од концептот.
Со оглед на тоа дека во Женева немаше можност да се ѕирне внатрешноста, сега ги претставуваме најновите фотографии, кои штотуку се појавија во јавноста. Како што може да се види, ентериерот е модерен и луксузен, а квалитетот на изработката е на врвно ново.
DS3 ќе биде базиран на новата генерација на моделот C3, а би требало да им конк*рира на Alfа MiTo i Mini Cooper. За моторизацијата сè уште нема податоци, но се претпоставува дека ќе биде иста како и кај C3 моделот.




Citroen DS Inside Concept - Interior Detailed

Менуваат Jaguar за Hyundai

Марката Hyundai со бројот на продадени автомобили успеа да се докаже дури и на традиционално студениот британски пазар со кој начесто доминираат европските произведувачи. Најголемиот успех на компанијата е забележан во замената на автомобили старо-за-ново.



Доколку сопственикот донесе автомобил стар најмалку 10 години, добива 2.000 фунти попуст за модел од јужнокорејската фабрика. Така на паркингот на Hyundai се најдоа многу Jaguar-и, Mercedes-и, BMW-а, па дури и олдтајмери.



Конкретно, засега се донесени 34 возила од марката BMW, 32 од Mercedes, 22 Audi, седум MGF, шест Mazda MX5, Nissan 300ZX, неколку Saab и класици како што се Austin 1100 од 1966 година и Morris Minor од 1968 година.



Дури и сопствениците на луксузни модели, од типот на Jaguar XJ-S и XJ6 ги заменија за моделите i10 и i20. Сосема солидни резултати за Hyundai во Британија. Најпопуларниот начин на продажба на автомобили во Европа го подигна Hyundai повисоко на листата од најпродавани возила во Британија.