Југоносталгичар сум...признавам

Со салутирање на Маршалот и интонирање на некогашната химна „Хеј Словени“, секоја година другарот Ѓорѓи Николов ја започнува прославата на, за него најголемиот државен празник, 29. ноември, некогашниот Ден на републиката.

„За мене претставува најголем празник на југословенските народи и народности, тоа е еден вид симбол на Братството и единството“, рече Николов.

Секоја година на неговата куќа е истакнато државното знаме на некогашна СФРЈ. И на фасадата го има грбот на некогашната држава. Посебно се гордее со сликата на грбот на поранешна Југославија, која била во Југословенската амбасада во САД.

Порано и неговата улица се викала 29. ноември, а неговата сопруга се вика Јованка исто како титовата.

„Па идеите на Гоце Делчев, Тито ги е остварил, тоа треба на сите да ни е јасно и нема што да негираме“, вели Николов.

За некои југоносталгичари, кај Николов, кој има направено и мал музеј посветен на Маршалот, на 29. ноември портите се отворени. Кој не може да дојде на гости, честита и по телефон.

„Јас сум Влав по националност, југословен по убедување и така ќе останам“, раскажува Николов.

Здружението на граѓани поддржувачи на ликот и делото на Јосип Броз, големиот Ден на републиката го прослави како некогаш со кафеана, со здравици, благослови и желби за некогашно повторно обединување на Југославија.

...a da beshe malku i Vlav po ubeduvanje...pa da otvoreshe spomen kukja na istaknatite Vlasi... Gi ima mnogu...