РАЗГОВОРИ ЗА РЕЛИГИИТЕ - ОПШТО И НЕВРЗАНО

<SPAN =WB_UTRINSKIVESNIK_Naslov id=ArticleTitle>Монструмот од Австрија создал подземен свет за своите затвореници </SPAN>

<SPAN =WB_UTRINSKIVESNIK_Podnaslov id=ArticleSummary>Досега случајот „Кампуш“ се сметаше за одраз на изопаченоста во поствоената историја на оваа земја</SPAN>

ВИЕНА - Австриецот кој призна дека 24 години ја држел својата ќерка во подрум, и е татко на седум нејзини деца, ќе се појави пред судијата за прекршоци. Полицијата соопшти дека Јозеф Фриц, исто така, признал дека го запалил телото на бебето што починало во куќата во Амстетен, Долна Австрија. Фриц (73) се наоѓа во судот во соседното место Сент Поелтен. Судијата за 14 дена треба да донесе одлука дали ќе му го продожи притворот. Неговата ќерка, која сега има 42 години, и нејзините шест деца се ставени под заштита. Адвокатот на жртвите изјави дека случајот не покажува знаци на неуспех на институциите во корист на австриските власти. „Се' досега нема знаци дека имало некакви грешки од страна на официјални лица“, изјави адвокатот Кристоф Хербст за австриската новинска агенција АПА. „Ако имаше таква грешка, јасно е дека ќе треба да разговараме за тоа“. Меѓутоа, австриските медиуми поставуваат прашања за тоа како толку сериозно кривично дело толку долго не било забележано. Според „Њујорк тајмс“, се' досега случајот „Кампуш“ од страна на многумина се сметаше за олицетворение на изопаченоста во поствоената историја на оваа земја. Но, со излегувањето на виделина на овој случај, изгледа многу потешко е да се измери тежината на киднапирањето на Кампуш во кој имаше речиси 25-годишен притвор и сексуално злоупотребување, и раѓањето на седум деца, од кои три никогаш, се' до минатата недела, не излегле од подрумот на дневна светлина. Тоа, исто така, го актуализира и непријатното прашање: зошто две такви ужасни злосторства се појавија во ист период во Австрија, позната како мирна и пријатна земја? Изгледа нема едноставен одговор - и австриски официјални лица, иако инсистираат на тоа дека слични кривични дела имало и во други земји, наведуваат дека се обидуваат да ги сфатат неделата на Фриц. „Тој беше угледен човек“, вели Франц Полцер, шеф на Одделот на кривични истраги за провинцијата Долна Австрија на конференцијата за печатот, притоа држејќи фотографија од Фриц, кус, дебел, сед човек облечен во црно. „Тој водел двоен живот“, продолжува Полцер, „со семејство со седум деца со својата сопруга, и второ семејство со седум деца со својата ќерка“. Полицијата го опиша Фриц како авторитативна личност кој не трпел поинакво мислење.

Оспособен како електричар и инженер, Фриц е сопственик на мала станбена зграда, во која издавал неколку станови и живеел на најгорниот кат. Во текот на изминатите години изградил подземен свет за своите затвореници, во тесни соби без прозорци. Тој ги снабдувал со храна и облека, купувајќи ги производите надвор од градот за да избегне сомневање, пишува „Њујорк тајмс“. Од фотографиите на подрумот на Фриц се забележува скриена мрежа од тесни соби без прозорци кои имале добра звучна изолација. Неговата ќерка Елизабет исчезнала на 28 август 1984 година, на 18-годишна возраст, кога според нејзоното сведочење татко и' ја намамил во подрумот, притоа дрогирајќи ја и врзувајќи и' ги рацете пред да ја заклучи таму. Се наведува дека таа била принудена да напише писмо за да изгледа дека избегала од Амстетен, мал град од околу 130 км западно од Виена. Франц Полцер, шеф на Одделот за кривични предмети во Долна Австрија, изјави дека Фриц признал оти сексуално ја злоупотребувал својата ќерка додека таа му била затвореничка. Полцер додаде дека Фриц им рекол на иследниците дека Елизабет родила седум деца, вклучувајќи и близнаци во 1996 година, но едно од нив починало кратко време по раѓањето, и дека тој се ослободил од телото фрлајќи го во печката за отпадоци во зградата. Децата сега се на возраст од пет до 19 години. Подрумските простории кои опфаќаат простор од околу 60 квадрати биле опремени за спиење и готвење, и имале санитарен јазол. Зајакната бетонска врата била вградена во ѕидот што ја одвојувал „занданата“ од куќата која била електронски затворана, со код кој му бил познат само на осомничениот кој ги снабдувал своите затвореници со храна и други неопходни производи, соопшти полицијата. Полицијата на конферецијата за печатот откри дека три од децата биле држени во подрумот со мајка им и никогаш не виделе дневна светлина. Другите три деца биле посвоени или дадени на чување од страна на осомничениот, откако тој ја натерал Елизабет да напише писмо во кое вели дека не може да се грижи за децата, додава полицијата.