Бублика го нокаутира Синер

Бублик го исфрли најдобриот тенисер на светот во Хале!



Александер Бублик го елиминира првиот светски рекет Јаник Синер во осминафиналето на АТП турнирот во Хале (2-1). Казахстанецот по два часа и четири минути го надигра апсолутниот фаворит и прв носител на турнирот во Германија.

Синер отвори добро и го доби првиот сет со 6-3 по само 27 минути игра. Сепак, Бублик одговори со ист резултат и израмни (1-1). Во решавачкиот трети сет тенисерот од Казахстан со 6-4 стигна до победата комплетирајќи го изненадувањето.

Фаворитската улога за пласман во четвртфинале ја искористи Александер Зверев со победа над Лоренцо Сонего (2-1). Италијанецот поведе и го доби првиот сет со 6-3, а потоа Зверев со 6-4 и во тај-брејк со 7-2 го комплетира пресвртот.



Изненадувачка елиминација претрпе и Рубљев во поразот од Ечевери (1-2), Хачанов го исфрли Ожер-Алијасим (1-2), Коболи беше подобар од Шаповалов (1-2), а Махач без загубен сет го доби дуелот со Марошан (0-2).