Планот „Б“ ???

Македонија го пропушта и последниот воз за Брисел и е најизолирана земја,обвини опозицијата. Владата, според СДСМ влече погрешни потези и за името и не сака да го реши проблемот со името.

Затоа, Македонија од лидер на реформите, ги губи симпатиите на меѓународната јавност, и според СДСМ, затоа за Македонија нема столче на министерскиот совет во Брисел. Прашува дали премиерот има резервен план освен ЕУ и НАТО.

Владата прави се да ги исполни критериумите, евроатлантските аспирации се наш приоритет, одговара мнозинството.

„Да ги одржиме стандардите коишто ги постигнавме за НАТО алијансата, во исто време да ги исполниме сите забелешки коишто се пред нас дадени како патоказ во извештајот на Европската комисија“, изјави Силвана Бонева, ВМРО-ДПМНЕ.

Владата, нема намера да ги исполни задачите на Брисел, обвинува СДСМ. Повторно скратена постапка за закони, а сите не се однесуваат на економските мерки. СДСМ прашува дали спикерот Велјановски повторно ќе се извинува пред Фуере.

Деловникот, велат, кој е донесен без опозицијата, а за што бевме укорени, треба да се преиспита. До крајот на неделата, СДСМ ќе поднесе нов текст на собранискиот устав, за да не се повтори денешната слика, кога од осум комисии, пратениците не знаеле на која да присуствуваат.

„Пратениците се растргнати, не знаеме на кое работно тело да одиме побрзо, затоа што и тука не се сака да се дебатира“, вели Цветанка Иванова од СДСМ

„Ние како ДПА, исто така имаме забелешки и што се однесува до употреба на албанскиот јазик во Собранието“, рече Имер Алиу, ДПА.

Како Брисел ќе не третира како сериозен кандидат, прашува СДСМ, кога, како што велат, со лакрдијата со пратеникот на ДУИ Хисен Џемаили, кој за да не му се одзема од платата и за да не се растури бракот ВМРО-ДПМНЕ-ДУИ, тој се оправдува во Собранието, а не се појавува на судот. Не се крши деловникот,а институциите работат на случајот, одговор од ВМРО-ДПМНЕ.

-----------------------------------------------------------------------------------

...навистина го заборавивме Планот Б...кој е најавениот План Б и што претставува Планот Б...знае ли некој или и Премиерот заборавил дека воопшто споменал дека има План Б...искрено се надевам дека ова што ни се случува моментално не го претставува фамозниот План Б...