Југоносталгичар сум...признавам

Македонската
влада во својот возен парк има скапоцен стар модел на „мерцедес“,
останат уште од времето на Јосип Броз Тито, за кого германскиот
производител неколку пати во замена и нудел најмалку три свои најнови
модели, објавува „Време“.

Луксузниот олдтајмер „мерцедес
лонг“, произведен во 1974 година, е добиен од Белград со исклучива
намена во него да се вози југословенскиот маршал Јосип Броз.
Автомобилот е од посебна серија на порачани „мерцедеси“ наменети за
државници.

Изработен е рачно, од специјален метал и е блиндиран.
Луксузно е дизајниран, во елегантна црна боја, тапациран со кадифе и
многу комотен. Автомобилот е лимузина, со шест врати, со одвоен простор
за возачот и шест седишта, свртени едни спроти други.