Ваша поезија

fleur de lis напиша: INTER NOS Навидум мир, навидум немир, навидум тага, навидум радост, навидум смеа, навидум плач, навидум лелек, навидум песна, навидум сласт, навидум чемер, навидум омраза, навидум љубов, навидум сон, навидум јаве, навидум живот… P.S.Благодарам на топлото добредојде и му благодарам на Quentin што даде ојаснување за мојот ник

...bonjour, Quebocois, and well come to you...

Блесава песна за љубовта

Љубовта е навика облечена
во балски фустан.
Балот отпочнува со нејзиниот
лелеав танц.
Сите погледи на светот тогаш
се коваат во тој лесен чекор и
занесна убост.
Игриво и лесно се врти убавицата,
со нозете фаќајќи го секој такт.
И така зашеметена,
го губи чекорот,
ја излудува ритамот,
дланките се потат,
шминката се растекува,
фустанот се кине.
Останува навиката.
Гола.
Расплакана го напушта балот
и го фаќа првото такси кон дома.
Пред својот дом
ќе види младич како
и пее серенада на љубената,
која се топи,
наведната на прозор.
Ќе одмавне навиката со глава,
горчливо ќе се насмевне
и ќе викне:
Close the f***ing window, honey!



Изменето од Quentin - 02.Мај.2008 во 04:01

Ти

Твоите раце катаден ме молат
од стихови да сочинам бајка.
Па, знаеш ли дека од твоите очи
сите неба ми станаа зелени?
И песните поживописни
и прегратките поцврсти
и ластовиците непреселни.

И знаеш ли,
солзиве не знаат дека постои земја,
оти ги научив да капат
само на твоето рамо...
Јас и надежта ја извајав
со твојот лик и насмевка,
а времето го мерев
со биењето на твоето срце.

Раскрсниците ги собирав
во ќорсокак за да не ме
измамат со нови лица,
соништата со твое отсуство
ги врзував во лудачки кошули,
за да не ми ја гребат совеста.

Немав компас, ниту мапа.
Пловев со твоите раце.
Немав воздишки.
Дишев со твоите гради.
Се немав ниту себе.
Во тебе бев стопен.
Во тебе безгранично постоев.

И ако некогаш се изгубиш во светов,
заборавиш за сите,
за себе,
па дури и името си го заборавиш,
јас ќе чекам на некоја широка полјана.
Дојди, ќе те потсетам.
Твоето име ќе биде мој епитаф.




Изменето од Quentin - 02.Мај.2008 во 03:29

INTER NOS


Навидум мир, навидум немир,

навидум тага, навидум радост,

навидум смеа, навидум плач,

навидум лелек, навидум песна,

навидум сласт, навидум чемер,

навидум омраза, навидум љубов,

навидум сон, навидум јаве,


навидум живот…





P.S.Благодарам на топлото добредојде и му благодарам на Quentin што даде ојаснување за мојот ник




Изменето од fleur de lis - 01.Мај.2008 во 22:48

majstorce62 напиша: fleur de lis напиша: ЖУБОР Стојам и наслушнувам жубор, жубор во мислите мои. Станува се погласен и појасен, доброволно се предавам. Ми ја ништи сегашноста, ми ја ништи стварноста. Жуборам и пеам, пеам за себе, пеам за тебе …некогаш пенушка од смоква бев и со тебе и во тебе и низ тебе…. нЕ МОЖАМ ДА ТИ ГО ПРОЧИТАМ НИКОТ , АМА, СЕПАК, УСПЕШНО ПОЕТСКО ДЕБИ... ДОБРЕДОЈДЕ!

Никот на француски означува лист од крин (користен како француски кралски амблем)