Ваша поезија

filmadzijka напиша: На незнајниот поет Здраво, непознато другарче. Не ти знам ни лика, ни тело, ни стил на облекување, ниту име не ти знам, но песната меѓу илјада ќе ти ја препознаам и ќе и се радувам. Ќе ја густирам збор по збор, стих по стих, ќе ја џвакам на ситни залчиња бавно, сосредочено, да не ми избега ниту еден вкус ниту една состојка ниту еден зачин, и ќе чекам, без да посегнам, од пристојност, да ме понудиш со уште. За тоа време ќе се прашувам дали таа знае и колку и значи и дали со бакнежи ја храни и оплодува твојата дарба што така штедро раѓа сочни плодови, или само тагата е твојата тајна љубовница.

Браво за најголемата срцка меѓу поетите. Абе срцка си е срцка

Изменето од Quentin - 21.Мај.2008 во 01:34

Мајката не си го одзела животот, туку чекала да умре,затоа се споменуваат неколку години..кога ке се спојат пак! А летот...летот е само лет!Ништо повеќе ни помалку од тоа. Нема никакво посебно значење.

Tamawa напиша: Може јас сум глупава,ама стварно не го сфатив прашањето... Што значи "друго ниво" ?!?!

НЕ СИ ГЛУПАВА - МИСЛЕВ ПОКРАЈ ОСНОВНОТО НИВО НА МОТИВОТ, РАЗГОВОР НА МАЈКА И ЌЕРКА ПОСЛЕ ЖИВОТОТ - ЌЕРКАТА СЕ САМОУБИЛА СО СКОКАЊЕ ОД ВИСОЧИИНА А МАЈКАТА НЕ МОЖЕЈЌИ ДА СЕ ПОМИРИ СО ЗАГУБАТА СИ ГО ОДЗЕЛА ЖИВОТОТ ПО НЕКОЕ ВРЕМЕ... ДАЛИ СЕ ОДНЕСУВА НА ТАКОВ ЛЕТ ИЛИ ЛЕТОТ ИМА ФИГУРАТИВНО ЗНАЧЕЊЕ?

Може јас сум глупава,ама стварно не го сфатив прашањето...
Што значи "друго ниво" ?!?!

Закон! И ова твое дело многу ми се допаѓа! Одлично пишуваш,само така продолжи!   

Спојување...


Еј ти,
ти што уште мирисаш на топла крв!
Можеш ли да ми кажеш како вчера
мирисаше пролетта?!
Последен пат ја сетив пред години,
тогаш мирисаше на свежи јагодки,
дрва, рацветани тополи.

Еј ти,
ти што уште мирисаш на топла крв!
Можеш ли да ми кажеш каков вкус
имаше вчера зеленото јаболко?!
Последен пат го вкусив пред години,
тогаш беше со сок полно,
одвај чекав мајка ми да ми набере
и да ги стави во сад пред мене.

Еј ти,
ти што уште мирисаш на топла крв!
Можеш ли да ми кажеш какво
беше вчера небото?!
Последен пат го видов пред години,
тогаш беше чисто,без облаци,
имаше само многу ѕвезди распрснати.

Еј ти,
ти што уште мирисаш на топла крв!
Можеш ли да ми кажеш каква песна
вчера пееа птиците?!
Последен пат ги слушнав пред години,
тогаш имаа некоја весела мелодија,
ми се чини пееа за љубовта.

***
Еј керко,
вчера пролетта мирисаше на оган и прав,
зеленото јаболко беше труло, гнило,
небото беше тажно,плачеше и сееше страв,
а птиците пееа тешко за времето што било.

Одвај чекав да ти се придружам,
во овој затвор бескраен темен и ладен,
чекав светлина да видам и на земја да се спружам,
зашто без тебе светот не беше праведен.
***

Мамо...мамо прости ми,
само сакав да видам како е да раширам крила и да летам,
мамо...но доцна сфатив дека немам каде да слетам,
жал ми е мамо ...жал ми е....

Quentin напиша: Половично Одамна знае тој дека не е последниот на кого му посакуваш добра ноќ, пред да заспиеш со неверојатно чиста совест, по тешка кражба на две тела. Одамна знае тој дека перниците на твој парфем ми мирисаат, дека по секое напивање од тебе, останувам уште пожеден, дека усните со кои го бакнуваш на враќање дома, не се истите со кои си излегла. Одамна знае тој дека не е случајност што моето име на сон го довикуваш, дека има само половина од твојот допир, твојата воздишка, твојот поглед. Дај му се нему ноќва целата. Ќе видиш дека од навика, ќе те гледа со едно око, ќе те љуби со една усна, ќе те допира со една рака.

Ах колку е моќна песнава...браво