Храната како лек!

Селенот го регулира притисокот

Нема да верувате, но овој олигоелемент некогаш се сметал за отровен. Но, за среќа, денес е познато дека селенот го забавува процесот на стареење на клетките, го јакне имунолошкиот систем и го регулира притисокот. Природен извор на селен е јајцето, поточно жолчката, интегралните производи од житарките, младото сирење и млекото. Најдобро е да го земате низ интегралниот ориз, кој има 15 пати повеќе селен отколку белиот ориз. Не цедете ја водата во која се варел оризот, зашто целиот селен се задржува во неа.

Вити и млади! Затоа обрнете внимание на елементот цинк кој ги топи масните наслојки во телото зашто го забрзува метаболизмот. Освен тоа, цинкот ги обновува клетките и изградбата на врзивното ткиво, што е најважно за кожата. Најмногу цинк има во кашкавалот (ементалер и едамер), потоа во лиснатиот зеленчук и во интегралните житарки.
Интересно за цинкот: стресот го уништува цинкот во организмот

Оревите се едни од најздравите плодови и треба почесто да се јадат од здравствени причини.           

 Во споредба со другите овошја со јатка, оревите имаат највисоко ниво на антиоксиданси кои на телото му помагаат да се заштити од болести, изјави доктор Joe Vinson од Универзитетот во Пенсилванија.

Сите плодови со јатка се здрави бидејќи имаат одлични хранливи вредности, богати се со незаситени масни киселини, минерали и витамини, но оревите се уште поздрави од бадемите, лешниците и фстаците.

Vinson го анализираше нивото на антиоксиданси во 9 различни врсти на плодови и донесе заклучок дека во оревите ги има двојно повеќе за разлика од другите. Покрај тоа, антиоксидансите во оревите се со одличен квалитет, од два до пет пати помоќно од, на пример витаминот Е.

Редовното консумирање на ореви во умерена количина го намалува ризикот од срцеви заболувања, од некои видови на рак, дијабетис и други здравствени проблеми.

Изберете ја поздравата храна!

Хранливата вредност, дури и кај исти продукти, може значително да се разликува!

КРОМИД - Подобар е кромидот со црвена или жолта боја, зашто содржи кверцетин (кој го нема во кромидот со бела боја), антиоксиданс што ги неутрализира канцерогените материи. Освен тоа, дејствува антивоспалително, антивирусно и антибактериски.

ЦИТРОН - Подобро јадете го оној со розова боја. Сите видови цитрон се богати со витаминот Ц, но во розовиот го има најмногу. Освен тоа, содржи и бета-каротен, кој во организмот се претвора во витамин А и штити од инфекции.

ВОДА - Секогаш избирајте негазирана минерална вода. Сите води се добри, зашто го чистат организмот, но негазираните се подобри од газираните, зашто содржат помалку натриум. Кај некои лица, прекумерното количество натриум може да предизвика задржување на течностите во организмот и со тоа да го зголеми крвниот притисок.

ВИНО - Подобро е црвеното, зашто е богато со антиоксиданси, материи што ги спречуваат туморите. За разлика од белото вино, црвеното се произведува од цели зрна грозје, кои ферментираат заедно со кожичката и семчињата. Освен тоа, црвеното вино содржи железо, па е добро и за анемичните лица.

ОРЕВ - Оревот е богат со калиум, магнезиум, цинк, бакар, селен и фолна киселина, па е добар за нервниот систем. Оревот во лушпа е подобар, зашто ја задржува свежината, па е побогат со минерали.

СИРЕЊЕ - Најдобар е пармезанот. Освен што е богат со калциум, тој содржи повеќе белковини и фосфор отколку другите видови сирење, па особено е добар за нервниот систем. Им се препорачува на доилките и на децата.

ПИПЕРКА - Попрвин јадете црвена пиперка. Содржи двојно повеќе витамин Ц и девет пати повеќе бета-каротен од зелената. Бета-каротенот ги штити клетките, го спречува оштетувањето на кожата предизвикано од сончање и го забавува процесот на стареење.

МАСЛИНОВО МАСЛО - Богато е со Е-витамин, кој е чувствителен на светлина, па затоа е подобро да се купува маслото во конзерви или во шишиња со темно стакло. Треба да се чува на свежо место.

Свежи или суви, смоквите се добар сојузник во борбата против остеопорозата, зашто се богати со калциум и со калиум. Освен тоа, изобилуваат со влакна, кои го забрзуваат функционирањето на системот за варење и благотворно дејствуваат врз кардиоваскуларниот систем. Но, кога станува збор за хранливите вредности на смоквите, треба да знаете дека содржат витамини од Б-групата, витамин Е и магнезиум.

Ако изедете една рака ф'стаци на ден, ќе го намалите ризикот да заболите од некои кардиоваскуларни болести, ќе го намалите нивото на холестеролот и ќе ги зајакнете ѕидовите на артериите. Зашто овие семки, меѓу другото, го содржат и антиоксидансот лутеин (го има во зелениот лиснат зеленчук и во овошјето со јаки бои). Инаку, стручњаците препорачуваат ф'стаците да се јадат несолени, зашто солта го зголемува притисокот. Меѓутоа, присуството на сол не ја намалува улогата на ф'стаците во соборувањето на холестеролот.

Главоболката често може да е предизвикана од одредена храна или алергиската реакција на некои од продуктите кои што сме ги консумирале.

Научниците по последните спроведени истражувања објавија дека за разлика од некои продукти кои можат да предизвикаат главоболка, лимонот ја ублажува болката.

Во овој случај наместо апче против главоболка, земете лимон. Потребно е да исцедите лимон во чајот што го пиете и тој веднаш ќе ја ублажи болката во главата.

Исто така, кората од лимонот, изрендана во фина смеса може да се користи како облога за глава, а најефикасно делува како ублажувач на главоболката предизвикана од температура.