Ваша поезија

во модрите ноќи, некаде, се запишани сите наши движења

кога заборававме како е, да заспиеш

кога твојата коса, налик на сите коси на Alfons Mucha,

беше,за чудо, уредно распослана врз перницата

а некаде, во тие модрите ноќи се нацртани и твоите очи

.

тоа го знам

зошто секогаш кога ќе те сретнам

и во твоите очи

ги гледам модрите ноќи

а сепак упорно ги барам, иако точно знам каде се

Од печатот е излезена мојата втора стихозбирка поезија„Љубовен филигран„


Љубовен Филигран

Ти ги оживеа моите полумртви дланки на кујунџија,
од младиот месец ќе ти направам сребрен филигран,
а тој, воин, застанат во твоите коси љубоморно те чува,
со трепет ти ткае најубави нитки сврзани во твоите очи.

Низ сите изминати векови металот постоеше само за тебе,
се топеа и калемеа чекајќи да се родам со дарба за тебе,
во рацете ѕвезди и месецот со златен невестински фустан,
ја крунисуваа твојата убавина поклонувајќи се пред тебе.

Јас итам да ти направам цветен филигран за твоето грло,
а прстите болат од заострени агли да извајам и залепам,
мозаикот од деноноќието ќе го вплетам врз твоите гради,
а градите твои се брош љубовен во моите раце кујунџиски.

Кога зората зазорува со златните нишки ќе ти извезам срма,
онаму од каде се буди светот носам златни конци за прстен,
во мојот храм на љубов божица на љубовта застана занемена,
клекна покорно пред мојата љубов и раце на љубовен уметник.

Даница Петровска-Дани.

Santijago напиша: Џабе прашуваш Даки, нема да ти одговори Алан Форд... Честитки за книгата Даница, се надевам дека ќе редиш само успеси

На повидок е и мојата втора збирка поезија:)

Џабе прашуваш Даки, нема да ти одговори Алан Форд...

„Готска жена„

П О К А Н А

Ве поканив на вечера,
не дојдовте,
проклета сум,
не сум носена во црква.
Сотона ми е кум.
Мојата душа е проколната.
Испеаните песни
не ги слушнавте,
не се за вашите уши,
душава ми е празна.
Сотона ми кажува стихови,
мојата душа е проклета
Јас сум поет!
Дајте ми друго име!

Даница Петровска

Колку да не испадне одамна ја нема на форумот,пуштила неколку поста и еве ја како некој дух се појави,а и одамна ме нема..си признавам:)

Дел од мојата објавена книга „Готска жена„инаку моја прва објавена книга во 2011 година.Првенецот го започнав со темната уметност:)

ГОТСКА ЖЕНА

Готска жено,ти нема прозбори!
Откри заспани мисли,
тешки камења скрши,железна порта отвори,
замок од јад на проколната чеда пронајде.
Под наметка сокриени желби,
душа вековна сокриена,
темниот месец тајна открива
деца на ангел црн,искршени крилја.
Во празнина заробена тишина,
сенки на изгубени души по пат чекорат,
огледало на темнина во око скршено
изгубен е патот до светлина.
Вие што болка сенка ви е
кажете како мириса земјата,
во око на изгубен талкач роза црна,
ангел со искршени крилја во темнина заробен.
Напијте ме,нахранете ме ,
во раце книга на сенка дај те ми
во неа тајна на месецот запишан
во неа сите тајни на смртта јалова.

Даница Петровска

alan ford напиша: БЛАГОДАРАМ Благодарам за болката, научив како умира волшебството, научив како исчезнува магијата, научив да живеам без илузија. Благодарам за солзите, научив да бидам истрајна, научив да бидам камен, научив да ја победам болката.

Во иднина ќе те замолам кога некоја песна не е твоја барем под неа стави чија е песната:)